Kumin chu khawkheng hian boruak a tih uap chuarh dân hi a hreawm khawp mai. Tuktin mai ruah a sûr dawn em tiin vanlam kan thlir doh doh reng mai. Chhum a lo dum deuh khup châng chuan hlim takin hnathawhna lamah hian kan liam phei a, mahse min bum leh thin. Kan thlir zing bawk aniang chu ka fapa meuh pawhin thlirchhoh dauh dauh pahin, "Ruah a sûr ang, Papa" a ti ve bauh bauh thin.
Hemi ni hian a sûr ve teh khiah
Hemi ni hian a sûr lo tlatA chhan leh vâng chu tunlai mithiamten an sawi châmchi a, hrânghlui ho sawidân takah, "Pafa in ngai an awm aniang" han ti ve ngawt ila dikna chin te pawh a awm mahna le. A pawimawh ber zawk chu thlai chin leh buh tuh nghawng khawpin ruahtui a tlem mai ang tih hi ani. Chumi chhapah thlasik laia chin chi thlai hrang hrangte tân tui khuapna hmunah te tui a tamtawk angem tihte pawh ngaihtuah tham fe ani - Current awmloh tur chu thuhran nise. Thilman zawng a pung dawn khawp mai !!
Kan kawtthler atangin
A mawi mai bakah a tuihmel riauMahse kawng lehlam takah chuan vân dumpawl ruih mai leh chhum vâr han hmuh nikhua tepawh hi nawmna chin a awm ve tlat thin - Khua a thiangin a mawi thin hle. Ka fapa pawhin, "Blue sky, white clouds" tih tawngkam a hmang zing ve tawh khawp mai, kan inzirtir tirh kha chuan, "Anilo e" tih pahin building pawl leh vâr a kawk ziaha - Hmâ kan sawn chu ani phawt mai.
Parva te hian nuam an ti
Hetiangah hi chuan a sûr ngailoChungleng sava tepawh hian engto an neih em em bik loh hi. Khuanu rorel ang zelin lungkham neilo in a mawina hi han thlir zel phawt ila, a hun takah chuan ruahhtui pawh a rawn tla ve mai ang. Mahni tawn ang zel hi nuam han ti thiam phawt ila, hringnun pawh hi a nuam zel ngai e. Ka post zawhrual chiahin ruah a sûr nghal e, a va han hlimawmin hmuh a va han nuam kher em.
11 comments:
malsawm ruah a sur chu ka lawmpui a che u, khatiang khaw lum ah chuan a lawm awm dan a dang tlat. Helam chu a diak leh tawh hle :). Lucas chu a va changkang chak ve mawle, chhun a nei tha a niang
Thlalak chu nalh hlawm hle mai.
Keini ram pawh hi ruahtui kan hmu khat khawp a, a sur tawh hi chuan hahipin kan sawi zel mawle..
Tui hmel i tih khi a tui hmel tak tak.
El Nino El Nino El Nino El Nino!!!!
:-(
Mumbai ho chu tih ngaihna kan hrelo. Ruah kan duh han ti dawn ringawt i la, a flood leh dawn sia... ruah sur suh han tih in, a lum bawk sia... huisss.
@vana: I lo lenglut a a lawmawm hle mai. Khawlum loh deuh na hmuna awm ve a châkawm tawh khawp mai. Lucas-a chuan chhun a nei tha aniang...Lolzzz. Nimin tlaia ka phone pawhin, "Papa, ruah a sûr lutuka" a tih tak kha mawle :)
@Vârte: Mozambique chu a lo ro ve viau eloa. Nia, 'a tui hmel khawp mai - Ka rilruah 'Ice Cream' a lang hmasaber reng asin. Thlalak te khi mawi i tih avangin ka lawm e.
@illusionaire: El Nino kum hian ruahtui a tlem thin renga mahse 'Drought' em chu a thleng ziah lemlo. Monsoon hrechiang tur hian kum 200 chhung 'Data' khawlkhawm a ngai e an ti alawm. Mumbai kha chu a Shanghai har ngawt ang, a uap tha thin khawp mai.
Lo nghak fan2 ru, flood thlenglo tawk velin kan la rawn leih baw dawn alom.
Helam poh ruah a sur deuh ta ngar2 e, Nimin Aizawl khawpuiah chuan khua a chhe nileng hle a ni awm e, Sihhmui-ah kan zuk in chiah nileng ve a, ruah a hmi poh zuk hmi eih lova mawle, ni lah chuan min em ut huam bawk. Thiante bula sawi lah chuan fiamthu kan thoh emo an la ti zui :)
hei a sur ve ta zauh zauh mai...o! blessed blessed rain...
@A_es: Mizoram nisa zet kha chu kan ung duh khawpin ka hria, ka chhukthla leh lampang kha ka ung tha khawp tak asin. Ruah hi a sûr tlai deuh chu ania ange, thenawm State Manipur pawn 'Drought' an puan tawh kha - Buh tuh hunlai takah a sûr tâk loh vang ani e antih kha mawle.
@virgochass: Delhi kha chu a lum ringawta, a uap em em loa a ziawm khawpin ka hria. Ruahsûr tur inmiung vel lai chauh khân a uap ve deuh chauh anih kha. Current in neichhe ngawtin ka ring, 'Load-Shedding' kha an uar ve em mai - Kulkhut hi Current chungchangah chuan thatak ani.
Phai ram ruahsur chu News a tling pha zel. Tun hnaia ruahsur pawh kha NDTV, Cnn/Inbn velah an puang kur dup mai
@samuelapa: Ruahtui phairama a tlem chuan thilman a pung nasa dawn em alawm, petrol chu thuhran diesel man a to ringawt pawh hian alu, tomato, leh purun man Kulkhut ah hian a sâng nghal zel (State dang atanga lâkluh anni bawka). Kumtawp atangin thilman to turah han ngai nghal ngawt ila.
I thlalak hi a fiah sawt riau mai..
@ALEXfender: I ti lawmawm e, ka chhun tawh viau che aniang :)
Post a Comment