Wednesday, September 02, 2009

Hatgachia Khua

Hnathawhna avang hian hmun hmuh miah loh tur te hi kan hmu leh hlawl thin, mahse hun rei hnua hnungna vei tur ringawta Office-a files khawih nilen ai chuan a nuam zawk fe ti ila ka daw lemlo ang. Thilthar engkim ka lâwm ti dawn ila, hla hluite hi ka hlutin ka ngaina ang lawi si a - Boruak tharlâm deuh han tawn zeuh zeuh hi a nuam tizawk mai teh ang. Niminah khân khaw thar, han tih lemah Kulkhut piantirh a ta awm tawh pawh ani mahna le, tlawhna hun ka neih hlauh a. (Sawithui loin thlalak han tarlang mai ila).

Hetiang Inhmun hi ka awt ve ani
A piah hi engtin tak chhungkhat ang maw
Leihlawn hi Lirthei in an zawh ka hmu
Pi leh Pute hunlai ami niawm tak ani
Sangha zawrh tur phur aniang
Thirsakawr neichin
Naupanlai ka hrechhuak zawk
Khaw tawntirh/daifem
Bengali ho insakdan diktak
Hmuh loh na a va han rei ta em
An khaw Sâmdala anih hmel mange

He thingtlang khua hi New Town/Rajarhat piah deuha awm niin an eizawnna ber, leilet a kut hnawthawh, chu tih riral deuh vek ani ber tawh a. Hmasâng ata an mahni chawmtu ber leh an kawtchhuah maia awm thin, leilet zau tak tak te kha, ah khân khawpui thar a ding luah tawh hlawm. Phal takin nge tih luihna avanga an hralh tih hi chhut tham fe ani - Tun hnai maia lâr Vedic Village pawh kha politician ho remtihna leh misual hmanga vauna hlaua, hralhlo theilo dinhmuna awmte chanchin hlirin a kat nuk si a.

An khaw sir mai
A piah leh deuh ah
New Town khaw thar chu
New Town kawngpui dung (Haw lam)
New Town kawngpui dung (Kal lam)
Kolkata Metro Rail/Flyover - An sak mek
Rajarhat kawngpui - Haw lampang
Rajarhat kawngpui -Kal lampang

Engle khawle khawpui thangzel chu dan rual ani siloa, mahse anlo thandan thuruk tenawm tak tak erawh zawng he khawvela kan awmchhung chuan hmuntin ah a tam hlein ka ring. Rurban Landscape diktak (Rural-Urban Landscape ah chuan ram ruak a inkârah a awm thin) piaha thingtlang khawnuam ve tak ka la hmutheia a lawmawm letling zawk. Tun atanga kum 5 hnuah kal leh ngat ilang chuan Hatgachia Khua hi a awm tawh meuhin ka ringlo, a hnuailam a ka thlalak târ ah khian chhunluh in a awm tawh ngei ang. A mi chengte hi hmuh ka inbeisei tawh loh rual rualin, engtin tak eizawng ang maw tih ka suangtuah nghal bawk. Khawvela mihring tam ber na dawttu he Ram ah hian engkim mai hi tihtheih niin thil tithei tute kut hian a va han ban thui tak em !!

15 comments:

Varte said...

A dik khawp mai, nileng lenga office a inkhung ai chuan khaw daifema han vah chhuah chu a nuam viau ang, i hlawkpui hmel phian leh nghal.

Hmun inhnai te ni-a lang dinhmun inthlau lutuk chu ngaihtuah a ti thui hle mai.

burgerstud2005 said...

Va nawm hmel..khi mi rural khi...khitiangah khian khawpui life ninawm lutuk tlanbo san hi a nuam ngawt ang....Ei tur keng teuh ila...

Vawiin chu Post Office ho an lo leng a,NREGA chungchang...Mizoram poh an trang ve khop mai.Tuna kan pu hi a strict lutuk a an ti a,nakin strict tho si,mahse fel deuh ka la rawn dah sak ang che u kan tih kha :)

Unknown said...

@ Varte: Ka hlawkpui in nuam ka ti khawp mai. Ngaihtuah pawh a ti thui bawk, engtin tak nungchho zel ang maw. An inhmun hralh mahse engzah tak chang ang maw ka ti mai mai.

@burgerstud2005: Kan lengchhuak fo reng alawm, nuam ve deuh ani, boruak a thiangin hmun awl a tam si a.

NREG..lolzzzz...tunge maw rawn leng reng reng le ?? Postmaster i lo fuihpawrh lehnghal eloa..Lolzzzz...'Strict' tih hian kawng tamtak a kawk asin, kan Lal Joseph a mai mai chu a lo inti thu ve viau eloa (Funny considering his records in mainland India)....???

vana said...

A nawm hmel- ti leh tawp mai ang. Zin hrim hrim hi nuam ti mi kan ni tlat pek a :).

Unknown said...

Thlalak i thiam hle mai.

Hmasawnna kan tih hi mi retheite tan chuan mi hausa thuhnuaia thuk zawka intukluhna a ni ve fo. I thingtlang khaw tlawh pawh khi hun rei lo teah chuan mi hausate rorelna leh tuallenna hmun a ni dawn chiang khawp mai.

Pi leh pu atanga mahni leileta hnathawka ei hmu thin khan, mi hausate vin tuar tuarhna hnuaiah ei an zawng tawh dawn niin a lang.

Sekibuhchhuak said...

Thlak ho chu hmuhnawm hlawm ee!

Ram thanglai ho-ah hian, eirukna te hi a nasa em ni chu aw ka ti fo thin. Tin, khawpui hi an lian tial tial zel a, khawpuiah mi an insawn lut zel a; nakin lawkah chuan heng thingtlang khaw tam tak hi chu, i sawi nag dueh khian, khawpuiah a la chang vek dawn anih hmel khawp mai. hei hi kan awmna lamah pawh hian ani chiah mai !

virgochhas said...

Vedic Village ah an in that tih etc ka chhiar...

pic i dah te, mit a thip...ka tlik zel hman bawk si lo...

i inhmun awh ang type hi keipawh ka awt....in hma leh hnung lam a kawt zau neih hi ka chak ngawih2 chi ish-style

Mizohican said...

A nawm hmel khi... mahse kulkhut tawh phawt hi chu... rilru ah humidity a rawn lang nghal :-) Nia, tianga chhuah vel fo te pawh hi a thra. Hatgachia ho chu an chhia hlawm em? :P Hatkora a tam em? :D

avena said...

"a hnuailam a ka thlalak târ ah khian chhunluh in a awm tawh ngei ang."

he thil i rawn sawi hi ka hre thiam ve lo nge ni aw..hemi i ziahna hnuai lam kan en kual vel a thlalak pakhat mah a awm bawk si lova...i thlalak tarna chu hemi chung lam pang ah hlir ani sia...nge ni fiamthu thiam ngang hi inia i fiamthu ka lo man pha lo pek ni aw...!!

I rawn sawi lan zuai. office a thut ngawt ai chuan field-inspection chu a nuam zawk i tih hi ka AMEN pui khawp mai che...a theih leh rem chan dan ang ang a field level a inspection a chhuah vel hi kei pawh a nuam ka ti daih zawk ..office a file leh rules book vel keu kual keu kual ai chuan hihihi....vairam ah hian amak ka tih ve deuh thin chu hmun inhnaih em em si ..an thingtlang khua leh khawpui a mihring nun dan inthlau/in ang lo lutuk thin hi chu awwwwww...

Unknown said...

@vana: A nuam khawp mai, nuam ka ti bawk aniang khawlum kha ka hre chang miahlo lehpek a :D

@fela: Pu Fela, i va ti lawmawm ve :)
Khawvel kalphung pangai ve mai a niin ka hria. Nakin deuha chuan he khaw mipui te hi in ropui tak taka awmte hian tirkah/chhiahhlawh atan an la hmang ngei ang. Kan Maid hmanlai pawh hi 'Rail Kawng' siam avanga an hnawhchhuah, mahse 'Kawmpensation' hmu talo anni ngei e.

@Sekibuhchhuak: I China Ram thlalak te kha awlawm hmuhnawm zawk chu le :) 'Urbanization' hi PG ah khan Paper khat niin kan zir ve a, rawm thangmek ah chuan khitiang deuh vek niin an ziak. Khawthlang ramah chuan an pun tak tak hma in ram thar ah an pem diak a, changkan na in a bawhzui lehnghal si a, tlemin a dang deuh hlek an ti bawk.

@virgochhas: Lo tlik hram hram la mawle, mahse le Laptop ah hian tlik na a awm em aw :D Nia, khitianga hmalam leh hnunglam a hmuruak awm khi India rama nei zo tur chuan hausak hle a ngai ang. Vedic Village a 'Farm House' leita te khan an nei nuamin a changkang hlawm khawp mai - Mi sum neive te ti mai ang, in Pa hnenah ngen ve tlur tlur m,ai rawh :)

@illusionaire: Kulkhut, ilo seilenna hi, a nuam em em hranlo mahse khi khua khian a nawmloh zia min theihnghilh tir..Lolzzzz...Mumbai a vaichhe ho ai chuan Hatgachia khua chu an tha deuh, Hatkora hi Kulkhut ah a kawr ro chiah a awmin ka hria :D

@avena: A hnuailam a khawpui ah khian chhunluh in an awm ang ka tihna mawle. Thiruvanmiyyur, Adiyar piaha awm, pawh tunah chuan Chhe-nai khawpui chhung tak tak anih tawh ang hian..Lolzzzz..
Office hi a chang chuan ninawm deuh mai ani, thilthar hmutur leh thawveng deuha awm duh chuan khawpan a 'Inspection' neih ani mai. Vairam chang ani hleinem le, Durtlang leh Bawngkawn pawh an in changkan hleih alawm..he he he...Tak takah a mak khawp mai. An khua ka luh phat atang khan bawng-ek rim a nma nghal, Vaichhia leh Vaitha inkar hi Lei leh Vân inkar aiin a hla maithei, hmuhtheih miah loh thildang tamtak a tam em mai.

Unknown said...

He thingtlang khua hi em ni, kan inhnial min hneh lo vang a i zahzelin ,"Thingtlangah ka kal dawn", i tih kha? Nawm hmel hle mai.

awitei said...

Tunlai chu ka thil comment peih lo ltk hi..LK ang hian duh zawng deuh hi vote theih tawp se ka ti thrin..:)

"An khaw Sâmdala anih hmel mange" khi thlalak khian lung ti leng tops..
I hmeh peih ve hmel :)

Unknown said...

@che: Ni ang chu mawle, a nuam ka ti hle tak asin. I sawi kha a dik tlata ka hnial peih ta lemlo che alawm - 'Vai' hi 'Vâii' ti a lam chuan a inrem thlap :D

@toy_soldier: Lolzzz....Hei i comment hrâma ka lawm takzet ani :) Thlalak chu ka hmet peih khawp mai, Pawl 11 ka zirlai atang tawha ka thil peih ve tak mahse reife ka chawlhsan hnua ti thar leh ka ni e.

zama (fonz) said...

va nalh hlawm ve a..kal ve te poh a chakawm e a.
Fonzc

Unknown said...

@DylanSailo: Teh khiah che chuan, i rawn lenglut a ka lawm khawp mai. En aiin a nuam asin :)