Tuesday, December 21, 2010

Ka Fapa Chanchin Tlemazawng

Kan driver Chandana nen hian eng engemaw neuh neuh hi an sawi ve fo maia, a hnuah ka hrechhawng veleh ziah bawka. Tumkhat a sikul bang a rawn hlimchhuak hle ani awma, Chandana’n a zawhin, “Ka thianpa Gautam Sharma a Birthday ania, sweets min pe teuh a” ti pahin, “Chandan bhaiya, an pe ve na che nge” ? tiin a zawt let a. Ani lahin tihian a chhang maia, “Aaaa..Sikul Birthday chu chhota bachcha chauhin an lawm alawm, keichu ka lian tawh a”. Lucas-a a ngawi ta vang vanga, in thlen dawnah, “Pataa nahin Kyun diya, mein bhi big boy huin (Ngatinge min pek bik ka hre miahlo mai, mipa naupang liantak ka ni tawh asin mawle)” a ti bauh bauh ani awm e.

Kum 2 bawr vel a nih laia Montessori sikula an Principal khan he car hi a neih vang khan emawni a rilruah hian a khatliam tlat pek a. Tuition turin tumkhat ka thlah na ah, “Papa, Chandan bhaiya nen Hyundai i10 kan lei dawn”. “Okay....A that chu. Pawisa i nei emia” ?. Chandan bhaia in ICICI ah pawisa a neia kan pahnihin kan lei dawn”. Ka nuih a za hle nachungin ka sawichhuak lemlo a, mahse a hnu deuh lawkah an lei tak thu hlim deuhin (ka office a rawn tlawh tumin) min hrilh a. Chandana ka zawhchianin, “Office bulah pakhat a lo inhung kher a, ka leiah a ngai ngawt alawm mawle. ICICI ah pawisa i nei renga i lei dawnin min hrilh ve lo tiin a la nuar lehnghala” tiin min hrilhfiah a.

Tumkhat Chandana nena an ice cream ei pawh a kawr a ti bal deuh a. Chandan’an, “Ei fimkhur deuh rawh, anih loh chuan i kawr kha a bal vek mai ang” tiin a hrilh a. A bal tawh tho alawm” a lo tisam et a. “Awww...a balh chuan ka suksak che a ngai dawn asin” tiin a lo fiam let ve leh zeuh a. Ani lah chuan rihlut in, “Aap ladki hein kya/Hmeichhia i ni emia ( kawr suk i tuma)” !! Tun atangin a MCP dawn e tih dawn chuan keimah loh ang takin a Nu hi pangpar a hlan nitin peih ang lawi si a !!

Nimin tlai Masi chakkhai kan lam hawng pawh kan hma ah IRB Bolero khalhtupa in U-Turn a la hleithei lo a, rei ngial kan nghak ta tihah Lucas-a ning tawngkhawng tawh chu a dakchhuaka, “Gaadi U-turn karna nahin aata hein kya, Bhaiti (Motor u-turn dan i thiam nangea, Unaupa)” a lo ti hman pek a !! Sikula an inthlah pawh scooter khalh khan a rawn su teuh hle ani awma; Driver in, “Horn ka hmeh tuarh tuarh kha i hre nangea”? ti a a zawh kha , “Ka hrelo a” thiamchantum ran in a ti deuh haw ani awm e. An zinga a te ber Lucasa-a pek chuan, “Mein soona tha (Kei chuan ka hria)” a lo ti khauh a, buaina a tawp nghal tawh bawk.

Hmanzan kan mu tur pawh, “Mama, santa Claus hi kan inah a rawn kal ve dawn em”? tiin a zawt phawng a [Khawilai atanga a hriat tehreng emawni, kan hrilh ngai der siloa. Sikula a thiante nena an titi na lamah a hre fuh ve niberin kan ring ta]. A Nu in, “Aw, rawn kal dawn e. Mahse good boy i nih a zantin i tawngtai loh chuan a rawn kal lo ang” a tih chu, “Eeee...Mizo nge Hindi tawngin ka tawngtai dawna”?. ”Mizo chuan Mizo tawngin kan tawngtai thin alawm” “Okay..” ! Tichuan thu chungin a bei ve ta malh malh a, a chah ngunber pawh Hotwheels Battle 45 – Thlengdawh ah thlaksak ngei ngei tur zingah pawh No. 1 em em list ah kan dahthlap. Amaherawhchu, a duh dang pakhat ‘Snowman’ kan siamsak thei dawn lo tlat..ha ha ha...Kumin atang hian Christmas boruak a chenchilh ve tan ta e.

Life is never dull with my dear son Lucas. Tlawmngai taka min chhiarsak tute zawng zawng Masi leh Kumthar chibai vek ule. (“New Year ah 6 years old ka ni angem” tih hi mit zawt chamchi bawk tak e).

17 comments:

Varte said...

Tlawmngaiin ka chhiar lo, ngaihnawm ti takin ka chhiar.. Lucas hi chuan a buk tawk hi chu a hen chiang alawm :-)

Krismas leh kumthar chibai ule.

Dawldanga said...

a Pa ang lo takin a hmel poh a tha. Mahse a Pa aiin chandana chu a ngaisang zok ang tih ka hlau hlel lo ve :D

wilmot said...

Tun hun hi i enjoy leh i la ngaihber tur a nih hi make the most and enjoy as much as you can

Maisek said...

Naupang rilru thianghlim zia leh an duhawm theih zia hi chu awww! Fapa tha tak i nei hi i vannei teh e! Kristmas leh kumthar hlim taka in chhungkua a in hman ka duhsak a che u!

Unknown said...

@Varte: I ti lawmawm e, Zimbabwe ah nuam takin i va hmang dawn nia.

@Dawldanga: Ve chipchep che hian a..Ha ha ha..

@Wilmot: Nia, i sawi ang hian. Masi hmanghman turin ilo dam dawn nia.

@Maisek: "of misual dot com" ka ti deuh kher dawn emawni le :) I lo lenglut a i ti lawmawm hle mai, i hman changin i lo petek lut fo dawn nia.

virgochhas said...

haha...ka nui...ka trap trep bawk...naupang bula awm hi a va lo nuam tak emm...

Merry Christmas to you and your family

avena said...

Kan nuih deuh huk chu le ..hhahha...nikum khan dawhthlak ni in chhun ah in leh a vel kan ti fai a..ka u fapa hnen ah santa-claus a awm leh awm loh kan sawi dun a..a awm lo i dawh thlak tur pawh i nu in bang chhak lam a almira ah a dah ka hre vek ..ka ti fiam thu a..ka awih lo a ti chung in alo va en chu ni in...anu khan alo dah tak tak a..a dawhthlak tur a rawn lek chhuak ta vu vu mai..kan buai teh asin..a dang leina hun awm tawh si lo..tlai lam ah thim dawn ah anu a chhuak leh a..bazar a hmuh ang ang a rawn lei haw ta ngawt alawm dawh thlak tur atan!

Unknown said...

@virgochass: Engmawia pawh hetiang hun hi a thleng tep tawh alawm :)

@avena: I va bengtla lo mai mai e aww....ha ha ha ha..

Sekibuhchhuak said...

Ava ngaihnawm reuh e! Naupang te hian mi khauh tak thinlung pawh hi an tikehsawm thei thin, tih min ngaihtuah chhuahtir. Kan thil tawn pakhat kan thai lang teh ang. Masi Chibai atan ! :-)

Singaporian thawhpui pa nen, afapa kum 6 mi nen thingtlang, Vietnam border-ah kan zin a. Tlai kan inkhawm laiin, Sipai an lo kal a. Thingtlang mite, underground a kan inkhawmpui kha a haw hle alo ni a.

Kan passport tihchhiat (confiscated ) saka min vau lai, boruak lum em em lai chuan; ka thianpa fapa chuan. " Ka pu, i silai kha ka lo kap chhin " ati a. Sipai officer chuan naupang chu a en a. " Plizz in Vawi khat chiah ka lo kap chin" ati leh a. Sipai officer pawh chu anui ta ringawt a. Chuta tang chuan boruak chu a dang ta vek a.

Ka thianpa hnenah chuan, " keipawn i fapa rual hi fapa ka nei ve a.....naktuk he khuaah hian cham leh ula, naktukah ka fapa ka rawn hruai anga, an inkawm dawn nia" ati ta a. Chuta tang chuan he khuaah hian harsatna kan tawk tawh ngai lo.

Unknown said...

@Sekibuhchhuak: Van tawng hlauhawm ve mawle...

Noddy said...

Ka bih thuak ang chu ka tia, ka scroll thla ta zel mai..lol I ziak ngaihnawm thiam e.

H.Vangchhia said...

Lehkhathawn aiin ziak i thiam zawk mai angah. Ngaihnawm hle mai.

Almostunreal said...

a va han sweet thei tak e aww..awmna in zir bok niang, vaitong hneh hmel toh khop mai

ka hmu chak ngot mai i fapa zet hi chu

Unknown said...

A pa naupan lai aiin a fin hmel ka ti.

Anonymous said...

A ngaihnawm hle mai. I fapa chu mi dangdai tak, mi eng emaw tak a la nih ngei dawn chu..

Unknown said...

I fapa chuan a pa a chhun a nga, a la fel fe dawn a nih hi..Pu Henry

Unknown said...

@Noddy: I ti lawmawm e, Hotupa :)
@H.Vangchhia: Hairehai, ka tluk tep tawh che tihna eloa :D
@Almost Unreal: Vaitawng chu a thiam tawh khawp mai. Nia, in la inhmu em em ang (A tawng duh teh mai ania) :D
@che: Nia, min chhun em ani Chea...lolzzz...
@KC Lalthansanga: I ti lawmawm hle mai, anih ngei Pathian zarah han beisei phawt ila...
@kzaia: Khaih aw, Henry-a chu ka ni hauh lo maia..Mahse a lawmawm reng reng tho e. I rawn lenglut a, ka lawm hrim hrim bawk :)