Monday, October 05, 2009

Ruahtui Leh A Behbawmte

Kumdang ang lo takin kumin chu ruahtui a la tla ve hle in, khua pawh a vawt ve sawt khawp e. Nipui laia thlâi chin/tuh chi in tuar hle mahse thlasik a chin/tuh chi chuan an tuar vak dawn lo in a ang hle mai. Hmanni nikhat ruahsur ringawt khan Kulkhut 'Rainfall Deficit' atangin 'Surplus Rainfall' ah a lehlin tir hlauha, vanneihthlâk takin lei hniam deuha awm veng thenkhat - Behala, Lake Gardens, leh Dum Dum - te tui tlingin a tibuai lo hlauh a, a lawmawm thawkhat e (Ka mi leh sâte an tam ve bawka).

Ruahmal khat atangin tuifinriat zaupui mai chauh hi a lo chhuak awkawng lo e. Zing 'Walk' pah a nungcha leh thlâipâr ka hmuh thenkhat tepawh hian nuam an tiin, keimah ang chiahin - he Khawvel ruahtui malsawmna tello a awmtheih loh na hi - a mawina leh a nawmna chendân mawlh an buaipui vein ka hria.

Raindrops
Raindrop (Kan Varendah atangin)
Raindrop (Kan puan zâr na ah te)
Paldâi rah
Daidep (An damchhung nite hi a reilo hle)
Phung-Chengkawl (@chepa an a ti)

18 comments:

A_es said...

Comment hmasa ber ve teh tlat ang! Pic chu hmana Angaiha post nen khan in ang hle mai, a mawi dangdai ve hrim² danah khian i lak ani ngei ang :)
Ruah hi helamah chuan a duh hun²ah a sur ta mai, 'There r 3 seasons in a day' te poh ti ila a sual lem lo helamah chuan, kan khaw awmdan hi a inthlak thleng nasa viau, hengte hi engvangnge ni ta ang tih chhut a ngai khop mai.

Fonz_D said...

pic nei nalh thei ve a

Zothlifim said...

Ka la hmulo na che-in, i hmel en aiin thla i la thiam. :P

Sekibuhchhuak said...

Hotupa, thlalak ho chu fuh hlawm hle mai!

Unknown said...

Piring a nih khi. Hnapkhawn chuan kawr chang a nei ve lo. I thlalak a fiah tha hle mai.

Unknown said...

@A_es: I kawment hmasak ber avangin kan chhâng hmasaber teh ang che :) Angaiha nen kan awmna a inang lo tlat - Kan Varendah anih khi..he he he. Boruak chu a inthlâkthleng reng alawm, Sahara Desert pawh hi hmanlai chuan hmun hring dup leh ramsa tam na em em thin ani e.

@DylanSailo: Ka lawm e :).

@Thingtlang Pa: I rawn lenglut a ka lawm hle mai. Thla la tute hi hmanlai khan an tlem deuh aniang, an sakhmel lampang sawi ka la hre miahlo. Mahse zaithiam hmel i put hmel tizawngin i sawi lo a, ka lawm reng reng..Lolzzzzz...

@Sekibuhchhuak: Boss, kekawr bul leh mawza dum, seitawk nena, i pheikhawk thar bun lai thlalak kha a nalh fe zawk :)

@Fela: Hotupa, i dam zel maw. Ka lawm e.

Zara Ralte said...

ruahtui thlalak hi a (spe)Cial ve aw, "ruah aw sur buan buan" kan tih thin lai te khan a thla a lak theih tih pawh kan hre si lova:)

avena said...

vai putar pic ngawt ai chuan en a nuam deuh e!!!...mizoram lam ah hna i rawn thawh hun ah hei aia nalh hlir mai thla lak tur ka hual lawk teuh ania..ka la kawh hmuh ang che :)

chepa said...

Va mawi hlawm ve. "Thlai chikhat par" i tih khi arah a va ang zawk ve? Paldai kung kan tih thin rah nen a ingang khawp mai.

Pering ang deuh khi hnamkhawn pawh ani lo. Phung-chengkawl te an ti a, thlai an ei chheh chak khawp mai a, pun lah an pung chak a, nanna hring chi-60 lai an pai an ti leh nghal a, in huanah an awm chuan chi tuiah thlak la an thi nghal zel mai ang.

Unknown said...

azassk: I thlalak a nalh thei bawka, ka lawm e.

avena: Vai putar pawh en a nuam tho alawm, 1949 magazine mi pe lehnghala :D Huiha, Durtlanga bak i hre awm siloa..Lolzzzz..

chepahakhata: Paldai kung rah ni e, kan edit nghal ange. Phung-Chengkawl tiin ka edit bawk ange. Mizo tawngin ka hre lehpek lo anih hi, ka lawm e :)

virgochhas said...

ruah hi chu vairam ah hian a nuam...mahse calcutta a tui lian kher thrin hi chu a tenawm...

aizawl a kar khat vel non stop a a sur hi chuan a nuam lo a ni

chepa said...

Paldai par chu i la ti talh a, a rah zawk a ni lawm ni? A par chu nainawk rawng tetakte te a ni ang, a kung lian deuh chuan hling a nei.

Daidep hi keini lamah chuan Piteng kan ti a, daidep ti pawh an awm tho. Innghak hi daidep kan ti ve thung a, khaw-1 khawt-1 trawng pawh a inang lo thei khawp mai.

Unknown said...

@VC: Kulkhut ah chauh tui a lian ngai hleinem, Delhi leh Mumbai ah pawh a lian thoa - An tawp dan pawh a thuhmun bawk..Lolzzzzz..

chepa: Ka siamtha tawh e. Daidep kan ti mai a, Inghâk kan ti leh mai (Thenkhatin 'Daidep' an tih hi mak ka lo ti viau asin - 'Bang Awle' ti law law se).

Lunglei leh Aizawl thumal thenkhat te hi 'North' leh 'South' 'Pole' ang vel ani - "Ruah a sur dawn" tih hi chhim lamah chuan "T(r)o a haw dawn" an ti leh daiha. "Standard Mizo Tawng" a awm hunah a la inang mahna le :)

vana said...

Thla i va la thiam sawt e o

Varte said...

Thlalak a nalh ngei mai, he hla hi min ti hrechhuak -

I saw rain drops on my window
Joy is like the RAIN

btw- Kolkatta ka rawn thlen laiin in awm lo, hmuh che ka in beisei teh lul nen..

Unknown said...

@vana: I hnungzui kha ka ni tlata :D Ka lawm e :)

Varte: Ka lawm e. Kulkhut i rawn thlen lai khan mikhual kan neia, Pu Rama te i tlawh em le?

awitei said...

A hmasa 3 khi chu i google nih loh pawn i edit...ti mai i lah.. :P

Thla i la thiam ka ti ve reng

Varte said...

Mizo inkhawmah khan kal ve ngei a, Pu Rama te inah chuan chaw ka ei bawk mawle. 28th Oct-ah ka rawn chhuk dawn.