Monday, December 01, 2008

Chakai

Thlasik-a chakai an thau thin tih hrerengin hmanni chu kan han vak khawthawnga. Beisei lawk ang ngeiin chakai alo awm hlauh mai peka. Fur zawh hnua kan ei kha rinaiin a tui lemlo bawka, tuntum chu a pawnfen kan han bih ngeia - A tui pailai ngei mai kan duh sia. A zuartupa Bengali-pa pawn chu chu hrerengin, "Saab, Ladki he tel bi zaada hoga" alo ti sawt sawta. Mahse a nu hlang vek chu duh aia alo to deuh avangin kan han indawn hmasa te te a, kilo khat-a cheng 130 in a phal ta hram-a. An lian lemlo na-a mahse buk anlo tlo khawp mai, kilo 3 pawh eng thuartham chu ani lemlo khawp mai - Plastic Bag tereuhte-a zuk leng veka. A sawngbawlna pawh a hmun ngeia a awma mahse tul kan tih lemloh avangin inlamah tih atan kan hawnpui ta zawka.
Nghak rei tawh bawka ka ei leh ta nge nge
A damlaia-a awmdan tur ka hisap vel mai mai


Hmanlai atang tawh reng khan chakai hi Mizo thawnthua a lang tamin ka hria. Chhurbura Pawih ram zin Aium tui ti lutuk theihnghilh hlau si, "Aium, Aium..." tichung renga Sawntlung nal-a tlu han theihnghilh zuita khan ka nuih chu a tiza ngang mai. A hnua hlaah an phhuahzui ngei mai pawh kha, a hla thute erawh chu ka hre nil nial tawh chauh - Naupan laia ka Pa'n thawnthua min hrilh kha ani ve mai. Mahse Pawih-pa'n, "Aium rimte chu i nam ang vetvuta" a tih hnua a hrawk a zuk kawm ngheng kha chu ka la hrechiang khawp mai.

Hei ai maha ka nuihpui tamzawk chu Utawk leh Chakai inhau mawlh mai kha ani. Hmanlaiin an tia lawm hemite pahnih hi tihian an inhaua antia lawm: -
Chakai (Utawk hnenah): "Hmuiziahkur, Zangkaihkulh".
[Utawk/Toad chhan ngaihna leh tihngaihna hrelo zaksi khan Uchang/Frog, Lawyer nilai ngei mai kha a han ruaia. Anih lah chu a suit eng ha in a rawn ni piat mai lehnghala]
Uchang (Utawk hnenah): Tuin maw hau che?
Utawk(Uchang hnenah): "Saw, sawta saw a intam kan tho saw".
[Chakai lah chuan seh chak tak maiin alo intam kang hru peka]
Uchang khan ti hian Chakai kha a hau ta e an tia lawm: "Ruh chungnung(2), Kaihza thlep tam, Ek chhipchhuan, Nghawng lian, Mit pawng, Beng bul, I kal saisir ang haw haw-a"
He thawnthu atanga kan zir: "Miin i chunga antih i duh ang bawkin mi chungah va ti ve rawh u" tiin an han tlip ngei a.
Uchang khan a sawi dik hmel fu

6 comments:

amuana said...

Aesop a thawnthuah emawni pawh chakai nufa kaldan inzirtir thu te pawh kha awm tlat a ka hriat.

Chakai hi tui ka ti khawp mai. Chutihrual chuan kan upa ber hian a ei thei lo reng reng thung, chakai leh kaikuang siamna hnu bel a chawhmeh siam a ei pawhin a vual vak zel. Tumkhat kan zin pawhin a kalkawng a mi chakai kan lei hi a bulah kan dah a, zuk han vual vak a maw le.

Mizote hian chakai chi hrang hi kan lo ngah viau a maw ni hmanni Mirc a mizotrivia channel pakhatah an rawn ziah ah khan ka hriat ngai loh a tam khawp mai. Kan saiw mai dawn a ka lo hre zawm tawh si lo a. Aikam, aifiar, aidup etc ho vel bak hi ka hre ta lo. Chakai meichher chhit, chakai khawrh leh awt chiah hi a nuam ve hranpa ngawt mai tiin kan tlip dai teh ang

DaGGyLo said...

Chakai sa hi chu a tui ve hranpa khrim2.,Chennai kan awm lai phei chuan kan ei nasa thei lutuk! (Ka soi ho em..hihi)

Unknown said...

@amuana: Nia i sawi ang deuhin chakai eithei miahlo hi Kulkhut a pawh hian ka hre nual. Keipawh hmarcha dip ka hmuh ringawt pawn ka luvun zuk thak ziah a. Chakai hi tui ka ti hranpa lemloa, tun hnua ka duh ve chauh ani mahse duhtak ka ni ve tawh e. I chakai rawn sawi bak keipawn ka hre bik loe. Aium hi ka la temchhin miah loa, hmuhfuh huna eia ka khek hrih phawt.

Unknown said...

@DaGGyLo: Ilo lenga a lawmawm hle mai. Keipawh Chennai atanga chakai chu eitan ka ni. Kan Nu thawhna hmunthin ania. Thiruvanmiyyur Beach ami ngei mai kha kan leithi. A lianin a sak tha bawka chawei lai chuan tuboh nen kan inchhawp rap thin. Mahse tuifinriat chakai kha chu tui ka titeh chiam lo. Shark sa em kha chu ka tem chhin duh lo :)

avena said...

chennai chakai ang tuipui chakai ai chuan mizoram chakai ang khi a tui ka ti zawk!!

chakai sen ai chuan chakai dum ala tui zawk bawk :D

Unknown said...

@avena: Dam thin maw, va reh rei veng veng vea. Tamil nula hnahkhat rubo in Sri Lanka-a i tlanpui emaw ka lo ti hmantawh asin :)

Chakai dum hi chhum chuan a sen, i hrehrang tawh chuang loang. I awmna in a zir loh em kha ramdang thil ei zir tan teh ta. Deputation i hmute anih ngawt loh chuan Idli, Dosa, leh Drumstick eia in hnawhpuar mai hmabak i nih kha..Lolz.