Monday, April 11, 2011

Bumla

Bumla hi Tawang atanga 35 kms vel niin DC leh Army Commandant te phalna lehkha lak hmasak phawt loh chuan tlawh maitheih anilo a. Tin, a awmna hmun hi 21, 000 ft (Above MSL) bawr vel anih avangin tlailamah a luhna vengtu sipai ten an khar tawh thin a – Chhun dar 12 hnulamah hichuan khua a chhe tawh tlangpuiin vur a tla tawh thin. A awmna hmun hi Line of Actual Control (LAC) tiin hriat ani a; McMahon Line kha China in a pawmloh em avanga 1962 Sino-Indian War pawh kha irhchhuak ani reng a (Post hmasa lamah tlemazawng chu ka thailan tawh kha). Tawang District hrim hrim pawh hi China in a ram angah a la ngai a, mahse tunah rih chuan ui sual huai angin an inthathen rih a.
India in China sipaite a lo chiau au na hmun (Landscape ah ka dah lova a fiah vak lo)
Ramri panna kawng (Hnai viaua lang si a san em avangin a kalchak chi loh)
Lungpui hi ramri atan an pawm tawpa, 'Rock of Peace' an vuah bawk (India atanga thlalak ani)

Bumla ah hian India sipaite inkulh in a piah lawkah, 20 kms bawr vel a hla ah, China sipaite Lee Camp ah an inkulh ve thunga. Indo peih sa at a inralring chunga inep e ti lo chuan an intlawhpawh viau thung – China sipaite August ni 15 ah India a lo lut in an lawmpui a, India sipaite te China ah October ni 1 ah an zuk lut ve thung. Hemi bakah Border Personnel Meetings May 1999 atanga khan neih reng ani tawh bawk. China sipaite chuan India cigarette, pawisa, leh Old Monk Rum an duh hle an tih tak kha mawle – Teh daih chuan ka ti rilru !! [A hnuaia thlalak pathumte hi China ramchhung atanga lak anni].
China in India sipaite a lo chiau au na hmun
Entlangin China ho awmna a lang thei viai viai
Tlangpawng hi hmunsangber lai - 'Shiv Linga' (China hoin a hmingah engtak vuah ve ang maw)

Mean Sea-Level (MSL) atanga a san tawh em avangin a hmun pawh a vawt tawh hle a; thlasik ah -25 degree celcius te niin nipui lai pawn zan boruak chu -5 degree celsius ah a tla daih theia. A vawh chu thuhran ni se 18, 000 ft chunglam hi tlanglawn thiam tena ‘Death Zone’ – Oxygen tlem tawh na – ti a an sawi anih tawh avangin hriselna tha vervawr tan pawh han pawngpaw zuam chi ani hauhlo mai. High Altitude Sickness – Luhai thut, thawchham, chauh thut, hnar thi etc etc – neih hi thil namai anilo a. Kan Probation laia Uttaranchal-a trekking kan kal tum a Dehradun sikul naupang hmel pawl vek tawh 14, 700 ft atanga mule (Sabengtung leh tlangram sakawr te chi thlahpawlh) chunga an rawn phurh thlak hlawp hlawp kha ka la theihnghilh miah lo – Dam hrisel chhuak leh tak maw ??
Bumla hnuai deuh a India sipaite chenna

16 comments:

Anonymous said...

Pic chu a va mawi hlawm ruih ruih tak em aw.. A bengvarthlak thin e. Ramri hi khitia han en mai chuan a lo ho ve khawp mai! :-)

alexxfender said...

Pic. kan en zuai zuai a.. ka mitthla ah rang takin, vur ram a Pu Dula thlalak, boot nalh deuh a bun na kha a lo lang daih mai.

Dawldanga said...

Pic a nalh hlawm khawp mai... Khitiang hmunah khi chuan RUM a hek duh ngawtin a nia ka rin :D

Zara Ralte said...

vairam khawlum tak kar atang chuan i pic ho hmuh chuan hah a ti dam sawng sawng thei dawn alawm le.I ram fan chanchin chhiar a nuam thin e.

H.Vangchhia said...

Chinese sipai ho khan i indo sawiah khan vai sipai awmna lam an pan khan a um tute aiin an tlan chak zawk hle tih anih kha. Youtube ah pawh a video (live) a awm nghe nghe asin. An ralthuam zawng2 an tlanchhiat san vek a, an pe kir leh a hnuah.

I thleng chhak veh vawh hle mai, ka chak ve zawng tak thil i ti thin a. Nang chu hnathawk i ni miau a, a dan a dang ang chu. A hmuna hmuh ve hun awm tak maw!

triplestar said...

Keini teh lul hi hetiang hmunah hian kan kal awm si lova i pic hi uluk takin lo en mai ang :-)

India sipai leh China sipai i sawi te khi hetia an intlawh pawh fo chuan thianahte pawh an insiam emaw a ni anga, indo han chhuak sela inkah hlum tumin an insai leh vak awm si a, ram leh ram hnam leh hnam kan tih hi chuan mihring hi min va han tibuai tak em

Varte said...

Laldaizaua ti tawh che ila tha ang, dai zau ve e mai, ti hian China ramri kan hmu ve a ni mai, a tha khawp alawm. A vawh hmel hle leh nghal a...

Rp Pachuau said...

E heu hei zet chu, kan Freezer ai pawhin a khir ka ti. Mit i ti tlai thin e,.Nau thil duh pek ang deuhin 'Dang pawh' kan lo ti zel ang.

Unknown said...

@ TS Khupchong: I va ti lawmawm ruih ruih ve aw. Nia, a ho angreng khawp mai. Lungpui khi an hmangtawp a, a ram leilung lah engmah to theihlohna lungkhawkrawk ani leh ringawt a :)

@ alexxfender: I boss Shree dula hichuan i ngaihtuahna a luah khat ve ngawtin ka hria...ha ha ha ha...

@ Dawldanga: High Altitude boruak hip tur tlemna a zu lo in ngawt hi a finthlak ber loh asin, thi ta thut an sawi ka hre ta nual mai...

@ Zara Ralte: Khaih a, ram vawt lutuk hi a nuam hranlo asin. Tawangah khan khawchhak unauten ek in mahni a intilumthei an siamchhuah nachhan ka hrechhuak...

@ H.Vangchhia: Hneh lo chhiava ang chu mawle, Tezpur thleng an rawn la hman alawm...ha ha ha ha..Engvanga awp hlen ta lo nge tih hi chhut tham fe ani ??

A tul miau si a ka kal ta mai mawle. A hmun han thleng turin ni hnih lai kawngah thang a ngai lehnghala, kawngchhiat nen reilote chhung chu ka sil thum alawm. ‘Business with pleasure’ kan ti mai dawn emawni le...he he he..

@ triplestar: I lo leng lut a i ti lawmawm hle mai :)

Nia, inkahhlum chu har tak anih hmel. Mahse le khawvel zawng politician ho kut a innghat ania 

@ Varte: Laldaizaua han tih em tur chuan Victoria Falls ka la hmu ve lo tlat...he he he he.... Vawt tak ani, kawng mumal a awm bawk silova 35 kms lek pawh darkar 3-4 dawn lai tlan a ngai mawle...

@ Rp Pachuau: Ha ha ha ha....

Anonymous said...

An van dumpawl khi analh hle mai. Chian leh India hi indo leh ta se, China hi achak ka ring.

Kan ramah i lo kal renga ni maw ?:-)

Unknown said...

@ sekibuhchhuak: Hotupa, tunlaiah ram leh ram indo an duh tawh emawni le. China hian i sawi angin lo hneh mahse an ramin a tuar ve viau thovang.

In ramah ka rawn lut zuaia :D

niteshine.blogspot.com said...

khulkhut khawlum ltk a tranga khawvawt lutuk a... han khawsak chu nuam phian ang leeeeee

Hriatpuia Pa said...

A va vawh hmel tik tek ve. I blog ka lut khat a, a hmel a lo danglam daih mai!

dula said...

"McMahon Line kha China in a pawmloh em avanga 1962 Sino-Indian War pawh kha irhchhuak ani reng a"............

Nehru a policy fuh loh vang a ang zawk mah mah sino-indian war kha chu. Western leh middle sector ah china in a luah chin kha india khan pawmpui ve se la chuan china lam kha chuan eastern sector a macmahon line kha chu an pawmpui ve thei awm tur in a awm.Mahse nehru kha idealist ani tlat a, a advice lakna kha kashmir brahmin an tam lutuk bawk nen...a indo tak pawh kha winter laia chinese ho in an camp an rauhsan lai lawk kha india sipai ten an lo luah khalh vel atanga buaina chhuak tan an ti ta in ka hria...

pic chu hma i sawn khawp alawm..ti khian auto ah dah la i la nalh ber zel mai in ka hria..lewll

Noddy said...

Ramri an hung lo a ni maw. I blog a thu/pic. te hi a ngaihnawm theiin a hmuhnawm thei khawp mai. A bengvarthlak thin e. Nipui laia en chi tak a nih hi. A vawt dawn em mai..hehehe..

Unknown said...

...