Tuesday, February 15, 2011

6th Dalai Lama leh Urgeling Gompa

Urgeling khua a Lama Tashi Tenzin leh Tsewang Lhamo te fapa Sanje Tenzin hi kum 1683 March ni 1 khan lo piangin Monpa Hnam zinga Dalai Lama hmasaber ani awm e. Kum 1688 khan kum 5 mi lek niin 5th Dalai Lama, kum 1682 a boral ta, thlaktu atana hmuhchhuah ani a. Amaherawhchu, sakhuana lama inrelbawlna a buai loh nan leh Lhasa a Potala an la sakzawh loh avangin Nankartse khua, Tibet ah, kum sawm lai thuhruk ani phawt a. Kum 1697 khan Lobsang Yeshi, 5th Panchen Lama, an China lal phalna a lak hnuah 6th Dalai Lama atan a puangzar a, a hming pawh Tsangyang Gyatso tih put tir nghal ani bawka.

Urgeling Gompa (Tawang atanga km 5 a hla ani)

A chhung

Dalai Lama nihna bansan ngam chiah silovin Potala chhunga Buddhist puithiam nunphung kha ning ve tak niin a chanchin hi ziak ani a. Puan inah chengin zanlamah mipangai anga inthuamin Lhasa khawpui kawthlerah zu, sa, leh nula chenin a hun tamzawk a hmanga. Thu leh hla erawh a thiamin, hla lenglawng leh lengzem a phuahte kha tun thlengin Tibet ah an la lar ani awm e.

A nunphung hi chhuanlama hmangin Lhazang Khan-a, Khosut Mongols lal leh China ram lal thianpa, ni bawk chuan Tibet runin 6th Dalai Lama hi tan inah a khunga. Kum 1706 June ni 28 khan a nihna hlihsakin Ngawang Yeshey Gyatso-a chu 6th Dalai Lama ah a puanga. Hemi kum vek November ni 15 ah Tsangyang Gyatso-a, Beijing pan mek chu, Kokonor khua a thlenin a chanchin hriatzui a ni ta lova. Buddhist sakhua ngaihdanin thi mai lova piangnawn leh tura ngaih vang emawni tun thlengin Potala ah hian thlanlung neilo in a la awmreng ani awm e.

A tianga tuihnar a vuakchhuah (Damna tiin an la thin)
Tawngtai in nitin a kal hual an ti (Thinghnah sen tla a awm chuan damna tiin an la leh bawk)
Ni tla tur a thlir ve voh voh thin ka ring

20 comments:

Rp Pachuau said...

informative lutuk ringawt. i ziak tawi mah mah, last para khi a double anih khi.

han ziak zel teh. pic. lah a fiah fai tha.

Unknown said...

Rp Pachuau: Hei bak ziahtur ka hre bik lo..he he he...A lo double tak e, ka siam tha tawh e..Thnx.

Ka blog list ah kan add nghal ang che, Baruipur ah daih i awm ani maw?

Rp Pachuau said...

Ne, Baruipurah daih min up tang anih hi. Ee ka blogah pawh lo leng ve thin rawh khai, a hlu em em lo nang a, han intlawh tel tel hi nuam ve nia.

Dula said...

buddhism ah te hian ilo in let daih mai ange aw..an insak tih vel ringawt bak ah khian dalai Lama alo chhuah dan te zir chiang bawk a..

Unknown said...

Rp Pachuau: Nia mawle :)
Dula: Ka inleh loh dan tur leh Van san zia ani mai...Ran khawngaih viau mahse mahni mihringpui te lak a nunrawng viau Sakhua hi ka bel bul peih eih love..lewllll..

Anonymous said...

A van ngaihnawm in a bengvarthlak e. Tibettan Bhuddism hi zir chian deuh chuan a confusing khawp mai.

An monastery hi ka kal ve nual tawh. A rimhi ka ti thei lo tlat thin. Mak tak ani. KA rai no pawh chu ani si lo a :-)
Puan inah chengin zanlamah mipangai anga inthuamin Lhasa khawpui kawthlerah zu, sa, leh nula chenin a hun tamzawk a hmanga. --- A che uih ve hle tho mai maw ! :-) A sawi thin a, monk ni tam zawk hi chhungten an tirhluih an tam khawp ani awm e.

Anonymous said...

A bengvarthlak hle mai. Last pic reih ruih chu, lung a tileng thei mai dawn!

ALEXXfender said...

khawnge a thlalak chu...keimah hi ka lo ni reng mai angah!... lol
Ka kal ve chak ee...

H.Vangchhia said...

Kal ve chak mange. Nang hi hetiang lampang hi i tlawh hnem tawh hmel bik mange aw, i vannei mange.

Unknown said...

@sekibuhchhuak: Monastery rim te chu a thang ngher alawm, Yak butter leh zun rim an nam niberin ka hria. Amah chauh ani bik hleinem, DU ah khan Vietnamese monks lehkha zir ho pawh khan zu leh nula hu an kawp fir fer asin...lolzzzz...
@TS Khupchong: I ti lawmawm e. Mahse ka lung a tileng eih lo...
@ALEXXfender: I long-lost bro hi a lo ni reng ange...ha ha ha..Zin chak lo mai rawh, a kalkawng a biboh in a hreawm em mai.
@H.Vangchhia: Nupui damsam manglo leh fapa in exam lai kalsan ngaia zin hi vannei kan inti dawn emia :(

chepahakhata said...

Buddhist phungki-ho hi nula awmpui ching tak tak an awm ve nual. Burma phungki-ho te khi zing var hmaa chaw rawn pe thin nu leh nula lo mutpui tawk hi sawi tur a tam. A then chu an hmel that vang hian nuho hian an pasalte an kham lo nge ni dawn, an pan sek zel e an tia lawm.

Mahse, keini Christian zingah pawh sawi tur chu a tam ve tho.

Dawldanga said...

rinna lamah i da ve ropui sia, khitiang hmun khi tlawh fo tawh suh :D

A bengvarthlak e

H.Vangchhia said...
This comment has been removed by the author.
chepahakhata said...

@hv, Burma Mizo-ho chuan Buddhist Monk hi Phungki kan ti, Kawl tawng chuan Phung Gyi an ti.

H.Vangchhia said...

chepa, in ziah dan a hrang mai avan nih hmel ve. Tahan ka kal khan Mizo ho khan Kawl lam thoin a ni an lam ni. NOI

Unknown said...

@chepahakhata: Vietnamese Monk ho pawh kha zu leh nula chu an kawp thei hlawm khawpin ka hria. Burma lamah kha chuan Hinayana Buddhism, helamah chuan Mahayana Buddhism.
@Dawldanga: I pianphung anga derthawng rinna i lo nei lehpek eloa...Lolzzzz....

Alejendro said...

Urgeling* tih hi ka la hre ve ngai miahlo. A bengvar thlak hle mai..

Unknown said...

Burma Buddhism te chu Theravada Buddhism a lawm. Sri Lanka, Thailand, Lao, Burma leh Indonesia Buddhist hohian Theravada hi an vuat deuh vek.

Unknown said...

aaa

Unknown said...

..