Saturday, February 27, 2010

Itanagar Diary

Insawn buai nen hnathawhna thlak nen, heng te hi kan chanchin tlangpui ani e. Lucas-a hian helaia awm hlen tur ah hian a inngai ngailo niberin a lang, thuisawi tawp apiangin Kulkhut-a kan kir leh hun tur hi min zawt ziah mai. a. Kan chanchin a tlangpui in : -

A Nu nena an titi na: Tum khat a Nu nen a naupanlai thlalak endunin a Nu chuan, "Baby/Nausen i nih lai ami anih hi, ka pum atang a rawnchhuak i ni" a tih chu a hrethiam lo anih hmel e. Heti hian a chhanga, "Baby ka ni ngailo, Big Boy ka ni thin" tiin. Ni thum hnuah a Nu hnenah, "Min ei zo emia" a ti ta a, a Nu in,"Engvangin nge ka ei zawh ringawt ang che" a tih chuan, "Kurkure ka eiin ka pumah a awm vek a, keipawh i pum a ka awm anih chuan min eizo vek anih chu" a ti a.

Michelle leh Foxy
a tehkhin na: Kan uite hming hi Foxy tiin kan phuah a, a beng a tun avang leh a khan tawi chi anih vang ber ani.
Michelle-i hi kan Nupa a uluk taka Malsawmtluangi tih zulzuia kan phuah, hmeichhe naupang kum 2 mi leh Lucas-a laichin unau ani. Kan uite hian Lucas-a hi chhaih pahin a se ner ner peih hle a, a laichin unau nu lahin a thinrim apiangin seh a tum bawk nen. Tumkhat chu a Nu hnenah heti hian a sawi, "Foxy chu Dog ani a min seh thin, Michelle baby pawhin min seh thin, Mama Michelle baby chu Dog ani".

Thlai chungchang: Huan enkawltu fel tak Doley Rana, Assamese tribal, kan neia. Hill Miris ti a hriat ni mahse helaia chuan Nyshi Tribes ah an intulut a, hemi te Hnam hi sawichhawn takah chuan awm awl eitui leh suahsual rawngbawl ani mai e. Niminpiah atangin inrawng hnawih kan buaipui tan a, a taima in a fel angreng fu. Huan enkawl a taima in thlai chi theh a peih fu a, tumkhat chu kan Nu in minpuak fang thlangra khat nisa a uluk taka, kan eitur nena a hisap lawk, a pho ro chu a remna laia apianga tuh turin a pe a. Ani lah chuan thlai tiak awm tawh na hmun apiang leh a enkawl na hmun tinah lo tuh niin, kumin chu mimpuak eitlak ni lemlo kan thar tam dawn viauin a ang. A bang lah chu bawngek nen a lo chawhpawlh lehnghal a, ei leh chi hi anilo reng reng.

Hemi te Nupa hi kan khawngaihin kan duhsak hle a, min dil nasa bawka midang ai awhin kan han thawhtir ti ve a. Mahse le an Nupa in ka office Toilet an tifai thiamlo pek anih chu. Tihtak meuhin zaizirin ka han zirtir ngiala, an hre theilo lutuk ningin an hmuh lai in ka tifai ta a, tuna chin ah thiam tak maw ??? Ka awm hma a awm pa in thingpui lum tura a tirh pawhin engkim a telh dik vek, mahse a tawp ah Nimbu tamtawk a sawr ani awm e, kan puilo tlang khawp mai.

Thil sawitlak deuh te: Repuplic Day ah Governor in thingpui in tura min sawmna ah kan Nupa in kan kal, CM pa chawhlui kil turin ka kal bawk. A bak chu kan hotute zahpah lo takin Itanagar a Dak Inpui sakna tur sum ka sawichhuak, Kan Department Secretary leh Board Member hma ah ka tawng na deuh ni tur ani, kan hotunu in ngaihdam dil turin min phut a mahse ka dil lemlo. Tin, kan sazu var vulh an pung hle - Hmanzan ah pakhatin no panga a nei a, zaninah pakhatin nau a vei mek.


CM Bungalow
Governor chenna

15 comments:

virgochhas said...

i love Lucas...a thil ngaihtuah dan hi a nih duh ve hmel fu a sin :)

in CM lh Governor baaaangla chu va nawm hmel reuh mai mai ve...nangma baaaangla thla pawh ron post la

Zara Ralte said...

ekhai, Itanagar lam chanchin pawh kan lo chhiar a,a ngaihnawm khawp mai. Thlalak mawi tak tak kan lo beisei zel ang.

David Ralte said...

Governor chenna khi an sak thar a ni maw? Ka lo hmu ngai re re lova...

Varte said...

Itanagar lam chanchin kan hre har ka lo ti tawh reng a, a tha e, rawn ti lang zel rawh. I ti ti a ngaihnawm khawp mai, Lucas-a chanchin pawh rawn update reng la tha ang.. :)

chawnghilh said...

Zangkawltuk kan tih thinho an ni. Pu Khawtinkhuma te nupa kha NEFA-a han awm thin an ni a. Rita-i nu (Mrs Khawtinkhuma) khan Mizo puan tah dan ang diak leh design-in a zirtir hlawm a. Arunachal a nih hnu khan ITTA NAGAR kha khawpuiah an din ve ta a, Di in mai maia khawsa, rangva in mai maia khawsa chho khan ITTA (Leirawhchan Khawpui) an han din ve chiah ta chu a ropui sawt hle.

Hnam mawl, bazaar nikhua pawha saruaka kal mai thin an ni. An zahmawh a lan loh nan hnathial hnah tala an serh khuh hliah tura tih an ni a. Ni a tlang sang a, hnahthial hnah a lo sawng te a, serh sirah bawk a khawr tawm vial leh mai mai tho bawk si.

Mahse, Ram hruaitu an nei tha a, eiru ve tho mah se, an hnam hnuk an hre chiang a. Tuikhuah tha tak tak sum siamna khawl an lo din rura bik hle. Mizoram min khum ta tlat hi rualawh chu an tina ka ti. NEFA an la nih laia sikula kan zirpuite kha mawl ve hel hawl deuh chu an ni. Mahse, intodelh tak leh changkang tak an nihna chen a nasa daih zawk. Zoram chuan Hruaitu dik leh remhria kan lo tlachham em atin a ni, corruption hi a rura riau va, kan dingkhawchhuak ngut ta lo a ni e.

Unknown said...

@virgochhas: Engmawia a nikhua deuh anga tuna kan dinhmun ah hian in la ding ngei ang. Bungalow neih chu ka chak ve khawp mai, mahse ka nei tlat lo :(

@azassk: Nia mawle, Kar leh khian zin ka tum deuha - Brahmaputra hnar lamah :D

@David Ralte: Pu Murmu, an sak thar leh thar loh chu ka hreloa, mahse lang lo piah ah sawn Mini Golf Course/Tennis Court/Helipad etc etc a awm teuh. Itanagar ngaihtuahin a zahpuiawm mah mah ani...Lolzzzz....

@Varte: Hotunu, Itanagar Diary hi ka awmchhung kan tihzawm zel mai dawn em ni. I awmna a n uam zel maw?

chawnghilh: Ekhai Hotupa, I rawn lenluh hlawh avangin ka lawm e. Zangkawltuk ho chu an ti ngei alawm. Mahse Mizo History chhiarchian chuan 'Abhor Ho Run' chanchin ka Pa in a awm thu min hrilh ngei mai, an bul hnaia awm Karbi-Anglong Hnama 'Ingty' ho hi Khasi Hnawm an zinga roreltu atana awm an ti ngei bawk e. An changkang chak ve khawp mai, Vaitawng an thiam nghal bakah an tang nasa hle. Mahse an zinga tamber 'Nyishi ho an changkan hma chuan engual anni lo ang, a lo chang hmasa te kha 'Apatani' - 20, 000 bawr vel lek - leh 'Adi - Galo leh Adi ti a inthen ta - te anni mai.

Dula said...

i huan/rawnghnawih lai/ui pic vel te rawn dah zawk ta che...khi tiang governor/CM bungalow te chu google chhuah mai a harsa awm lo em mai a..!!
i sazu var te pawh chu no a neih chiah pawh ka ring lo e a, nei se lang chuan in a pic i rawn dah tel ngei ngei ang...!!

a ram boruak, ruah tam nge tam lo, khua vawt nge vawt lo, an thil ei tlang pui, an sakhua, hun awl ah khawi ah nge in chhuah thin a,enge in tih thin?? a mihring an hmeltha em ?? etc te rawn tarlang zawk ta che..

Unknown said...

@dula: Ka peih eih lo e. I sawi zawng zawng hi va 'Guigal' mai teh :P

t said...

sazu.. in va ngah tawh awm ve chhangtepa LK ah rawn sem thren teh :D

amuana said...

Hriat loh chhungin i lo update ve ta hram a, in sawi dan hmang atang chuan a va nawm hmel ve..... remchangah engtin tin emaw lo thleng hlawl tum ila tha ang hehehe

faka said...

Hetiang chhungkaw thunawi ngaihnawm hi ka chhiar peih zawng leh ka ngaihthlak peih zawng a ni ve tlat thin!'In ram' hruaitute hmunhma vel chu Zo tlangsanga mite hian kan tluk lo a va ang ve!

A_es said...

In sazu var vulh chu i han ti lang ve lo nia..
'ah' tih khi i hmang ngun sia, a hmaa thu nen zawm zel a va tha ve.
hmaah, Hmanzanah, chinah, tawpah etc. Sawi ve mai2 ani e.

Almostunreal said...

Lucas-a chanchin hi ron post vak2 roh...

Unknown said...

Locas-a chanchin khi a ngaihnawm ber a nih khi. hahaha ka duh reuh lutuk.

Sazu-var chu an pung ta hle mai a, "White mouse Producer", in ti la, a tha ang chu. :D

Unknown said...

@t: Nia mawle...He he he he......

amuana: Ziahtur ka hre lo em alawm, rawn zin chho la...Nuam i ti viau maithei ani...Ha ha ha..

faka: Kan ho angreng khawp mai, pathum chauh awme ti lo hian, I rawn lenglut ah a lawmawm hle mai. An hruaitute hi maw...an hausa turu thei khawp mai.

A_es: Nia, i sawi takah chuan mahse Mizo tawng hi amhni duhdan te a awma. Nupui nei chauh si i phunchiar mange :D

che: He he he....Hmanlaia London Bridge Rhyme, "Gilgilap with ayom bus" a tih thinlai nen chuan changkang tak kan ni tawh e. Sazu var...Lolzzz......