Friday, February 06, 2009

Sahuan ah Ka Kal

Laina hnaite Kulkhut an rawn chuankai tawh hi chuan Victoria Memorial leh Alipore Zoo tlawh ziah hi, helama kan thil tihpui te zingah chuan , matheilo a awm ngei ngei tura ngaihruat nghal a ni mai. Vawi engzat chiah nge kan tlawh tawh hlawm ang aw !!! Hun thawl tak an neih phei hi chuan Birla Planetarium, Science City, NICCO Park, leh Aquatica te hi kal a ngai leh bawka - Thawmhnaw lampang leipui chu thu hran. A hmuna chenchilh tân chuan ninawm lamah a kal zawh mah, mahse an hmuhve châk em em han fanpui vel hi a nuamin thil hlawhtling tak tihpui angah a inngaih theih hlauh bawk si. Tour guide ah hian tang ila kan hnehsawh tawh viau in a rinawm.

Hmanni deuh hlek khân Victoria Memorial, Alipore Zoo, leh Aquatica ah kan leng khawthawng leha. A hmasa leh a hnuhnung ber te hi chu a ropui e tih leh a nuam e tih bâk han sawithui lehtur dang em em ka hrelo. Mahse a laita ber khi ngaihtuahna a tithui duh khawpin ka hria. Khawvela mifing hmasa - Mesopotamia, Egypt, leh China - rama awmte khân sahuan angreng deuh annei tawha ziak a ni ngei e. Amaherawhchu Zoo, Zoological Gardens lamtawina, diktak lo pianchhuahna chu London Zoo, 1828 a an din atang khân ziak lan a ni thung. Antum ber pawh tourist hmuh nan, intihhlim nan, ramsa humhalh nan leh inthlahchhawn tir nan, leh inzir nan te ani.

Ka thil han hmuhte ngaihtuah kirin ramsa humhalhna leh inthlahchhawn tih lampangah chuan an hlawhtling lo hlein ka hria. Lehlamah chuan mipui pungkhawm tân chuan hmuhnawm pakhat chu a tling ve khawp mai, tam lah kan tamin tawt pawh kan tawt khawp mai. Mahse a chhungah ramsa zawng zawng te kha TV a kan thlir thinte nena han khaikhin chuan an zuai tlatin ka hria. Jail tâng leh Drugs ching ho nunkham tawh ang hrimin an nguaiin an dawldâng (Hrisel lo) tlat - English tawngkama Zombie antih ang deuh vek kha anni tlângpui. Han inthlahchhawn tir ta ngatin an chhenna thin diktak ah chhuahchhin se chuan kâr khat pawh an daih turah ka ngai hlawmlo. Heihi humhalhna anga kan ngai anih chuan kan kawng lo zawh tawh sa hi let lehin, a bul atanga kan tan that leh a ngaiin ka ring.

Kan nihna hi inthlakthleng se, keini hian tuna an chan ang hi han chang ve ni ngat ila chuan kan râk chel chul ang mawle. Khamkhawp chaw kan hmulo anga - kan duhzawng ei chu khawilam - anni ang hian tuarchhel takin reitak chu kan damin ka ring hauh lo mai. Kristian naupang hlabu a ," Mihring chauh lo chu zirtir an ngailo" tih kha thil dik chu a lo nih hi le - Ramsa te chuan an mahni duhtawk bâk engmah an khawih lo a, mahse keini mihring bawk hian thil reng reng hi kan duhâm leh rilru chhiat vang hian kan tichingpen leh thin. A pawiber zawk chu hmun chungnung ber changtu kan nih avanga thil kalsual tawh sa pawh lehlam kan hawisan duh tlat hi a ni.An chenna te tichhe loin an awmdân ngaite hian awmtir ila humhalh chu kan ni mai in ka hria.

A pul dawn niberin ka hria
An ân vak hian an inhrosa an ti
Sangha a vân hmel khawp mai
An puar nge an chau aw

Engtak ngaihtuah ang maw

23 comments:

A_es said...

Nungchate humhalh sawi takah chuan leilung hausakna leh Pathianin kan ram chhunga thilnung awm tura a remruatte thenkhat chu kan tan hlauhawmah ngaiin kan that mai thin a, hei hi pawi tak ani, keimahni mihring tana tangkai tur tho an nih avangin, nungcha leh ramngaw tichereu lo hi kan tih makmawh a ni.

avena said...

han ti zel teh khai,,,hetiang hi a vei awm ania!

Unknown said...

@A_es: Mihring leh ramsa te hian awmna kan inchuh thin vâng hi ania kan buai leh thin. Sakei huai kan tih pawh hi an huam chhung kan tihchep sak vang mai mai mawle. An ei ve tur awm hauh loin sâpelin kan tih cheureu sak a, kan ran vulh a rawn seh in kan that leh si. Humhalhna kawnga hi chuan mihringte hi kan diklo hulhual. Assam vela an humhalhna hmun chhungah ngei ngei pawh khuan Bangladeshi leh Bihari hoin hmun an khuar tlata, ramsa taân chuan tih ngaihna awm heklo le.

Unknown said...

@Avena: Han tih zel ngaihna pawh ka hre bik chiah lo e. M.Phil zir ka zir tur kha, Environmental Geography min pe duh tlat loa - Ka duh aiin ka hrechiang bik lo. PG a kan zir bâk kha engmah ka zir belh tawh lo e - Mahse ka tuina chu a la ni tho tho.

EPISTEMOLOGY said...

Ngaihnawm khawp mai. Hmanni khan Burma lam unauten thingtlang buh phurh nan sakawr an rawn keng thla teuh mai a. Buh an phur tir a, zo lo kawng a chhe si a,a then chu an lum hlum a, tin buh an phurh rih tir em em bawk..an thlan nasa a, an hah tih a hriat reng mai. Tin, hliam an nei nual mai bawk a. Ka thin rim lutuk a, police hnenah report tur em ni aw ka ti hial a. Ka chhung ten thil tul a nih loh thuin min khap ta a. Ran kan enkawl dan hi kan inenfiah a hun khawp mai.

Guwahati sahuanah ka kal tawh..karleh lam hian Hyd sahuan tlawh ka tum.

Unknown said...

@hruaia: Eng khaw chhuak nge i nih a? I blog han sawi ve la ka lo lenglut ange.

Nia ran vulh hi hmangaihna neih a ngai asin. Cher chhe khawn khawpa vulh te hi an tam khawp mai.

Guwahati Zoo ah khuan alawm naute pakhat an sakei in a ei zawh. Nikum pawh khân Kulkhut Bengali pa kut a ei sak tawh mawle - A chimawm viau aniang.

NoHiddenDepths said...

LK-ah "Chennai Snake Park" kan nu nena kan kal trum ka la rawn post vat ang :))

Unknown said...

@NoHiddenDepths: Chennai a mi chu han post la, Mahabalipurram kawnga 'Crocodile Park' kha in en nangea :-? Pa pakhat hmuihmul sei zet che miah lo a ding a awm kha - Khawih miah lo a tiche thei chu lawmman pek an tiam kha :D

samuelapa said...

Humhalh i duh dan chuan Zoo siam lovin an awmna hmun theuhah awm mai2 se, i tihna em ni?
Chutiang a nih chuan tuna i thil ron post pawh hi pholan tur a awm nang :) Sakhi var pawh khi sakeiin a seh daih tawh mai thei bawk.
ANW, ngaihtuahna chawk tho tha tak a ni e.

Unknown said...

@samuelapa: Lolzzz..... Nia pholan tur a awm loh mai bâkah Sakeiin a seh daih tawh ang :)

Geminiboyz said...

La fan ve ngai loh hmun a ni bawk a, a bengvarthlak khawp mai. Ning lovin lo feng leh zel phawt mai teh

Unknown said...

@Geminiboyz: Lo leng lut fo teh ta, ka hman veleh ka rawn lenglut ve ange.

Varte said...

Kolkatta awm ho hi chu mahni hna piah lamah phungthlu ta reng reng hian in hah bik chuang ngawtin ka lo hre ve thin.

Damlo kalpuitute, sumdawng-te,khualpang zin satliah thlengin in lo chhawmdawlin in lo tanpui lo thei si lo a, an hna tul piah lamah len khawthawn an han duh talaia, peih lo deuh ula INDUH nih in hlawh dawn bawk si.

U Beki te awm lai pawh khan Kolkatta in awm hi chu hna chuang a tam mang e, ka ti fo thin. Kei ngei pawh min bazarpui ngun khawp.

Mahse rawngbawlna chi khatah ngaiin lo ti tang tang zel teh, hei thu ngaihnawm deuh i rawn ziah phah alawm....

awitei said...

I blog update lo mo ka ti char2 a, van update khat ka lo ti (2) tawh sin:)

Nia, ninawm lam chu kal thei khups ang, kei thatchhe bawn, chhuah peih lo hrim2 nen phei hi chuan in rem lo tops ang...
Pic poh a nalh hlawm e..
In chhung2 in in dam tlang ka beisei...

Unknown said...

a hnui ber pic a mi ngaihtuah chu -

"Ka mut han chhuah dan em em hi....han mutthluk lah in mi an tam si"

a tih hmel..hehe

burgerstud2005 said...

E khai...kan va in be khat hlom ve.Aizawlah ka haw thla a,kar 2 lsai ka zu cham.meeting leh kan association conference.Aizawl awm rei chuan thingtlang lam haw hi a peihawm loh thin.Mahse Aizawl chu current awm lo reng mai.Tui harsa bawk si.I thla lak chuan mit a va ti tlai ve.Calcutta a ka awm ve lai chuan Alipore Zoo vawi hnih,Victoria Mem vawi 2 ..thil dang ka en lo.Birla Planetariu,m [poh kal lo.Howrah ah khan Botanical Garden awm a,ka lo bawk.Zoo chu a nuam.a chhunga thil ei trun trun te kha a nuam.

Unknown said...

@Varte: He he he...Ka ni ve loh pui thila min han telh ve ngawt chu leh, a va zahthlak mai mai ve. Captain Pu V.L.Sawnthang leh an nu Pi Mamuani te chuan an hre khawp mai che asin.

Unknown said...

@T_S: Update ve zeuh zeuh e. Ka dam tlâng e.

@Almost Unreal: Sakhi nen khian in ngaihtuah a inan duh hmel :))

Unknown said...

@burgerstud2005: Thingtlang hi zin mai mai nân chuan a nuam mahse châmchilh zawng chuan a nuam lemlo khawp mai. Dam teiin i rawn online leh theia a lawmawm e. Tui leh Current ber a awmloh chuan a hreawm dawn anih chu mawle. In CS hi ka Exam lai vel khân ka kawm ve tawha - Tui lama an hnianghnar zia tur kha mi hrilh chiama mahse hei kum 10 dawn hnuah pawh eng ual a la ang chuanglo a ni maw !! Kulkhut hi chu Delhi ai daih khan ka fang chipchiar tawhin ka inhria.

burgerstud2005 said...

In CS hi ka Exam lai vel khân ka kawm ve tawha - Tui lama an hnianghnar zia tur kha mi hrilh chiama mahse hei kum 10 dawn hnuah pawh eng ual a la ang chuanglo a ni maw !!

Khi laia hniang hnar tur zia...tih lai khi ka nuih a za lutuk a,ka nui huk..Hei kum 10 hnuah poh kan hniang hnar lo nih hi.Kei chu thingtlang awmna pakhat chiah ka nei...VSAT awm hi.Chu bak chu a nawmna ka hre lo.

Delhi leh CCU chu in thlau viau lo maw...Delhi chu a nuam si,a changkang bok si.CCU chu tun hnu hian tlemin a changkang ve deuh ta a.A zia awm deuh ang chu.A thu hrimah Mizo online thin ho hi CCU atanga online hi an tam loh hmel hrim hrim.Mizoramah deputation in lo chho la,engkim hi a harsa a ni tih i hre mai ang.Thil man a to si.Kan hlawh/pay lah hi sawrkar in a ching buai zo vek lehnghal.

Unknown said...

@Burgerstud2005: Tuna CS hian min hrilh dan ni miau hek - Ka daw miahlo a nia aw :D

Thingtlâng nuam ka ti tho mai. Mihring an fel bakah boruak a thiang tha in len vel a nuam tlat.

Kulkhut hi zawng a nuam ka ti thei tak tak lo e. Ruling Party a inthlâk ngawt anih loh chuan a thangthei tak tak in ka ring lo. Helam atanga online chu a tam lo khawp mai, bakah Mizo zirlai an tlem hrim hrim a. Deputation chuan la rawn chho mahna mahse tlawntur an tam awm mange :)

Taka V.L.Remliana nen khan Batch khat emi in niha, tuna Lawngtlai SDO hi. Ka kid hlui a nih kha aw, Hostel a chan ve hma in ka room ah ka awmtir thina -Chhuat a nawt tauh tauh thin (Ai a U mah ni se). Min lo biak dawn nia, a nupui pawh Sangau mi a niin ka hria.

Mizoram ah khian sumadawngte siamchawp Indirect Tax chu an pe hnem ngang mai. Ka U te rawn zin pawn Kulkhut a thilman chu tlawm an ti khawp asin. In hlawh hi a buarchuar vek alawm - 5th Pay in tlansan bakah Pay-Post hi a in kalsan hu a.

burgerstud2005 said...

AW VL Remliana te nen in batch kan nia...a pui thei lutuk.Tunah Mamit Election Officer a nia...An nu kha Sangau lam mi ni lo ang,Lawngtlai lam mi a ni zawk in ka hria.Duhzuala poh i lo hre bok a.Deupation chuan tlawn tur an awm leh i tlawn ang a ni mai lomzzzz..enge poi..hahaha..

Kei chu Calcutta kha Mizo zirlai an tam hle in ka hria asin.Scottish phei kha chu Mizo college a ni hial lo maw.VL Remliana chu kan in hmuh ngai loh bakah kan in biak lohna a rei ta hle mai.Kum 4 vel kan in be tawh lo...kan in hmu ngai bawk si lo.Amah hian a tlei khop a ni ang e.

Unknown said...

@burgerstud2005: Rema rorel lai hawi thle bawr chu ka va han hmuchak em...ha ha ha. An nu te khua diktak chu Sangau alawm. Duhzualan, "Kumtin Dholpur Hose step ah exam tura lawn chhoh boh boh hia ka va han kham tawh tak" a tih lai kha a rei ve ta hle mai a.

Minister mawl deuh deuh, induh bawk si, han tlawn kual vel chu ka thiltih hrehber pawl ani tlat..he he he.

Delhi ngaihtuah chuan Mizo zirlai an tlem em alawm.