Tuesday, December 02, 2008

Thla Khi

Pipute khan thlapui khi an hmang tangkai ngawtin ka ring - Tunlaia pawh meichher ken vu vu zawng a remchang tehchiam lo emai. Naupang pawnto pawn nuam antih phahve thoin ka ring bawk - Pawnto ka hmuh hmasak ber phei chu Darzo khua ani nghe nghe. Torchlight ala chhuak awm siloa thla khi awmlo se chuan Ai-Mit Thlawn antih ang hlauh hi anniang mawle - Tlangval leh Tar leng haw han inchhuih khat khat tur mithla-ah a lang tlat mai.

Vanneihthlak takin ka pian ve meuh chuan torchlight an hmu chhuak tawha, thingtlang han zin pawn pheikhai a zang riau tawh. Ka Pu damlaia khawthim thet theta torchlight nena a chhuak ziah thin kha aw - Ka Pi kha a boral hma em atin ni - mahse ka chhun lo hlauha zana lenchhuah hi nuam ka ti em em hranpa lo. Eng pawh changkanna avangin an nei ve tawha mahse a chhiat zin em avangin torchlight lukham hnuaia an la dah fir fer tho mai. Battery zawh lampangah phei chuan thla eng bawk ani an hman leh thin - Inhmun hrang/huainei, ka nite lo awm tawhna, zawnah phei kha chuan a va han tangkai tak.

Rinloh deuh maiin kumin chu boruak a thiang tha bawka arsi a hmuhve theih tlat mai, mahse thlapui a bo daih thung - A rawn inher chhuah leh ngei beisei ila. Khalama awmtan chuan in zantin hmuh ania ho pawh inti maithei mahse keini tan chuan 'hmuh ngai loh hmu' antih ang ki deuh kha ani ringawt. Pollution vang hian khua hi a thiang tak tak thei loa, heng boruak kan han nei theite hi a lawmawmin sawi a kai ve reng reng. Vai naupang pawh van rawng mahni ngaihdan theuhin hnawih rawh ule antia - Grey colour zuk hnawih veka. "An va han mawl hlawm" tidawn ila piantirh ata an nitin hmuhve dan ani miau sia !!

Thlapui engtikah tak rawn inher chhuak leh ang maw ka ti rilru neuh neuh thina. Ka rilrua rawn lang leh thin chu pitarte phhunchiar deuh an hla , "Tunlai thanghthar-te hi thla-ah ka lawne te intia, inti englo zo vek tawh anih hi" kha ani leh thin. Dikna chin tepawh a awm mahna helam phairam angahte chuan - A en loh phah em em loa mahse boruak thianghlim chu changkan-na, kan ti mai dawn nge, vang hian a awmloh phah alawm. Ka thlalak phochhuah a pawh hian a var pup mai - khawilai riangvai a hian nge maw chhawrthlapui kan hmuh tehlul ang le.

Thim thet thet



10 comments:

samuelapa said...

Thla pawh a seki lian leh tawh khawp mai, December 12 ah a bial ang a, Dec. 27-ah a ral ang. Krismas lai chuan a eng vak toh don lo a nih hmel khop mai.

Unknown said...

@samuelapa: Chutiang zawng pawn ka lo chhut lem loa, Ka fapa a lian deuh tawh ania nge. A naupan deuh lai kha chuan Bengali Calendar thla det hun awm thlip thlep kha kan kawl ve reng thin asin mawle.

amuana said...

Ka rin loh lamah i pawt lut a, ka lungkuai loh lamah i keuh thlu :) . Ka chan loh khan ah i chhuah daih mai. Ka va ui e. hehehe. Khitiang ang taka thla a lo lang thei tawh anih chuan Kolkatta hian hma a sawn nasa hle tawh a nih chu, Kolkatta khawlaia kawr var hak chu a uk duh e tih bak hian kolkatta boruak hi ka sawi thiam vak thin lo a, a lo ziaawm tawh hle a nih dawn khi.

Delhi ah tak ngial pawh khuan zan ah arsi a hmuh theih ve tawh tlat thin nia maw le :)

A_es said...

Thlapui eng mawi tak in lo hmu khat viau ani maw! Neil Armstrong-an 'Eagle' atanga pen khat leka chhukthla in thla leilung a'n rah a, kha a ke penchhuah beithamte kha hringfate tana hla taka zuang dawrh khawpa hmasawnna nasa a ni tih he thil hian min hriatchhuah nawn tir leh daih mai.

awitei said...

Buai ve khang lang, tun lai chu, kinah ka lo chhiar thra hlom ang :)
Poimoh hmel ta.. hihi

Unknown said...

@amuana: Thlalak ka nei dung zuia ziah a ngai sia lawm le. Nia tunlai chu boruak a thiangtha khawp mai. Mahse khua ala vawt tak tak lo - Tee Shirt nen kan la awm kung kung mai :)

Unknown said...

@Asanga: I ngaituahna rawn ti harh leh theitu ani chuan a lawmawm lamah han ngai ngawt ila maw :)

Unknown said...

@T_S: Corporate CEO buai tak nih chu ka chak ve tho mai :)

alexxfender said...

Thla leh thla eng tih vel hi chu samuelapa chan ah ka dah.. a lo comment hmasa ber nge nge a nih hi, a mawi lo hran lo e.

Unknown said...

@Alexx: Thla engmawi tak kan hmuhve theihloh avanga ziak ka ni khi @Samuelapa angin Camera tha lah ka nei hek lo :P