March thlatir khân tum loh deuh maiin Delhi ka zu chuang chhuak leh ngawt peka - Tuntum chu West Bengal Circle a kan hotunu ber 'Contempt of Court' vanga 'Arrest Warrant' pek theih mai anih vanga min kaltir ani e. 'Consumer Forum Case' anih avangin 'Supreme Court' lam nilo deuh 'Patiala House Court' lamah ka tuan thunga. "India Gate hmuh a khât tawh bawka a ziaawm dawn hi kan ti deuh a", mahse a rei tual tuala Lawyer pa hmel kha kan hne nghal pang a.
Mahse vanneihthlâk takin ka sulhnu hlui chhuikir thei turin hunawl ka neih hlauh maia - Metro te Mall Road a lo thleng ve tawh bawk nen (Ka chhuahsan dawn khân an ti tan eih eih kha ania). Tichuan kan va thlengphei ta ngeia, Mall Road pawh a hmel alo danglam ta hle mai. Amaherawhchu DU Campus chhûng tak chu englem a danglam tehchiamna ka hmu lem hleilo a. Hindu/St. Stephen's/Ramjas/Delhi School of Economics/KMC in rina kawng phei chu a lo tlahniam tawh hle zawk a.
Ka hmuh châk ber Kirori Mal College leh Hostel kan thleng phei chu ka rilrua ah, "Bihari pâ, Namo kan tih mai, leh a tehawm pâ Bangladesh mi in ngeihlo lutuk thin - An insual thelh ngai ziah kha" a rawn lang hmasa ber a. A dawta, "Kennedy Singh-a, Metei, zai thiamlo zet mai ina corridor pheia 'ISwear, I Swear....' (A bâk hrelo chu) a ti chuai raih raih lai te" leh "Kan cook huaisen zet Mahesh-a, Uttarakhand mi, in thlenga Jat palian zet, ka thianpa ni bawk, Kadian-an a hnekna lo indan zar zar vanga thleng a kawih chhiat vek te" kha ka ngaihtuah let a, a rukin ka khi phei vur vur a. Thawveng hlir awmkhawm kan ni bawka kan lo hoin kan lo hlimtlâng thei thin ngawtin ka hria - A bik takin Mess Secretary in chawhmeh a tih tuiloh emaw, a tih tui deuha 'Mess Bill 'tam vanga General Body Meeting hma a Voucher/Challan a mal te te a a chhiarchhuah lauh lauh lai te kha aw !! Hostel Warden lah rawn lut tha ngam bawk lo, a lo va han thulo mai mai tak e aw - Kan luhchilh fo lehnghala, mahse mamawh ni kha chuan nui sângin !!
Pawi ka tih deuh mai chu kan football field, nitina kan lo khelh ve na thin, kha Commonwealth Games thlen an tum avanga an lo tihchhiat vek khân ka rilru a tina hle mai. Hostel-a awmten Mauritius ho kan khelhpui apianga, "Corner tih aia 'koniak, Koniak' " antih thinte, Concert en a kan lâm mup mup lâi te, leh Inter-College Basketball a mahni College theuh tana kan au chel chul lâi te kha a ri lawn leh tawh ngai tawh dawn loh avangin. Kan kumtin 'Annual Ritual' - Ramjas Hostel a N-E mi leh Bihari ho - Exam hnai tawh si mahse kumtluana chhiar talo mangang insual buai va thelh ngai ziah te kha chu anla ti em ang chu. Hemite hi an turu thin riau alawm, Warden in Film thalo chhuah awih tawh loh a ti vei khanglanga - A kawt a full volume in an chhuah siah tak kha mawle. A sim hminhmak an ti bawk !! An thingpui zuarpa lah an batral sak deuhthawh reng nen !!
Ho viau hlawm e tilo chuan khâng kan zirpuite kha tunah chuan an puitling tawh hlawm khawp mai. Hna puitling deuh deuh thawkin nupui fanau annei deuh vek tawh e. Ka zirpui Premchand Meena pawh India Railways Account Service hmui in a awm tawh nghe nghe. English kha a va han thiamlo ve tak e aw - Hindi/English Dictionary nen notes kha a siam ve tlauh tlauh thina. Hmangaihna lâh kha anla na em em khawpa - Kan classmate, Delhi mi leh a duh em em, kha biahthu a thisen ngatin zuk ziak vel a, an inneih phah chuang tawp silo !! Rajiv Roka, Sikkimese mi, thawveng fâ thin pawh kha tunah chuan Gangtok ah B.Ed zirtirtu zuk ni ve rân tawha. Arunachal ho kha chu, an ram a la changkâng lo bawka, an zawh rualin hna an hmu zel a. Thianpa 'Chhotu Ram' a pawn DU a Lecturer hna a thawk tawh bawk a - Ani kha chu a inla serious ve thei khawp mai. 'Cool' hi antum ve thei khawpa, mahse nula pakhat lakah tih loh chuan - A hming chu sawilo mai ang..he he he. Bihari ho kha an inziak tling deuh vek a, Jat ho kha chu l'Farming' lamah an lut deuh vek thung.
PG ah pawh khan kan la ho reng nachungin kan ziaawm deuh hlek tawh zawk. Mizo paruk lâi kan awma - Thawhlehni, sa hmeh loh ni, a sa man chawitur kha Carrom Board khelin Inrinni ah kan chingfel tlângpui thin. 'Pui Dula Renthlei 'of Lunglei a ngaihawm thin khawp mai,"Sawhthing an zai dip" hla, ama phhuah ngei, guitar nena an perh thin kha chu 'Mizo Blues' diktak ani ve ngawtin ka hre thin. "Nunhlui te ngaiin ka au ruai" han ti em tur chuan tunah hian ka hlim zawh mahin ka inhre si a chuvangin - Khâng hunlai boruak, engto neih miah loh lâi, mualliam ta hi a ngaihawm ve thin khawp mai tiin kan tlip mai ange.
Mahse vanneihthlâk takin ka sulhnu hlui chhuikir thei turin hunawl ka neih hlauh maia - Metro te Mall Road a lo thleng ve tawh bawk nen (Ka chhuahsan dawn khân an ti tan eih eih kha ania). Tichuan kan va thlengphei ta ngeia, Mall Road pawh a hmel alo danglam ta hle mai. Amaherawhchu DU Campus chhûng tak chu englem a danglam tehchiamna ka hmu lem hleilo a. Hindu/St. Stephen's/Ramjas/Delhi School of Economics/KMC in rina kawng phei chu a lo tlahniam tawh hle zawk a.
Ka hmuh châk ber Kirori Mal College leh Hostel kan thleng phei chu ka rilrua ah, "Bihari pâ, Namo kan tih mai, leh a tehawm pâ Bangladesh mi in ngeihlo lutuk thin - An insual thelh ngai ziah kha" a rawn lang hmasa ber a. A dawta, "Kennedy Singh-a, Metei, zai thiamlo zet mai ina corridor pheia 'ISwear, I Swear....' (A bâk hrelo chu) a ti chuai raih raih lai te" leh "Kan cook huaisen zet Mahesh-a, Uttarakhand mi, in thlenga Jat palian zet, ka thianpa ni bawk, Kadian-an a hnekna lo indan zar zar vanga thleng a kawih chhiat vek te" kha ka ngaihtuah let a, a rukin ka khi phei vur vur a. Thawveng hlir awmkhawm kan ni bawka kan lo hoin kan lo hlimtlâng thei thin ngawtin ka hria - A bik takin Mess Secretary in chawhmeh a tih tuiloh emaw, a tih tui deuha 'Mess Bill 'tam vanga General Body Meeting hma a Voucher/Challan a mal te te a a chhiarchhuah lauh lauh lai te kha aw !! Hostel Warden lah rawn lut tha ngam bawk lo, a lo va han thulo mai mai tak e aw - Kan luhchilh fo lehnghala, mahse mamawh ni kha chuan nui sângin !!
Pawi ka tih deuh mai chu kan football field, nitina kan lo khelh ve na thin, kha Commonwealth Games thlen an tum avanga an lo tihchhiat vek khân ka rilru a tina hle mai. Hostel-a awmten Mauritius ho kan khelhpui apianga, "Corner tih aia 'koniak, Koniak' " antih thinte, Concert en a kan lâm mup mup lâi te, leh Inter-College Basketball a mahni College theuh tana kan au chel chul lâi te kha a ri lawn leh tawh ngai tawh dawn loh avangin. Kan kumtin 'Annual Ritual' - Ramjas Hostel a N-E mi leh Bihari ho - Exam hnai tawh si mahse kumtluana chhiar talo mangang insual buai va thelh ngai ziah te kha chu anla ti em ang chu. Hemite hi an turu thin riau alawm, Warden in Film thalo chhuah awih tawh loh a ti vei khanglanga - A kawt a full volume in an chhuah siah tak kha mawle. A sim hminhmak an ti bawk !! An thingpui zuarpa lah an batral sak deuhthawh reng nen !!
Ho viau hlawm e tilo chuan khâng kan zirpuite kha tunah chuan an puitling tawh hlawm khawp mai. Hna puitling deuh deuh thawkin nupui fanau annei deuh vek tawh e. Ka zirpui Premchand Meena pawh India Railways Account Service hmui in a awm tawh nghe nghe. English kha a va han thiamlo ve tak e aw - Hindi/English Dictionary nen notes kha a siam ve tlauh tlauh thina. Hmangaihna lâh kha anla na em em khawpa - Kan classmate, Delhi mi leh a duh em em, kha biahthu a thisen ngatin zuk ziak vel a, an inneih phah chuang tawp silo !! Rajiv Roka, Sikkimese mi, thawveng fâ thin pawh kha tunah chuan Gangtok ah B.Ed zirtirtu zuk ni ve rân tawha. Arunachal ho kha chu, an ram a la changkâng lo bawka, an zawh rualin hna an hmu zel a. Thianpa 'Chhotu Ram' a pawn DU a Lecturer hna a thawk tawh bawk a - Ani kha chu a inla serious ve thei khawp mai. 'Cool' hi antum ve thei khawpa, mahse nula pakhat lakah tih loh chuan - A hming chu sawilo mai ang..he he he. Bihari ho kha an inziak tling deuh vek a, Jat ho kha chu l'Farming' lamah an lut deuh vek thung.
PG ah pawh khan kan la ho reng nachungin kan ziaawm deuh hlek tawh zawk. Mizo paruk lâi kan awma - Thawhlehni, sa hmeh loh ni, a sa man chawitur kha Carrom Board khelin Inrinni ah kan chingfel tlângpui thin. 'Pui Dula Renthlei 'of Lunglei a ngaihawm thin khawp mai,"Sawhthing an zai dip" hla, ama phhuah ngei, guitar nena an perh thin kha chu 'Mizo Blues' diktak ani ve ngawtin ka hre thin. "Nunhlui te ngaiin ka au ruai" han ti em tur chuan tunah hian ka hlim zawh mahin ka inhre si a chuvangin - Khâng hunlai boruak, engto neih miah loh lâi, mualliam ta hi a ngaihawm ve thin khawp mai tiin kan tlip mai ange.
KMC luhna (kan hmang meuhlo)
KMC Hostel
KMC leh Kamla Nagar kalpawhna
Chawlhlawk laia kan thutna thin 
Delhi School of Economics, PG ka zirna
PG Men's Hostel kawt
University of Delhi, Administrative Building luhna pakhat
16 comments:
PG a hostel free deuh mai a han awm chu a hnu pawh in a ngaihawm duh reng asin!! NEHU ah te phei kha chuan warden in kum khat ah vawi khat mah tlawh loh chang te a nei ania..a khat tawk in ui an talh a kan eikhawm reng mai maw le..!!mahse PG ka zir zawh hnu ah vawi khat mah kan hostel ah ka la kal leh lo, hun chu awm se la kal leh chhin ka chak khawp mai..zan ah guiter chhe tawk nen a kan zai khawm thap thap lai te ka hre chhuak fo thin. kum in rual tlang leh titi in rual tlang deuh han awm khawm chu alo nuam ani ange..a hming a hna han thawh hnu hi chuan thian chhar thar a har tawh em mai!!
mavawna te cricket ball liam chhar na hmun te lungleng deuh in ila tlawh thei a i fakawm ka ti hle mai :))
@avena: Nia, a lo nuam thei thin tih hi tun hnuah kan hre leh hnuhnawh duh khawp mai. Hun i neih chuan va tlawh ve rawh, keipawh min lo la hre khawp mai mawle - Chanchin ngah ve pawl tih takah :)
Bahvawna nen kan inkawm ngai meuhlo. Hostel khum in, a sei lutuka a, a tlinlo tih chu kan hrilh zauh ang che. Chhotur Ram a roomah Rema leh Chhandama inhnial nasa lutuk pawh - Daidep hi pakhatin Laiking an ti, pakhatin Daidep an ti - zing dâr 3:30 velah a neitupa mutchhuak lutukin, "Bang Awle" kan ti an ti meuh chuan an nui ham ham a, an mu thei chauh mawle.
Ekhai, a ngaihnawm hle mai. Delhi lo chulnel ve hman viau tawh tan phei chuan a lunglenthlak lehzual awm e. Kum 2001 vel te kha chuan DU bul velah nula rimin kan hman hlel hle tawh thin kha a nia..:)
Kum 2006 kha ni tain ka hria. Kan thiannu pakhat hian zanlai dar 2 velah hian rawn leng ngei ngei rawh, naktuk hi hawng dawn sia, a ti tlat pek a.. House rawn phone mai kha a ni a, a mobile number lah lo zawh nachang hre hek lo.. House atang chuan ka han chhuak ngawt pek a, taxi nen chuan DU lam panin Vijay Nagar lam chu ka pan ta ngar ngar a.. address hre bawk si lo, phone number hre bawk si lo chu, an awmna lai vel nia ka hriat DU campus vel kha ka hel ka hel mai a.. a va buaithlak chiang em.. darkar 2 vel ka vakual hnuah Cyber cafe atanga rawn chhuak mi pakhat ka zawt, Mizo a lo ni hlauh pek. Ka va lawm em.. tichuan reilo te ka thut hnuah Airport lam pan a ngai ta zui.. DU sawi takah chuan he thil hi ka hriatreng tur thil pakhat chu a ni dawn a ni.
ka chhuahsan atanga kum 6 na ah Pune ka zuk fang leh zuai a... a lo danglam nasa hman viau!
@Pui: Ekhai, Va vâng thin ve. Vijaynaga chu i bo viau ang - Single leg Double Storey in an thenkual leh alawm. I Cyber Cafe sawi awmna hmun tur chu ka hrethiam mai. Airport i pan leh a - A va han hahthlak awm ve aw. Mahse Ridge Line atanga i tlânphei chuan a ziaawm deuh hlek ang.
@ALEXXfender: Pune ah chuan eng College chhuak nge maw i nih le ? Mizo an tam viauin an sawi thin asin. MIRC ah khân an tam thei thin khawpin ka hria - I han thu em em thin khawpa.
Nangma "down memory lane" chu a va ngaihnawm em em. Thil te pawh i la hre rei khawp mai chiang deuh deuhvin. i rawn describe dan reng reng te khi, up to the minutest detail deuh vek a nih khi, kan college kal lai te pawh min ti hre chhuak ve ngei e.
Ps. Hotupa, i thlalak zawng zawng te khi kawnglai a kal ho i hmeh tir vek a mi? :D
Pps. Hotupa Puia pawh khi zing dar 2 velah nula te Ina leng a hrat hmel! :D
@illussionaire: Ekhai, tu pawh chanchin ziah tur neilo chu kan vâng viau alawm mawle. I ziak ngaihnawm thiam zawk daih ang. College kal lâi hi a lo nuam ngawtin keipawh ka hria.
Boss,Thlalak te khi chu ka cuz, Delhi a awmin, min hmeh sak vek annni e :D
Hotupa Puia hian a kawng bo thu han zaik chipchiar deuh sel a ngaihnawm ngawt ang, ani hi Mizo tawng ziah ah chuan 'Tluk Loh Rim' a nam riau alawm .
Hmana tuanna tlang i fang leh a ni maw... i vannei hle mai, sulhnu hluite i fang thei a. Nunhlui ngai chuan au ruai lo mah la, Thinlai mu hnu lunglen chu a kaitho uai uai lo maw?
@Varte: Ka tum na chu a rei tawh asin, ka vannei chu a ni mai e. Thinlai mu hnu chu kaitho lo e :)
delhi ah ron zin a min pawh hrilh lo...mi pawh tloh duh lo...kan titau...
P.S: ka blog thar ah ka link che
@VC: ti tau mai lo e, tum lo deuh a kal ka ni alawm. Zing leh tlâi a Vai Lawyer kawm reng chu a ninawm duh teh mai ania - Hotunu pawh kha tâng mai mahse pawi ka ti tawhlo rum rum mawle :)
Ka lo thlawh phei tawh kha :)
A ngaihnawmin a bengvarthlak e. Tun tum chu hla thu lam i telh lo tlat mai - 'Lam ang ka lo let leh ta e Vala' tih te, 'Ka rawn fang leh hmana kan tuanna tlang' tih te kha i rawn chham kur dup ang chu tih nak a laiin...
Zirlai nih hun lai vel kha a nuam ve thei, enge maw la ni ve dawn tlata inhriat hun kha a nia, ngaihsan em em pawh kan nei bik lem lo va. Hostel life hi sawi tur a tam duh zual.
Hman deuh khan Pachhunga College Golden Jubilee lawmnaah ka thian zahovin kan zu tel ve a. 'Saw, Principal a lo kal' tia hlauh tur a awm toh lo bawk a, tih vang hrim hrimin a kawttualah mei kan pak khu talh talh, nuam ve mai mai. PG lam ka zirna chu a Campus chawpin an lo insawn daih tawh a, lunglenna tur pawh a awm ta lo.
Delhi hi ka la kal tlat lo mai...kal ka tum thin a, hun la awm thei rih lo...! India ram khawpui ber tlawh lo hian lo awm rei theih fu mai. DU phei hi chu ka zirtirtu (dilip menon) leh ka thiannu awmna hmun a nia, tlawh ve chakawm khawp mai.
Hostel nunphung hrim hrim hi kan han sawikhawm hian ngaihnawm thei viau zel a ni. Keipawh ka la ziak ve ang.:)
@samuelapa: Background hla atan vai hla hlir ani dawn sia, ka dah lo mai mai :) Graduation hma chun chutiang naidan chu kan pu vekin ka hria, a hnu leha hian ngaih ang ngawt leh tum ang ngawtin thil a kal leh thin silo. Principal sawi takah chuan Khalsa College ami klha a va han sual tak - Thut mai mai pawh a phal miah lo, Ka thianpa kal na thin ania. An college Cricket Ground pawh hman a phallo bawk - A over ve khawp mai.
@Epis: Delhi chu va kal ngei rawh, DU Campus (North Campus) phei chu nuam tak ani. Han ziak la, ka lo chhiar ve ange :)
I B'day huna LK lama post tur poh a chhawm tel treuh hi a... :)
A_es: Va vâng ve :D
Post a Comment