Monday, July 06, 2009

Rabindra Sarobar Lake

Ruah a sûr ta bawka rilru a kalding leh thei ta deuh. Tukin pawh office kalkawng tluanin ruahsûr in traffic a ti tawt hle na a, hla ngaihtlâk pahin dawhthei takin ka thu ve hle hle thei ta - Khawlum zual lai ang khân thaw a pik em em tawh lo. Mahni lirthei sil peihloh tân pawh tukin zing kha chu hlimna tham ani reng ani. Amaherawhchu khua a duai deuh tâk avanga ziahtur lampanga luangliam nghâl chu ka ni hauhlo thung.

Reife inngaihtuah hnuah 'Sermon' tlachawp ring thin ang deuhin, " Ka thlalâk neihte hi pholang ila, tichuan ziahtur a awm mahna" tih kha ka rilruah a rawn lang ta a. Thupui pakhat siamna khawp chu ka lo kawl ngei maia, mahse duh aiin thlalâk a tam mah mah ani. Mahni inhnemchawpin, "Aaa....Thupuifun lemlo mahse a cheimawina a tamphawt chuan mi mit tal a ti tlai mahna" tiin ka ziak tan ta a.

Tuktin hriselna thazawk duh avanga kan insawizawina hmun 'Rabindra Sarobar Lake' vaukam hi ka vawmbei ta thawr ani. Mizote hian hetiang hi kan peihloh mai bakah tarlam phei tihserha tak an nei niin ka hria, tlâi khaw hnuah leh loh theiloh chinah ti ve leuh leuh hi kan ni tlângpui. Inkhelhna hmunpuia kal lemloh pawhin mahni hriselna tawktur vela han tih ve hram hram hi upat hnuah kan hlawkpui an ti bawka, kei - Hun reife chhung chhangchhiat avanga lo chawl tawh - vawksa leh bawngsa tui ti ve deuha hian kan tharthawh leh hnuhnawh a. Tihtirh chuan inchhirin zingkar-a duhtawka mut siai siai theihlai kha a thlahlel awmthin ngawt mai.

Luh tanna kawng
Zing Nichhuak engmawi tak
Vaiho hian an peih khawp mai
Inkar nitin chu an hrisel viau ang
Vei lampang Dil
Ding lampang Dil (An infin)
Luhna atangin Km 1.5 vel ani tawh ang

Mahse hun alo rei deuha kawngchhuka tlân ang vel ani ta e. Tukin phei chu labrador thâu kung mai, meter 10 vel lek kal hnua bawh tum mai thin, leh a pu pawh ruahmal a tlâk vang emawni phûr takin an kal toh toh lehnghala. Hmuh than an tam tawh tehreng nena kan hmel ang pu chu Chinese pa, tarlam tawh, chiah hi ka hmu thin. Englekhawle chu chu thuhran lo nise, he hmun hi Kulkhut nuam ka tih ve nachhan pakhat chu tling reng reng. Varendah atanga a lan mawi nate, chilchhâk phak leka a awm mai nate, leh thildang dang vâng te hian min hipna tak a nei tlata.

Thingkung a tam khawp mai
Thutna tur a tam tho bawk

Khawthim dawna sava chi hrang hrang an riahna hmun pana an han hram chuah chuah te, hmuh leh hriat ngailoh thingkung mak tak tak han hmuh te, naupang intihhlimna hmun hrang hrangte, sangha khawina hmunte, lemchanna hmunte, lawngkar inzirna hmun leh rawih maitheih lawnglengte, cricket leh football khelh nate, leh thil hrang hrang awmte hi mit titlai khawp anni in ka hria. A bik takin a hmun hi a zau bawka chhungkua-a han vah khawthawn hi nuam tak ani, nipui lai ngat phei chuan tihchi tak niin ka hria. Dil thlir paha lungmuang tak leh engto nei miahlo a han thut ho dial dial hi nuam tak ani. Kan khua ilo zin anih chuan he hmun hi tlawh ve ngei i tum dawn nia, khawi hmuna pawh hi han vahzau deuh chuan hmun nuamtak tak hi khawima laiah hian alo inthukru thin.

Bengal Rowing Club (Kolkata chu ka dinna bulah)
Kalna tura an siam thenkhat




17 comments:

Varte said...

A nih khi, Kulkhut-ah khitiang hmun a awm pawh keini ang duang chuan kan lo hre lem law... a nawm hmel hle mai, min la hruai ve lawp lawp dawn nia..

Zingkar insawisawi hi rilru chuan tha a ti, duh pawh ka duh, mahse ka pian a hnu lamah vawi hnih khat vel bak ka la ti miah lo nia..!!!

Vainu Saree nena bei ho chu an inpal hnawk nasa thin awm mange...

Lal Jo-a said...

E khai a, pu chu, thil ho mai maiin i chhuah chho dawn emaw ka tia, a ngaihnawm chho ta phian bawk sia.

Insawizawi peih tak hi chu ka ngaisang a, ti ve peih phei ila chu nitin ka chibai thin ang. :-) Kei hi kan peihlo mai mai thin khawp a, thawk khat lai khan kan ti ve tlauh tlauh thin a, zing lam ni lovin, tlai lamah.

Vaiho chu an tam thei ngang mai.... mahse, khua an lum ta tak tak a, a tih reng theih ta thin lo. Zan lamah khaw lum avangin mut hma a lo har a, zing thawh har in a zui ngei a, tlai lam ni dai tih a awm chuang bawk si lo. thuthmunah thlan sa phul kaiin kan awm tlawk tlawk a nih ber hi.

I thlalak te pawh chu a fiah tha in, a boruak a daih hmel bik khawp mai. tlem chu rawn thawn la a thra ang. :-)

alexxfender said...

Calcutta ram ro hi i lo chhuah nuam thiam ber a nih hi..

Unknown said...

@Varte: S.N.Banerjee Road a LO bula i thlen chhung chuan i hmu tawp nang le, khata tang kha chuan km 8 aiin a la hla ang. He dil piah leh deuha hian Golf khelhna hmun - Tollygunge leh Golf Green - tepawh a la awmphei zel. I hmuhchin kha chu Central Kulkhut ania, i rawnzin leh hunah chuan Chhim lampangah rawn 'Bazaar' tawh ang che.

Insawizawi hi ka peih em em hranpa bik tawhlo mahse a tul miau si a. College kal ve lai kha chuan nitin football khelh zawha Gym kha kan la tlawh peih thin kha ania. Zanlam mut hma leh zing thawh hma hi a harsa ve tawh khawp mai..he he he.

Vai sari bât chin ho hichu mahni pawl theuh an neia, nuam an ti ve khawp asin - Thutbial laih pahin kut te hi an beng leh thul. Naupang chin chu an hmeichhiate pawh an 'Fit' hlawm khawp mai.


@Joseph L: I ti lawmawm thin e, nang hi. I ziak hi a ngaihnawm thin tehreng nen.

Delhi awmlai kha chuan class kal a ngai si a, bân veleh darkâr hnih vel ka hmu phawta chuan kan ti ve leuh leuh thin. Zanah chuan in men chin tho kha kan meng leh - Vaiho tihdan ania, a tha phian.

Thlalak hi ka hmehfuh pawl niawm tak ani. Boruak uap tak dai lemlo bawksi hi Delhi lama ka rawn thawn liam dawn emi :D

@ALEXfender: Khaih a Pune ram khawro lutuk pawh nuam ti takin i awmthei alawm mawle. Kulkhut chu Pune lak chuan hnawng tak ani - Tui sem pawh an 'Ration' ve ngailo :D Nia, mahni awmna apiang hi nuam tithiam ila, han fak ila a nuamber mai. Thenawmte huan thlai hi a hring bik zel an ti alawm :)

awitei said...

A tawp lama thil i ziah kual duat2 ah khian "naupang intihhlimna hmun hrang hrangte" khian ka mit a la zawk...naupang hi an hmuhnawm ka ti thlot..

Thlalak poh nei nalh hle mai...pic chauh mo dn tia..thu poh ngaih nawm e..

Exer chu lo la roh..kei poh ka tum a..ka la puitlin lo mai poh a

Clayton Dolién said...

I bei nalh e, eksarsaiz hi lak ka mamawh khawp mai, nizan ka mu phei chu ka indelh mu chum chum zel mai a, ka ngaih zu thra lo riau va.

Ruahsur deuh sek vang ni maw i thlalak a fuh hlawm tlat

Unknown said...

@toy_soldier: Etc etc/dang dangte tih hman ka hre vâng mawle. Exer lâk chu ilo puitlin tawh dawn nia :D In mamawh viau tak ang nangni hian - Nilenga en ngai en chawrh chawrh chu mit leh hnung/nghawng/kutzungtang a kham duh ngawt ang.

@dolien: Aizawl anga te chuan exer vak pawh a ngai emia, nitin i office kal leh hawng ke in kal la ani mai alawm. Tin, ei leh in ah in kawntrawl deuh la. Ruahsur vang ani lemlo, tunlai boruak a thiangtha khawp mai - "Phawi, Tin, leh Hmeh' thiam ringawt keini ang pawn kan la fuh ve thei khawp asin :)

Mizohican said...

Hahaha! A Kulkhut raih mai a lawm le!!! Sikul kal lai min ti hrechhuak... ngaihawm vung vung hle mai...

Khing thingkung te ka hmuh khian Cal a ka hriatchhuah hmasa ber chu... cho ak ek! :-) Min ek khum zing a niaaaaa!

vana said...

exer lak chu a nuam, kezungpui exer tal ka la thin kei chu haha. a hmun hi a nawm hmel khawp mai. Aizawl ah pawh hian zingkar tlan peih tak tak an tam ve mai,mahse kei chu ka tel lo :). Exer la peih tak Dula hi a va vang ve a

Unknown said...

@illusionaire: Khaih a, Mumbai kha nia tawt chu - Ka kal tawpber khân Juhu Beach bulah kan thlenga, khawilama Beach chu, a tawp em em ringawta. Choak thlarângin a ek-khum che anilo maw, i luck hmel riauin ka hria...Lolzzzz....

@vana: Ka 'Blog List' ah ka telh che ania aw, 'Ling' ngatin :D I pianphung en khân 'Body Metabolism' i neihthat hmel thoa, exer lo mahla a pawi em emin ka ringlo e. Shree Dula tezawng a tlânpeih lo tawp ang, sikret petkawh pahin a tlân leh emaw kha ania nga..Lolzzzz...

burgerstud2005 said...

Comment turte sign in dan chu i lo thlak ta nge nge maw...i blog lo len luh lohna a rei.Rabindra Savovar lam chu vawite khat mah ka kal lo.I dai zau hle mai.Kha lam kha ka nel lutuk lo.Vawikhat Pu L.Zadeng te kha Belvedere Estate,Alipore a an awm laiin chaw kan ei a,kan haw lam bus kan chuang sual a.No.1 a chuang turah No.1A ah chuang a,khalamah khan kan kal ta daih a.Kan chhuk a.Taxi kan la ringawt.Pawisa neih loh nak alaiin

Unknown said...

@burgerstud2005: I va menrei hmel veleh !! Nangpawh i 'Avatar' ilo thlâk danglam tawh lawm. Ka dai zau nilo in, kan awmna piah maia awm ania - Ke a minit khat kal pawh anilo e. Alipore lam saw ka kal lohna a va rei tawh e aw, chhungten min tlawh khat tawh anih dawn hi :D Chennai ah khan keipawh ka chuangsual zing khawp mai, Bus no. inang mahse a ziahna rawng inanglo kha a ni thina - Airport pel rak rak in min tlanpui thin, kir leh kha a huphurhawm asin awww.......

A_es said...

Zing tin exer ka lakna hmun nen hian inthleng ila a that dawn khi :)
Nang hi zawng ruah sur ek2 avang ngot pohin thu ngaihnawm tak i ziah hnan thei xel mai chu ania, a tir chhiar zeuh tawh chuan a tawp thlen ngei2 a ngai thin.

(Hmanni khan komen hi k post toh khan ka hre si a, alo awm ta si lo, ka ngaihtuah leha ka thuziah ka kalsan nita berin ka hria, ho thei mang e! )

Unknown said...

@A_es: Nia mawle, Aizawl-ah suanchho thei ila kan hmang tangkai fu ang. Kulkhut chhauhsan hunah chuan ka la dawn khawp mai he hmun hi. Nang alawm thilziak tangkai thei le, i 'Hriselna Huang' hi tha ka ti khawp tak asin - Mizote hian hetiang thil hi kan hrelo khawpa. Hmanni ah i kawment a maw ??

avena said...

Rabindra Sarobar Lake ngei chu anih hi a pic chu...chuan i kal ngei tih finfiah nan nangmah iva lang tel lo ve a...exercise chu han la tlauh tlauh phawt mai teh thau i ngah tawh hmel em mai :)

Unknown said...

@avena: Nagmah khân 'Exer' chu i mamawh anih kha, ka tlahniam tawh khawp asin - Ka 'Fit' tawh khawp mai, nitin km 4 chuangzet han kal bakah 'Diet' hrisel deuh deuh han rin chuan :) Ka kal ngei ani tih finfiahnan ka 'Watermark' ka dah khi :))

Nite said...

he hmun hi anuam em asin..... Mahse hmanni zan Ballygunge House atranga ka phei... Kan lut kawi zawk chu.... Zialo khop mai.... Gay spot alo ni awm a..... anlo thru nasa mai ka haw daih.....