Kulkhut chhuahsan hlân ngawt hi tunlai chu ka rilruah a cheng tlat mai a. A mihring chengte leh a Khua a hi ka ning thawkhat niin ka hre ber mai - Kawng chep lutuk leh motor ri bengchheng lutuk hian ka ngaihtuahna te hi a tibuai pha hial emawni ka ti deuh rum rum thin. Nupui-fanau ka neihna Khua mah nise min han hipna tak tak hi a nei ngailo ti mai teh ang. Sawrkar hnathawk tân lek phei chuan a ninawm lehzualin ka hria - Engkim mai hi a kal loh dân tur ang hlir hian a kal roh a, thil engmah hi a awlsam zawng leh midang ten antih ang hian a kal tak tak thei meuhlo ani berin ka hria.
Boruak thianghlim leh hmun reh deuh hleka awm ve huntur thlahlel taka thlir hi ka titheih awmchhun chu a ni mai. Arsi pe un thei khawpa zân boruak thiang kek kawk hmuh lohna pawh a rei thawkhat tawh alawm le. Phairam , châkkhai leh eng ilo lam nana nuamzawk fe hian, ka ngaihna hi nitin mai in a bo tial tial in ka hria. Kei chauh emaw ka tih laiin kan Nu pawn a lo ning thawkhat tawh hle hi a lo nia. Tichuan Kulkhut khaw pawnah kan chhungkua in, pan lam nei lemlo in, kan chhuak ve ta rawih a.
Mahse vanneihthlâk takin thui pawh kan tlân hmain he khaw tetakte hi kan va pawh hlauh mai a. A khua tawntir ah thingpui dawr chhe fâ, luite kam chunga ding, hi a lo awm vân a. Mahse eitur kan zawh in samosa, helama singra antih bâk englem anlo zuar lo lehnghala - Chupawh chu minit 15 a la ang an la tizhui avangin kan kalsan ta a. Pawnlam mi an rawn luh khât dawn vei nen an hlawklo ngawt ang. An eizawna ber chu thlai chin - Bawkbawn, leh Balhla - leh ran vulh - Bawng, Lawi, leh Kel - hi a lo ni a.
Han sawithui teh duahtur chu a awm lo khawp mai. A hmun a thawven em avangin min ti harh sawng sawngin tih bâk chu. Hemi bâkah hian an la thingtlâng deuha an nunzia leh nundan a awhawm hlein ka hre leh bawk. Kan hawg lam chu kan ipik rei tawh bawka hnar atanga saihlit lâk chhuah antih ang vel niin kan inhria.
Boruak thianghlim leh hmun reh deuh hleka awm ve huntur thlahlel taka thlir hi ka titheih awmchhun chu a ni mai. Arsi pe un thei khawpa zân boruak thiang kek kawk hmuh lohna pawh a rei thawkhat tawh alawm le. Phairam , châkkhai leh eng ilo lam nana nuamzawk fe hian, ka ngaihna hi nitin mai in a bo tial tial in ka hria. Kei chauh emaw ka tih laiin kan Nu pawn a lo ning thawkhat tawh hle hi a lo nia. Tichuan Kulkhut khaw pawnah kan chhungkua in, pan lam nei lemlo in, kan chhuak ve ta rawih a.
Mahse vanneihthlâk takin thui pawh kan tlân hmain he khaw tetakte hi kan va pawh hlauh mai a. A khua tawntir ah thingpui dawr chhe fâ, luite kam chunga ding, hi a lo awm vân a. Mahse eitur kan zawh in samosa, helama singra antih bâk englem anlo zuar lo lehnghala - Chupawh chu minit 15 a la ang an la tizhui avangin kan kalsan ta a. Pawnlam mi an rawn luh khât dawn vei nen an hlawklo ngawt ang. An eizawna ber chu thlai chin - Bawkbawn, leh Balhla - leh ran vulh - Bawng, Lawi, leh Kel - hi a lo ni a.
Han sawithui teh duahtur chu a awm lo khawp mai. A hmun a thawven em avangin min ti harh sawng sawngin tih bâk chu. Hemi bâkah hian an la thingtlâng deuha an nunzia leh nundan a awhawm hlein ka hre leh bawk. Kan hawg lam chu kan ipik rei tawh bawka hnar atanga saihlit lâk chhuah antih ang vel niin kan inhria.
An Khaw Luhna
Thingpui Dawr chu
Huan - Bawkbawn an ching mek
Bawng/Lawi In - Buhpawl pawh an tiang urh
Khawchhung - Ha hipa han sawitur a awmlo
16 comments:
Ekhai, i dinhmun ka hriat thiampui hle mai che. Phaiah ngat phei chuan lirther zawng zawng hian horn tihrik chiam chiam mai tur emaw ti awm takin a ri tuarh tuarh reng mai a. Kulkhut ngat phei chu khawpui lunlaia office luahtu nih pawh a ninawm duh hle ngei ang. Mahse, a nuamah pawh a hreawmah pawh, kan chunga tihtur hlen chhuah hi hringnun khalhngiltu a ni si a, hreawm tawrh hmasak hian hmuaktu chu nawmna an tih thin kha maw...
Mahse, taksa leh rilru hi hahchawlh tir a tul hun a awm a, hriselna leh nunin a nghawng thlenga hnah ngut ngut pawh hi kan thlarau leh he kan taksa hian a lo ngeih ber lo khawp mai. Chuvangin Leng khawthawng zauh zauh hi a tha khawp mai.
Ti daih ila, Kristmas leh kumthar inkar khan Kol. Airport ah i fapa leh in nu hawng ve tur ka hmu a, fapa i nei hmeltha ngei mai. A nu nge a pa a chhun erawh ka hre lem law..:)
@Puia: Nia kan leng chhuak zauh zauh thin.
I ti lawmawm e, mahse nu leh pa te chauh en loh tur -Gene lampang a ni zawk e. Ka Pami leh kan Nu Pu a chhun ber :)
khitiang vai kawng sir dawra thingpui hi a tui thei ka ti.Phai ka awm tirh chuan ka ten thin a.Mahse a tui ka ti tawh lutuk.Bahga phaia mi poh khu tui ka ti.
In naute sawi takah chuan hman niah online thin mi pakhat chhangte blah blah tih i hria em ka ti a.Hria e,an fapa a hmeltrha lutuk a ti.Nang chu a chhun lo phawt che in kan ring ri rawk a. :)
Duhzuala chu a khawngaih thlak ka ti.A bei rei ve tlauh tlauh a.Dholpur House ah khan Exam centre a awm em ni?..Mahse hei hna tha tak a hmu a,a lawmawm hrim hrim alawm.
Vai ho thingpui lum hi tui ka ti lemlo. Sawhthing leh Soft hi an telh thin a, thingpuife tui leh tui loh pawh a hriat theih hleinem mawle :)
Tunge aw i biak a chu ? I ti lawmawm e, mahse min chhun khawp mai - A hnar chunglam chin chuan :))
Nia, Duhzuala chuan a bei rei khawp mai. BA ka zirlai atang khan a bei tawh mawle. Nupui a nei tawh em le - An zeilo ve khawpa, a nula rim chanchin thenkhat ka hrenual mai :))
Dholpur House ah chuan awm tehreng mai. Ka tlin kum pawn ka mains pek na hmu alawm. Exam Centre a chan duh chuan first 1000 applicants nih a ngai. Eddie Khawlhring, Indian Civil Account Service nen khan ka pe tlang alawm. U Rema (Indian Civil Account Service tho) office ah kan lenga eitur tuihnai deuh min lo hlui lehnghala, a tihchi khawp asin (A bul lawkah a Office a awm).
In ropui bik ngawt mai..Hming tawpa I leh S awm hi chu a ropui ee.Zofa te ti hmingthatu in ni thin a,a lawmawm.Keipoh in tih ang hi tling thei lo.Ka thiamna in a tlin loh vang leh hmelah ka tla thin niang,hawiherah te etccc..a vaiah khian ka tla fai vek a nih ka ring.:D
Duhzuala chuan nupui a la nei lo.Tunge a rim thin chu min lo hrilh teh vat...ka chhaih duh.All Ind Service emaw Central Service officer nih hi chu ka la chak reng.Ka rilru ah a thi thei lo.
@burgerstud2005: "In ropui bik ngawt mai.." han tih ngawt pawh chu a. Vanneih leh vanduai inkar hi tlemte anih vang zawk alawm. Engtik kum khan nge i exam a -Enge i optional. Thiamlo la tuna i nihna kha i ni tawp nang le, keipawn rawn bei ve ni ila ka tlinglo maithei bawk.
Duhzualan nupui a la neilo a..eheeeeeeee. A va han tlangval rei tawh ve !! Tarlam fa hlir a nei dawn anih chu. Ka hriat kha chu a rei tawh tlat. Eng deptt. nge a chelh a?
Keipawh ka naupanlai atang Pilot ni chak hei 'Terra Infirma' hna ka la thawh reng hi :D
Ropui alawm leeee...Ka chak thei lutuk alawm Central Service hrim hrim hi.Vanneih ho hi chu a thiam an ni zel alawm.Kum 2002 leh 2003 khan interview a.Ka tla ve ve.Written thiam lo lutuk leh interview ti chhe bok nen.Vanneih tur chuan thiam a ngai ania.Kum 2003 khan Prakashwati Sharma nia.2003 phei kha chu ka tling turah ka in ngai a.Mahse thiam lo na na chu tlin theih loh nih hi.Sawrkar hna ka thawh hnu ah vawi hnih exam leh.Geography leh Pol.Sc ka Optional.Prelims ah Pol.Sc.
Kan thianpa nula rim thin chu sawi rawh leee.Deputy Director,Land Revenue & Settlement in a awm.Kan luh tirh atangin Aizawl a la awm char2.Kei chu Ngopa,Champhai,Aizawl,Tuipang,Zawlnuam,Saitual ah te min dah kual tawh.Hmmmm...Grrrrrrreerr... :(
Aizawl poh hi kum khat leh a chanve chiah ka awm.
kan sorkar tharah hian rawn haw dan ngaihtuahpui che ila a thra tak ang :)
dolien:In sawrkarah hi chuan ka duh ber ka thlang ve tawh ang aw...min lo la thla tak la a tha ang.I thu hmel riau:)
Vah kual de de i va peih hmel ve maw le..PRA te va ti nghal law law la a hlawk ang chu maw le ..!! kulkhut kha chu awm rei chuan a ninawm hmel ka ti ve ngawt..han len chhuah na vak tur awm si lova..mizoram house lam ah te kal thin la a zia deuh ang chu maw le..kuhva hring te pawh lei tur a awm ani lawm ni
@burgerstud2005: An va pet kual nasa em em che vea, Duhzula leh Pu Zasânga fapa te hi chu Aizawl an pel ngai meuh lo a ni maw. Geography chu ka la ve tlats.
@dolien: Lo tanpui la, i chet thgeih hmel fu alawm.
@avena: Vah kual du du hi niuam ka ti tlat. Kulkhut aiin Chennai kha ka ning zawk fe - Tui litre 2-3 in pawha zun tur awm miah lo thin kha chu ngaih a tha tak tak thei thinlo. Mizoram House ah chuan enge maw ka va tih ngawt ang le, Kuhva hring lah ka ei ngai si lo a - Ha a bal duh em mai.
chhangte_II, hello
I stumbled upon your blog while looking up my alma mater Loreto College Darjeeling, now known as Southfield College. Your 'These Jacobites' comment in Lawrhkhawm regarding the timing of the name change had me wondering... Loreto institutions, HQ Dublin Ireland, are very Irish actually, nothing to do with the Scots. March 17, St Patrick's Day, feast of Ireland's patron saint is a holiday in all Loretos. The Irish nuns would wear shamrocks and we'd sing them Irish folk songs!
I zin account leh thlalak chu chhiar leh hmuh nuam khawp mai. I'm a Mizo nu in the Himalayas; have not spent much time in Zoram. Mizo tawng pawh ka tawng khat. Took me a while to figure out that Kulkhut is Kolkata. I also enjoy rambling around nondescript little towns in the heart of nowhere. My father was a sawrkar hnathawk and as children we went to some really interesting parts of Mizoram that were still pretty cut off in the 70s. That's why I always enjoy reading the accounts of civil servants right from the British Raj.
Ka lawm lutuk!
@ashwini: Thanks for dropping by and leaving a valuable comment. But the Scots were actually Irish people, known as Scotti, who invaded present day Scotland - From whom the present name came. Of course, it includes people like the Picts, Lowland-Scots (Actually English) etc. You had a colourful and priviladged childhood, which many of us were not blessed with.
Khawilai bera chuan nge i awm ang maw ? Mahni pianpui tawng chu kan theihnghilh thei tak tak hleinem. I lo lenglut fo dawn nia :)
I thlalak ho chu a va'n nalhin a va'n mawi em em han tih chiam tur leh lunglenga han kurpui chiam tur chu a awm lem lo... a ni maw? Lucas-a hmel tal rawn tilang chiang la zia tur :)
Taka, Capt. Sawma te chu i hmuh leh hun chuan min lo biak dawn nia, Kolkat i chhuahsan hma-a i hmuh leh hman ngei ka beisei.
Tunah lawk khan Travel & Living channel-ah Kolkata khawpui an rawn pho lang a, nuam in ti ve phian ni hmiang ka lo ti mai asin...
Pic 1: Lucas-a chu a va slumdog reuh ve :)
@Varte: Bawnghnute tui pawlh loh leh Bawkbawn tharlam tak tal khian i lung a kuia ang chu tih nak alaia. Hmun thawveng deuha kal hi a nuam ve a. Lawrkhawm velah kan chhimkun dula hian a duh hun huna a phawrhchhuah atan a ti palh ange, tilang lo mai ang :D Taka a hmingpum chu Lucas Vanlalhriata ani e.
Pu Sawma te chu kan nu chhungte alawm, kan in tlawhpawh khawp asin..Ka lo biak dawn che nia.
@Samuelapa: A ram leilunga piangte chuan nuam an ti mahna le. Keichuan ka hne tawh khawp mai.
Helam daih diah ah pawh Slumdog Fever a lo leng a ni maw..Lolzzz....
Post a Comment