Tukin chu thla hmasa atanga kan lo tumlawk tawh angin 'Blood Donation & Health Check-Up Camp' kan huaihawt a. Congress Party thlazâr hnuaia 'Trade Union ' awm, FNPO, ina a khâikhawm pasarihte zinga mi NUPE tena an kumtin tih thin ani. Blood Bank-ah te hian thisen a tamtawk lo nimai loin hrithalo vei tamtakin , ruihtheih leina tur leh sumtuak nana, an hman thin avangin ka phurpui hlea. A lehlam pawl, Left ho bel, NFPE leh a khâikhawm pakua-te pawhin an ti ve tho mai. Mahse Blogspot ka siam hnuah hian an la tih ve loh avangin ka sawi tello mai ange.
Pu Rajiv Gandhi-a hming in
Pu Rabindranath Tagore-a hlâte rimawi nen
Dawhsân (Pawn-ah chiah phal ani)Thisen pekna hmun hi kan Department Building Kankurgachi (Kâkurgachi ti a lamtur) ah ani. Nikum lam, unit 65 hmuhtum, aiin kan hlawhtlin lehzual ngei kan beisei a. Hlawkna awm miahlo leh mahni duhthu ngeia pek tum vek anni ngei, mahse Doctor ten an hriselnate an enfiah hmasa vek thung. Tin, 'Free Medical Check-Up' rawn kal apiangte leh duhte tân tihsak nghal ani bawk. Doctor-te pawh hi anmahni duhthu-a rawn inpe anni vek bawka. Thisen pek khawmte hi Linton Street hmunpui pakhat-ah enfiah leh vek anni bawk ang.
Hawnna neih hnuah thisen an pek tan ani
Tupawh he chhinchhiahna hi pek anniDuhthusam angin a hmun hi a nuam lemlo na-a; ka hote hi thiltha ti an nih avangin ka chhuang ve hle - Chhinchhiahna Batch leh Hmehkan Bel pakhat theuh an pek anni hlawm bawk (A senso erawhchu Sawrkar sum nilo, anmahni thawhlawm tlingkhawm atanga tum ani). Zing dâr 11:30 velah ka Office ka thlengve hman hrama mahse inchhirna ka neihloh mai bâkah Pu Rabindranath Tagore a hlaphhuahte hi 'Instrumental' chuan an lo nalh hlawm hle - Neih ve ngei ka tum ang.
19 comments:
i thisente an lo la duh ve a ni maw?
Thisen pek hi a hlu, a thlawn lehnghal phei chu.... Vawithum chiah ka la pe a, a aia tam pek ka la duh. A hnuhnung tum 2 chu ka HB hniam avangin ka pe thei lova pawi ka ti khawp mai. A ropui e. Thisen pe la, Nun chhanhim rawh
In thi tha hle mai...mahse office chu i tlai phah deuh ani maw!
Mizoramah chuan Rajiv-a thihcham tih vel a tla na vak lo, Good Friday denchhen hian thisen pe an tam thei.
Thisen pek hi ka tum ve thin a, a hunlai hian ka remchang lo ve ziah. I ti tha hle mai
@Dolien: Hbg thatawk, HIV Negative, Hepatitis veilo, leh Blodd O+ ho hi chu kan danglam riau asin.
@Geminiboyz: Nia, Unit khat atang pawh hian WBC, RBC, Platelets tamtak a chhuak thei alawm.
@avena: A hriau hi a lian em a, i ngam ve angem awm :)) Hotupa ber an tlai ngailo antih kha mawle.
@samuelapa: Tuntum an chak bawka an phur teh ania. An thusawiah pawh Pu Rajiv Gandhi-a hmingchu an lam zing khawp mai.
@Varte: Hriaua thisenzâm vih hi ngaia a neih theih tak tak loh :(
Thisen pek hi ngaiah neih a har khawp mai. Thisen dawt lian ngei maiah, hriau lian deuh maia an han vit ngur mai hi chu! Nat chu na lem lo mahse ngaia neih chu har ve tak a ni.
Mahse, kan thisen pek midangin damna atan an hmang dawn tih han hriatte, pek tlak thisen nei tura natnain min tlakbuak lo tih han hriatte hi a nuamin, ngaih a tha a. Kan thisen pek ngei mai, damdawiina damlo chaklo tak, a hming pawh kan hriatloh hnena an han pe nghal han hmuhte hi rilru a nuamin, dam man hi a awm hliah hliahin ka hre thin kei chu..
Hotupa i va ti ropui ve. Ngaihsan awm leh zual. Ka thianpa chu thisen a pe ve theilo, a qualify lo thisen pe tur hian... achhanchu darkar 24 chhunga zu in theihloh a nih avangin... lolz.
@Zaia: Hriau chu a lian tha khawp mai, hlauhawm ve tak chu ani.
@illussionaire: I thianpa chu han sawr mai a va châkawm ve, quarter chu a sawr chhuah theih mai ang a..Lolzzz...
in va ti tha ve
Hotupa chu va ti tha ve. Kei thisen hi ka la pe chhin miah lo a, ka inhliamnah hian tum-2 thi nasa takin a chhuak tawk a, thisen pek pawh hi ka ngam chiah lo. Hliampui tur (inhliam a thisen chhuak tam lutuk) & ui aa seh hi thisen pek a tha lo e an ti.
Blood bank i sawi takah chuan Tahan Wesley Clinic(Methodist kohhran clinic) a ram dangin an present blood bank kha an dawng tawh tak ang maw? Burma sawrkar khan a hrek sak reng a pe chhuak duh lo a, thil dangte pawh kha, a thar man ai tam tax an dil a, Burma sawrkar hi chuan Christian-te leh Zofate hi min va han nekchep nasa tak e aw.
@Fonzc: Ka lawm e :)
@Che: Chutiang a lo ni maw, ka lo hre ngai reng reng hleinem. Burma Sawrkar hio chu an sual ngawtin ka hre mai a - Chin 'Hel Pawl' an awm vang emawni le aw ?? Hnamdang ho hi tangrual deuh ula chuan 'Bama' ho hi chu in hneh thei mai angem aw ??
A va ropui ve aw.. I thisen chu an duh ve a maw :))
in va thawk tha ve. kei chu thisen pek hi ka tum zing tawh, engemaw rokhawlhna a awm ziah, a lo indaih lutuk emaw te hi a lo ni leh thin a, voluntary a pek ka tum lai tak te hian, ka bp te a lo diklo leh thin a. hahaha...
Vawikhat phei pawh doctor 3 in min vil a, ka heartbeat an check reng a, a chang leh a rang lutuk an tia, a chang leh a muang lutuk an tia, a chang leh an hmu lo leh thul. "Ramhuai i ni ang, pelo mai rawh" min ti a, kan haw nal nal. :-)
@Naupang^Fel: Lal dave i va han chhe zet zawt tak em :))
@Joseph L: Father_Sphinx ka tizawk dawn che ngeni :) Thisen pe teuhber 'Award of the Year' siam anih hunah ka rawn hre vang vang ang che :D
Ka la pe ve miah lou...ka pek tum thirn lai khan an phal tlat lo zel a...nu lian lo tak nih hi chuan...:)
Hote chu an ti thra ve...mahni sum chawi in
Vawi 7 vel lek chu ka pe ve tawh.. kan pek a te hi an va han inanglo tak.. lawm tak tak leh lawm ve pangai hi an awm! hehehe mahse a pe tu lam ah chuan pek tawh tho tho chuan eng teh vak tih theih a awm lo. Blood group in a zir bawk a, a pe thei zing ah hian ka tel ve ziah bawk.
darkar 24 chhung a zu in theih loh tih te chu.. ti mai mai a lom.. darkar 2 na ah hian whiskey no 2 vel lek in ila.. thisen hi a in circulate thra nge nge a lom... hahaa
VA ti tha ve a, kei chu thisen pek ve an phal ngai lo, ka hb hniam ltk a :(
Update toh ila :)
Post a Comment