Friday, December 11, 2009

A Tawpah Chuan

Hun reife ring fân chung meuh a kan lo nghahhlelh em em chu a taka lo thlengin, N-E posting chu ka hmu ve ta ngeia. Mizoram hmulo mah ilang kan hlimin kan phur tlâng hle, rawn awm duh an awmlo bawka Pathianin rem a tih chuan hmuh hun a la awm ngei ang tiin kan inhnemchawpa. Engle khawle Kulkhut hi ka hne tawh ani ber mai e, duh avanga awm lah kan ni hek lo, insawn buai kan huphurh vânga awm kan nimah zawk e.

Kawng lehlamah chuan Kulkhut hi phairama lehkha zirtura chhuah hmasak ber tum a, bul ka tanna ani ve tlat mai - July ni 23, 1990 ah khân ka Pa nen he Khua hi kaltlangin Maharastra kan pan tak e. Thanghnih liam zet zawt hnuah N-E ka let leh na tur Khua ani leh dawna, December ni 23 kher ani lehpeka - Heihi tum vang pawh anilo, kan hotunu berin ka chhuah a phal ni anih vâng zawk ani. Thlatira chhuah ka dil pawhin, "Recruitment hi zo fel phawt rawh" a ti mauh maia, kan inhrawn rei ve tawha min ring thawkhat tawh hle ni tur ani !!

Kum sawmhnih lai liam tawh mahse khami ni kha thlirlet in, kan Pafa ve maiin - Kut ruak ve tak leh hmalam hun awmzel tur hre miahlo lehnghâl kha kan ni a. Tunah zawng nupui fanaute neiin kan ri haw bung bung dawn ta anih hi. Heng kum kal ta zawng zawnga min venghim tu leh kutbenga min haw tir lo tu, Pathian chungah lawmthu sawisen loh ka ba ani. Kei tluka malsawmna thlawn leh chhiarsen loh dawng hi an tambik kher lo ang. Mahse mihring ve mai chuan mahni a kan in hâi kuak emaw tih mai hi a awl leh thin, he leia kan damchhung hian Pathian bei hi vawi engzât tak tidawng thin ang i maw !! Kan fate tih ni se chuan kan hrawk zing awm teh e...Ka tawngkam thiamin a daih tawh lo bawka, he lampang chu sawithui tawh lo mai teh ang !!

Tichuan, rokhawlhna te a awmloh chuan ni 23 tlai khian Itanagar chu thlen kan inbeisei a. Mu leh mal awmloh na Khua hi chhuahsan thuai thuai a, heng te hi hmuh hlân kan nghakhlel ani, an lo hlu vet vet em mai: -
"Lui luang ri hawk hawk te
Vân dumpawl, thiang leh fai kuk te
Mit tlin chin chin a ngaw hringdup te
Zana arsi pe un mai te"
(Sâmah sâm luat a awmlo an tih kha)

Home Sweet Home, Kolkata

32 comments:

Varte said...

A hmasa-in Pa ropui tak chu i ni ka han ti teh ang, ang vang maw i ti a ni mai thei, ka han hrilh ang che..

Kolkat khaw lum huam huam, buai nuai nuaiah i awm a, nuam ti ber awm fahranin, hmun nuam ber emaw tih tur khawpin i sawi tlawr a, tunah NE-ah i haw dawn a, chak em em-in i kal leh dawn chu a ni si a, fak i phu, midangin fak lo che mahse ka fak thlawt che... In hotute chuan ring lo che ziazang an ni hleinem le..

Malsawmna vurtu Pathian chuan Nupui fel tak leh fapa fel, hmeltha bawk si a pe ta che a nih kha, tluang takin kal la, i kalna ramah chuan malsawmna lo ni leh zel ang che tiin duhsakna leh thlahna ka hlan a che.

Sekibuhchhuak said...

Lawmpuina chibai ka hlan ache. Kolkatta hi chu kal tlang ve chang pawn cham rei loh dan ber ka ngaihtuah thin.

Arunachal chu thlahnih chhung ka fang ve nual tawh; a nuam ka ti. Lui-ah lah sangha man mai tur an la leng nuaih nuaih bawk nen. Chakai an ei tha duh vak silova; luiah khan an tam mai mai khawp a. Kan man tak nghek kha. Mahse, an lo ti lehzel a-- man ngai lohna luia chakai hi atui lo an tih tlat chu! Dik tak maw.Lo fiah teh khai ! :-)

Lalpan awmpui che rawh se.

Clayton Dolién said...

E sir chu, Izol lamah rawn awm la, Dak In lamah envelope ang zawngten min han thawhtir ve la thra tur nia.. kan lo nghak reng ang che

Unknown said...

@Varte: In pawih fak vak hi aaaaa..He he he. Awmna apiang hi nuam tih mai tur, nuam tih loh chuan a hreawm thlawn mai a.

I ti lawmawm e. Nangpawh nuam taka Masi i hman ka beisei rualin i rawngbawlna lamah i tluan zel ka duhsak bawk che.

P.S. Pu Sawma te chhungkua pawh Kalimpong ah an kal dawn ani awm e.

Sekibuhchhuak: Keipawh awm tura min han dah chiah chu ni hnih ka mu lo mawle, kan Nu (Bial Nu a la ni ang chu) in min hnem lai kha awwww..Lolzzz...Kal hreh ve tak chu ka ni, mahse rinai takin nawmna tamtak chu a awm ve tlat, Chhungkua kan in din ve na Khua ani tlata.

I sawi zawng zawng hi ka thil tih tum list ah chuan No. 1 vek anni e, ka rawn report ngei ang.

Nangpawh i rawngbawlna lama tluang te in pathianin venghim reng che rawh se.

dolien: Boss, Post a ruah phawt a ngai alawm, kei hian ania rawn awm châk chu. Trade License kha lo siam thuai thuai lah, ni loh le PLI Agent ka lâk hunah rawn in lan ve ngei la :)

Unknown said...

Kulkhut i fak tlawrh duah thin chu i chhuahsan dawn meuh chuan, va sawichhe hneh leh si ve le. I insawnna state hi keipawh ka awm chakna chi ram ani. Helam India lam zin ho(Tourist ho) pawh hian Arunachal lam hi kal an awm ve nual mai a, hmun nuam tak chu a ni ngei ang le. Tluang takin inchhungin thleng ngei tur chein ka duhsakna ka hlan a che.

Unknown said...

@che : Kan awmna lai tak chu a nuam ve em alawm..Lolzzz...Arunachal Pradesh chu nuam tehreng mai, hmun tlawh tur a tam alawm. Nangpawh rawn 'Tourist' ve nghe nghe la a tha ang. Ka lawm e, Masi hman nuam le :)

mnowluck said...

Wow! Envy ya..VAiram ai chuan northeast hi thring hle mahse, kan Ram ni kher lo mahse, kan pianna ram a naih zawk a vang ni deuh ang.. a nuam zawk mai pawh nilovin, vairam ah kum 6 kum 10 vel om chuan , Northeast a om a nawm zia leh an vanneih zia kan hre chhuak zel. May you be a blessing to where ever you are . And give regards to your son too .. my twin bro :P LOL(same birthday )

Unknown said...

@mnowluck: N-E ah chuan kan engthawl hak alawm, engkim a awlsam deuh a. Thanks for the blessing, and a special thanks from my son Lucas :)

dula said...

kulkhut ah chuan i hun hnung lam te pawh ani mai thei a..mahse Itanagar lam ah chuan bul i tran chho dawn chauh ania chuvang in a title a "a tawp ah chuan" i han ti ngawt mai khi chu a khing bai deuh tlat alawm...!!genesis i chhiar chuan , a tir in Pathian in lei leh van a siam a, lei hi a ruak ngawt ani a..ti a inziak i hmu anga..lei hi a ruak ngawt anih sawi hmasa lova lei leh van siam anih thu sawi hmasak anih daih zawk hi maw le...chuvang in Itanagar lam i bul tan na lam tur sawi hmasak hnu ah kulkhut lam chu sawi zawm ta zawk la a inhmeh zawk daih lovang maw...a title ah pawh " a tawp ah chuan" tih aiin "Itanagar genesis" ti ta la a dik hmel daih zawk mai ka ti :))

A eng a pawh chu nise la, a ram mawi leh boruak thiang tak te leh hmel thar hmuh mai bak ah Arunachal ah khan missionary ini nghal ani tih kha theih nghilh lo la...Lal ISua tan khawvel lak kan tum ber tur ani reng ani tih rilru a vawng reng chung in Bible chhiar leh tawngtai kha lo thlahthlam ngai hauh lovang che tiin thu kan chah ve ang che :))

Unknown said...

dula: I va han phen tak em...Lolzzz...A tawp a tawpah chuan Kulkhut kan chhuahsan ve thei ta tih na lampang a kawk zaw mah lo maw..Lolzzzzz....

Christian 100 a 100 awmna State a thlaraubo taka i fawr kual vawh vawh kha sim a hun lo maw..Lolzzz....Rawngbawl turin rawn zin nghe nghe la mawle :P

Mizohican said...

Hotupa chu nuam i va ti awm ve, AP lam chu. :-) Mahse... kulkhut atangin haw a rang daih zawk a sin, Itanagar vel ai atang chuan :-)

Chuan Masi leh kumthar chu Itanagar ah maw i hmang dawn?

Zama said...

arunachal hi a tha lam hlir ka hria, a nawm zia hlir, ka kal ve chak khawp mai..tluang deuh in auh ...lol

Unknown said...

illusionaire: Boss, Kulkhut atangin hnai mahse motora zankhat kal chauh alawm,i hrelo em mai :D Masi leh Kumthar chu kan hmang mai aniang chu, ka zawm nghal a ngai dawn si a ;)

Fonz: I sawi takah chuan a nawm hmel ta riau mai, ka va han kal châk tawh em...Lolzzz...

VaiVa said...

E... kulkhut ai chuan Itanagar chu a nawm loh pawhin a hrehawm zawk ngei dawn chu :P

Merry Christmas lem!

burgerstud2005 said...

Congrats..Hun hlimawm tak in neih ka beisei..mahse i pem hun hi a xmas hnaih tawh vangin a hun lo deuh e ka ti.New Year nghah mai awm che.

Unknown said...

VaiVa: Rinai daihin Itanagar
chu a lo nuam daih mai a, Mizo chawhmweh pawh a chikim khawp mai. Shillong aiin a tlang lo zawk bawk :p

burgerstud2005: Nia a hun lo khawp mai, mahse kumthar hnua zawm chuan 2010 ah daih Increment ka hmu dawna. Ka junior te nen kan inang mai dawna .(

virgochhas said...

A hruaina in tluang tak in in thleng tawh bawk a....Itanagar adventures pic ho rawn post thuai thuai teh khai :)

Sekibuhchhuak said...

Hotupa , Kumthar Chibai le!

Naharlagun leh a chhevel, I tanagar lam te pawh ani zawk mah ang chu; thlalak hmuh avan chakawm tawh em ! :-)

dula said...

a tawp ah chuan bul i tran ta ania..all the best in your new assignment!

samuelapa said...

Itanagar lam chanchin report-in "In the beginning..." tih han ziak leh mai teh, dula lung lawm nan :)

Lianpui said...

Damthat leh hlimlai hi chuan Pathian hnena lawmthu sawi mai hi a har vaklo, mahse bawrhsawmna-in min han tlakbuak chiah hi chuan... "Lalpa ka lawm e.." tih hi chu harsa tak ani. Chuvangin, lawmthu tha taka i sawi zel theih nan, Dam tlang tak leh hlim takin Himalaya Thlifim hip nuam le!

Unknown said...

virgochhas: Nia mawle, hotunu..

Sekibuhchhuak:E Kumthar Chibai, a la tlai em lo ang chu maw. A hmun chu rinai in a nuam zek.

dula: I va han la kawi peih tak. Ka lawm e :)

samuelapa: Overtime Allowance te rawn sanction se, ka thlâk mai talawng :)

Lianpui: I rawn len luh avang leh duhsakna min hlan avangin ka lawm e. Nangpawh le, rawn lenglut fo bawk ang che.

alexxfender said...

A luh chhuahna lam thlawhna service han thra deuh phei se chuan.. india ram hmun tam tak ai chuan ka awm chak zawk daih..
thuawih tak khan han awm phawt la.. i duh na tak ah kan la sawn leh dawn che a nia.

Unknown said...

@ALEXXfender: Thlawhna service chu Helicopter a la ni rih, mahse Naharlagun ah hian thawlhna tum hmun duan mek ani. Nia, thu chu ka awih ang, mahse i chet vat angai ang..Lolzzzz

Nite said...

Lucas a va naihawm beeeee....... sUNDAY SCHOOL naupang ho hla rem laia a awm dan kha ka la hmu reng mai....

EPISTEMOLOGY said...

congrats hotupa...in dam tha zel maw..?

Unknown said...

Nite: Ekhai, i dam maw? Helam chu a boruak a dai khawp mai. Lucas-a pawh Sikul a lut leh der tawh mai.

EPISTEMOLOGY: Kumthar chibai le Hotupa. I va han reh rei vang vang ve mawle.

Zara Ralte said...

hotupa chu keipawh Mizoram lamah Masi hmangin ka haw daih a, Itanagar lamah i pem tih ka lo hre tlai khawhnu ve chauh anih hi. A nuam viua ang chu

alexxfender said...

In va han essay type hlom ve mawle.

Puia said...

Arunachal chanchin kimchang zawka a hmun atang ngeia i rawn ziah hun ka nghakhlel hle mai. Hmanniah kan uaupa Sipai tawng pakhatin min hrilh nelnual a, Vai an tlaktlum theih loh thu leh an intih chinese dan te, India rama beh ai chuan China rama beh an duh tlat dan te pawh ngialngan zawka hriat ka va duh em..

sketcherboy said...

Itanagar??? Ka kal ve chak ngot mai, Kolkata Air Polution nasa lutuk a awm ai chuan a nuam zawk feeeeeee ang, Choak tam si!!! Nakinah min la hruai ve la a thra ang :D I fapa te reuh kha a dam maw???

Unknown said...

..