Friday, April 24, 2009

Aizawl Diary: Inchawina Hmunpui

Aizawl han chuankâi meuh chu boruak a lo thiangin a lo dâi nuam bik khawp mai !! Zothlifim han dawn heuh heuh hnuphei chuan phairam lum leh uap churh a ngaihawm loh khawp mai bawk a. Zan lam lek phei chu tihthan loh em em, hritlân hlauh vâng leh vawt tih avângin, puanlum sin deuh hlun a ngai leh thin. Ka lo kalna Kulkhut nen chuan Hremhmun leh Vânram tehkhin tum ang deuh niberin ka hria.

Mahse tuktin chawhma pel thak thaka chhuah a han ngaih meuh chuan, "Aizawl Khawpuia thil dangdai deuh hmuh châkna kha" rilrua ah a lo lang ta tlata. Han len khawthawn tum deuh apianga Chaltlâng/Ramhlun kawngpui zawh phei purh leh Zârkawt kawngdung, phairam ang maia tawt, hmuh fo kha ka peih tawh bawk siloa - Heng kawtthlerah te hian hmuhnawm ti em ema han kalna chhantur ka hre em em lo bawk ani !! Berawtlâng leh Ripans lah, nuam hle mahse, duhtakte tello chuan ka tân engtihna mah ani bawk siloa. Zan lamah lâh thawm riva a reh hma avangin LPS leh Zonet a hla thlante thlir leh tlawk tlawk kha hnapui ber ani leh maia.

Vanneihthlâk takin unaupa in thil dangdai deuh awmna hmun min hrilh hlauha, mit ngeia hmuh ve ka châk rilru ta tlat mai a. Engdang nilo in Arpa Insualtirna leh Sum Inchawina Hmuna hmelhmang han lantir thu mai ani. Mahse naupanlai atanga thil hmuhnawm ka tih pawl anih avangin kal châkin ka za zek zek thunga. Police ten an khap tih ka hriat atang lek phei chuan hmuloa Kulkhut kir leh ka tum ta lo bur a. Chawlhni Inkhawm bân hnua tan thin ani bawka, thilsual ti em emah ka in ngailo phawt bawk.

A ni chu a rawn thleng ta ngeia, mahse Zemabawk lamah hna tul ka neih avangin kal hmasak phawt a ngaia. Hmanhmawh taka ka tihtur ka tihzawh hnuah Bawngkawn, Helipad lam panin kan tlânchho ta nghal vat a. A ruka thilti anni bawka a hmun pawh rinai takin a lo biru a - Thui fe kan lawn chhoh hnuah pal hungna chhe fâ bulah kan ding ta a. Amaherawhchu, a hun an lo thlâk daih niin - Chawlhni nilo in Inrinni ah an lo sawn daih tawh hi a lo ni a !!

Eng titih in emawni a hmun neitupa a biak lumlâm theih hram a - Kan han lût chiah chu 'Luhman' an khawn thin niawm tak ani, dawhkân leh thing thutthlengsei pahnih ka hmu tlata. Mipakhatah Cheng 10 zel pêk angai thin tiin thu ka dawnga, a tlângpuiin mi 200 vel pûngkhawm thina sawi ani bawk. Heng sum tlingkhawm hi In neitupa in a hmun a pêk avângin a huikhawm vek bawk. Rawn pûngkhawmte hi Zârkawt mihausa te anni tlângpui in, mahni Arpa theuh an rawn chhawm bawk.

Mahni Arpa theuh kha, bawm an siamah Cheng 50 chawiin an khung phawta, tichuan inchona chu tan ani thin. Incho tanna hi a sâng khawpin an sawia, Cheng 50,000 atanga tiamchin awmlo thlenga tihsân theihzel anni. Arpa neitute theuh, thutna hmunbik an siamah an thutfel hnuah, insualna hi tan ani thin bawk. Ka tehkhin ber chu Gladiator Film a Arena an siam kha ani, mahse a danglamna chu darkâr chanve Arpa te hian hâhchawlhna hun an nei. A entute pawn an tan lam lamah sum an dâhkham theia, mahse an Arpa te an inhneh tawk chuan mahni sum theuh an lakir thei thung. Police te pawn ngaihkhat ah ngaiin lehlam an hawisan mai ani awm bawk.

Arpa te hi a tlângpuiin Burma arpa sual huai - Vângnu leh Taichiat anni. Intihhlimna mak dangdai tak leh sum vawrhvirna turu tak niin ka hria. A taka ka hmuh theihloh erawhchu pawi ka ti hle. Engtin tak ran nghaisa duhlo pawl leh Sawrkarin ngâi ang maw, Chawlhkâr tina huaihawt ani bawk si a !!


A luhna
Luhman pêkna
Arpa dahna bawm
An insual tir na (Thisen a la kâi nengnung)
Vângnu (Arpa sual huai)
Taichiat (Arpa sual huai)

26 comments:

Naupang^Fel said...

Interesting! An sawi chu ka hre tawh a, mahse khi tiang in sum an vawrh vir nasa ang ti ka lo ring pha lo nasa. Aizawl ho hi an lo hausa hle mai ka ti ta!

Live a han en ve chu chakawm hle mai shala.. Vanneih deuh chuan a hausak thur thur theih don nih khi.

Clayton Dolién said...

va thra ve, LK lamah rawn vawm bei teh... PETA/ POTA whateva, Mizorama awmte pohin anngaihven hle a nih hi, an chhui chiang thei si lo. I reh khawp mai, Aizawl kalte kha min rawn hrilh ve iam iam tur che nia... thingpui sen hang ilo kan lo inpui tur che a

Unknown said...

@Naupang^Fel: Nia, keipawh ka rinai daihin sum an vawrhvir nasa. Aizawl zawng sum an lo ngah hlawm khawp mai - Patlinga pumpa tawh phawt chuan 'Nuaih' hi an sawi ri reng mai. Live a en chi keipawh ka châk khawp mai, mahse han hausak thur na tham sum ka kawl lo tlat :D

@dolién: Ka rawn vawmbei chuan rikrum thil a thlen mai ka hlau bawk si. Aizawl ka rawn kal chu tihtur neia rawn kal ka ni bawka ka hmanlo khawp asin. A lehpeka thingpui sen hâng leh kurtai chu kan ti mai dawn nia - Tuna min sawmna hi ka rawn ring nghal mai ange :D

Varte said...

E khai, hei chu thisen rim a va nam ve.. an inchawina a sang tham bawk si, nakin lawkah BUAINA LIAN THAM a chhuak ang tih a va hlauhawm ve.

Mi hausate tualchaina hmun chu a va ningnel ang reng lawi si tihte ka ngaihtuah a, an sum thap a san ang aiin a hmun lah chu a ho angreng bawk si. He hla hi ka ngaihtuah chhuak.

"Hausa riltam an ni, puar tih reng an nei lo"

avena said...

ar insual tir te chu naupan lai a tih tur alawm...patlingpui in ar insual tir lo buaipui te chu maw le hahahaha....."vangnu" i tih ang ar khi ka la hmuh awm ka hre miah lo nia...

awitei said...

I reh em2 ka tia..i lo han ho daih vang nih hi..:)

Keipek tiang in chawi sang pui2 hi ka hriat hlimin mak ti ki mai2..an khongaih thlak awm bawk nen..

Sum hi kan lo harsa em2 lo niang:D

alexxfender said...

I va han hawkdak daw daw tak...
Kei chu Ar insual hi a hmuhnawm na pakhat mah ka hre ve lo a, ka naupan lai pawh in ar hi ka pawm ngai lo a.. ka insual tir ngai bawk lo a.. ka lawm bawk lo a... mahse ka vulh ve thrin.. ar note keu tir hi ka duh thei viau...
Artui leh Arsa ka duh viau bawk.. ka lawm e..

Unknown said...

Ka naupan lai hian kan thenawm lawk huan zau tak tlangsam bukin a hual vekna ah hian ar insual tir ain thamna, a rukin a siam thin a ka en ve fo thin. Ar sual hui chi hi Taichiat choh hi ahming ka hria a, chi hrang hrang a awm tih chu ka hria a,a hmuh pawh ka hmu kim ve thawkhat an a hming lam hi ka lo chhinchiah hlei lo a. An inthamna sum pawh hi atha hnem thei khawp mai. Police lu lam hi sum an pe a, man an tawk nagi meuh lo.

luliana said...

An pawisa inchawi zat hi fiamthu mai mai emaw ka tia ka lo awih tha duh chiah lova...a chuangliam an nei ve nil nial tihna a ni maw :D

Taka, Aizawl haw hi a tir te bak hi a nuam lo...kar khat han awm hnu chuan a ninawm ka ti ngawih ngawih..

Unknown said...

@Avena: Ar insualte zawng a hmuhnawm teh alawm. Vângnu tih hi keipawh khita ka hriatchawp ve tho ani e.

@Varte: Nia, Ka rin angin a pui lemlo khawp asin. "Hausa riltam an ni, puar tih reng an nei lo"..Lolzzz..

@T_S: Ni e mawle, In veng kha nuam ka ti khawp asin. Aizawlah khian 'Nuaih' tih tawngkam hi an hmang nasa teh ania.

@ALEXXfender: Hetiang hi ka la hmuh ngai loh avanga ka vah daw daw ni :)) Arpa hi i la vulh thanglo ani maw, Mahni bial humhimin an insual reng asin - Insualtir an ngai lo. Vai hoin bawnghnute an in teuha mahse bawngsa an ei ngailo tak e :D

@Che $ Luliana: Teh hlawl chuan, inlo lenglut duha ka lawm e. Inchawi hi chu khawvel kalphung ve mai ani. 'Influential People' an awm tawh hi chuan engkim an tân thil a kal tluang zel e.

vana said...

ekhai a bengvar thlak hle mai, an insual tir thin tih chu ka hre ve tawh a, thiante tawngkam atangin ka hre nual, hase hetiang ang em em hian an lo in tel khawm tha ang tih ngaihna ka hre hauh lo. Insual tur hrim hrim a ar han vulh chu..mahse ei atan mah kan vulh a.
An insual zawh hian an chau an thi mai thin.. an khawngaihthlak hle mai. PETA Mizoram hian ui chauh an tij ka hria, uisa dawr, ui phurh.. etc an vei viau. Pawisa in chawitir a ran insual tir chu danin a khap si chuan a va thalo ve mawle

Puia said...

I Aizawl han hawng chu, a thawm pawh a ring khawp mai. Pa ropui tih takah a thangkhawk ri pawh a na khawp mai..:)

Ar insualtir sawi takah chuan naupan lai chuan ka hrat ve khawp mai. Mahse Arpa hi ka nei huai vak ngai lo va. A chhan chu ka nu hian mi tuipui loh lutuk avangin Arpa huai chi (Pic a mi ang) hi min vulh sak duh tlat lo va. Kan Arpa chhiarkhuan Mizo Ar pangngai ang kha ka pawm ve lauh lauh thin a, a tlawm hma thin khawp mai.. Sakei sa pekin an huai duh te an ti a. Kan han zawng nasa thin khawp a, sakei sa a lo vang hle mai thin si a, a awm a sen larh hian a huai duh an ti leh a, ka pawt fai a, a sen nan hriat te ka han chulh chamchi a, Mahse a huai thei chuang lo va, a malpui ka han ti leh , a huai thei chuang lo va. Insual chi hi an lo awm chiang khawp mai tih min hriatthiam tir ta zawk..:)

chhangte_ll said...

hmmmm

virgochhas said...

rapthlak ka ti

Geminiboyz said...

A hmun a en ve chi a nih khi. Sum an lova'n ngahmai2 ve, Arpa insual tir nan mai2 khitiang zat khi an seng phal a nia... An AR man pawh khi a to ngawt lo maw?

Unknown said...

@Che: I lo leng lut a a lawmawm e. Nimin lam ka lut theih hlek lo a. Nia, a sa ei nge ei loa insualtir hi thazawk tiha keipawh ka buai.

@Pui: Mai mai che chua :) Naupanlai chuan keipawh ka hrât khawp mai. Arpa chuanghlai chi hi chu an dawih khawp mai. Peih lah an peih reilo. Taichiat kan nei thina, a huai khawp mai - Mahse insual tir zawha reitak kan enkawl thin. Ka thianpa hian Ramar thalh a nei thina, mahse hmunhnawk lo ah chuan a huai lemlo thin khawp mai.

@virgochhas: A ti ngailo leh hmu ngailo tân chuan ani maithei. Bawng leh Lawi pawh an insik tir fo alawm. Ui tamtak - Mastiff, Pit Bull, Boxer ang te - insual tir tura inthlahpawlh tir anni alawm.

@Geminiboyz: Arap te khi a man a to ngawt ang, ka hre bik chiahlo.

burgerstud2005 said...

A rukin i lo kal trawt a,Duhzualan Mafaka a lo kal a a ti a.Sherry tih te kha ka chhaih a.A nuih a za lutuk.

I tlawh chikim hle mai.Aizawl awm lai chu ni se hmuh i chakawm khop asin le.Dinner te kan han ei ho tur...te ti ngawt ila...duhzuala te nen tal poh.

zhb said...

Hello chhangte_II
I'm no squeamish new age vegan but what amazes me is the thought of attending a blood sport after church.
You can tell a household by the cleanliness of its bathroom and kitchen; you can tell a society by the way it treats animals.
All those dogs bound up with empty tin cans as muzzles to end up as uisa. It is so unnecessary. We aren't a starving society that must resort to eating every creature that we can lay our hands on. We're bordering on what one could describe as 'rawng'.

Aloha, may peace and joy be to all as he who lived by the sword shall die by the sword...
These are your own words.

zhb said...

When Elephants Weep: The Emotional Lives of Animals
(Jeffrey Moussaieff Masson)

Unknown said...

@burgerstud2005: Duhzuala chu ka han tlawh ngei alawm. Sawta pawh phone in kan inbia, mahse a duty a la rawn hawng lo a kan inhmu ta lo. Ka rawn kal leh chuan hnatul ka ngah tawh lo anga, kan inhmu ngei ang chu :)

@zhb: I prefer Mizo to English in my blog, knowing fully well that it's your Mother-Tongue. If people are Non-Vegetarian, so be it - it's their business. The same goes for the above post. I'm not trying to glorify it nor condemn it, but I am merely reporting it as it is. Whether it should be condone or condemn is a realm for the Authorities and the people living in Aizawl.

"Aloha, may peace and joy be to all as he who lived by the sword shall die by the sword..." - That's my Principle till date, and a passage from the I love from the Bible. By the way I am not a Pharisees but, "Aquarian, Simple, Inquisitive, and Fun Loving - Love Discussions on any Topic" - C'est moi.

Unknown said...

"and a passage from the I love from the Bible" - read, " It's a passage that I love from the Bible".

zhb said...

chhangte_II,
You've missed the point.
I'm not arguing the pros and cons of non vegetarianism. I'm referring to
i) the contradictions of heading off to watch a rather painful and bloody activity for one's own voyeuristic pleasure after attending a church service
ii) having as a header a quotation that speaks of love, goodwill and warns against violence AND THEN advertising blood sport in your blog.

Also. as a functionary of the government it is your duty to report/ to stop any activities that are banned by the government.

Sincere apologies for posting in saptawng again but as a believer do forgive my trespass. This is the last you'll hear from me. :)

Unknown said...

@Zhb: I'm at Liberty to do whatsoever that I wanted to do on Sunday afternoon - I'm not exactly strutting around with 'Holier-Than-Thou' attitude, of course that excludes you. Nor do I see any connection, even in the remotest sense, between the word 'Voyeuristic' and the above story; so be kind enough to look up at the Dictionary again.

If you've an inkling, even the slightest, that I'm advertising this 'Blood Sport (as per your word)' then you are way off the mark - I'm only reporting my sojourn in Aizawl. As far as reporting to the Government is concerned 'I'm right behind you (A responsible citizen) now that you have the entire story right before your eyes'.

alexxfender said...

Ka pu i blog ah hian thlalak.com link i dah dik lo..

Unknown said...

@ALEXXfender: Hmanni khân ka dah ve ngawta, ka siamtha e. Ka lawm e :)

avena said...

Ar insual tir chanchin kan va chhiar rei tawh ve..vawk insual tir chanchin chhiar a chakawm tawh kher mai a :D