Friday, August 22, 2008

Kan Inzirtir Dan Hi

Hman Chawlhni ka fapa kum 3 mi Sunday Sikula kan han kai pui meuh chu thil min ngaihtuah thui tir hle mai. An thupui sawi tum ber chu "Kristiante Khawvela an tih duhdah zia leh harsatna an tawh hnemzia" tih ania. An hotunu khan "Korean Films in en ngai em" tiin an tan a, naupangte khan "Aw" anlo tirual dial a. Kum zabi fe kalta khan Korea hi Japan in a awp tih a sawi tan ta a. Mahse Khawvel kalphung dik loh avangin Communist hote North Korea an chak taa tiin a chhunzawm zela. North korea a Kristiante an tih duhdah leh tih hreawm an nihzia lantir nan heng tehkhin thute hi a sawi ta a: -
  1. Naupang pahnih sikul kal lai pawh Communist sipaiten an Sakhuana an phatsan loh chuan thah an niang tiin an vau a. A upa zawk chuan "Kan phatsan ai chuan thah kan thlang e" ati ta reuh a. Tichuan an unau in an kaphlum ta hmiah a. An Pa in a hriat veleh "Ka fate chuan phatsan aiin Martyr an thlang " a tita daih a.
  2. Chhungkua pakhat pawh heng sipai vek hian an Sakhuana phatsan turin vau leha. Pa ber chuan fate ngaihtuah avangin phatsan mai pawi a tih loh thu a sawia. Mahse Nu ber chuan "Phatsan ai chuan hei aia hmun nuam zawka kan kal dawn tho" a ti ta tlat a. Tichuan a nungchungin an phum ta vek a.

Ban dawna "Tunge Martyr ngam ve" tiin zawhna a zawta mahse naupang ho an ngawi ta thap thung. Kristian nih leh thah mai nih an hlau tan ringawt ni berin ka hria. Kan naupan lai kha chuan Kristiante huaisenzia hlir kha kan zir thin kha ania - Daniela leh a thiante huaisenziate kha ka ngaihtuah chhuak ta neuh neuh a. Kristian nih kan chakin kan inchhuanpui thin hle laite kha!!!

Heng naupang chumchiap leh rilru thianghlim takte zinga 'Tih Duhdah' leh 'Thah' tih tawngkam han tuh ngawt chu tha ka ti lo lemlo hle. Madrasa vela sawitur niawm takin ka hre zawk mah mah - Sakhaw dang huatna leh tih boral dan hengho hi chuan an tuipui ber sia. Kristianna chuan 'Nun Zahawmnate' leh kan 'Mihringpui Huat Lohna te' min zirtir ani in ka hria. Tin, Khawvel Sakhuana a hian a tam ber dawttu kan nih mai bakah hmun hrang hrangate hian 'Tih Duhdah' leh 'Suatmang' em chu kan la ni rih lo bawk!!

12 comments:

avena said...

I sawi dik hmel fuk fuk khawp mai!!mi dang te tan a nun ti nuam tu nih tum te pawh hi sawi uar tlak tak ani in ka hria!!

Korean sawi tak ah chuan hman deuh a Afghanistan a an missionary an man a, an buaipui viau tak kha maw le!! khang te pawh kha an kohhran ah inel na dik loh vang ani e ti te pawh an awm!! hmun ralmuang lo leh hlauhawm a piang a missionary in tir thei nih ah an inel a an sawrkar in a him loh thu an sawi pawh in an ti lui tlat a ..a tawpna chu kha tiang kha alo ni ta anih kha!!

Unknown said...

@Avena Nia ka ngaihdan ve mai mai ania...Naupang ho khan an hrethiam lo lutuka..

virgochhas said...

1. Lucas a kha sunday school bunk tir char char toh wroh *hihihi*

2. CMCF (Calcutta Mizo Christian Fellowship?) hnen ah complaint roh...a trul chuan in chhung in kawng xoh wroh u

3. sunday school hawng ve mai roh...

rilru a solutions ron lang te ka han thai chhuak xuai xuai a ni e :P ...

chu Lucas te sunday school xirtirtu ai chuan thlarau lam ah i tak xok hrim hrim ang a?...ti ten kan nupa in kan lo ngaihtuah ve a *hihi*

tak tak ah...kan agree khupz mai...mahse a dikloh xia soi/xiak mai lo hian, engtin nge kan solve theih ang? tih te hi ngaihtuah tel ta i lah...

ehhh!!

Unknown said...

@VC te Nupa...
1) Sunday Sikula chuan Pathian Thu an zir alawm, Bunk lo mai zawk rawh se an sawidan dawn thiam ni mai....
2) CMCS ah chuan thehlut lo mai ang, an hruatute hi kan thiantha anni tlats. Kawngzawh pawh kan peih lo - Bengali ho hian lo zawh ve mai mai teh se...
3) Han hawng ve ngawt pawh ni ila Pawl Pawl Tilo Pawl/ Kal sual min ti palh ang...

Thlarau lampang chu ka ro ve khawp mai, Ka sawi tlawrh thaim bawk lo - Ka ring mawl ve tawp. Mahse Rationality chu ka ngah viau..:))

Min lo pawmpui chuan a tha animai mahse CMCS/Pathian Do zawnga sawi ani loe...Pathian Thu Sawifiahna a hian Fimkhur lehzual ila. Tin, Kan zirtirna hi kan zirtira te enin 'Psychologically Rational' ve deuh hlek ila ka tihna mai ani zawk.

samuelapa said...

In Naupang Sunday School inzirtir dan chu Parental Guidance a ngai deuh a nih chu maw le...
Naupan laia zirtirtute thusawi hi bengah hian a cham rei duh phian lehnghal a, fimkhur a ngai. Thu tha, simple tak, an ngaihtuahnaa an seng luh thiam tawk hi hrilh zel an tha.
Tin, naupang enkawlnaah hian mi dang hi rin lutuk loh tur, a puitu angah chauh ngaih tur. Kan fate thlarau nun lam phei hi chu nu leh pate kut liau2 a ni tih hriat reng tur.

Unknown said...

@Samuelapa...a dik khawp mai 'Psychological Imprinting' Theory hi chu ka lo zir ve fe tawh ania. 'Long Term Memory' a hian a lut tlangpui lehnghala.

Nu leh Pa chu an pawimawh ber mai - Chhungkua hi engkim intanna bulpui chu ani. Mahni Chhungkua theuh kan chinfel chuan 'Society' pawh kan chingfel chu ani nghal mai. Chumi inhmu chhuak tur chuan 'Mahni' kan pawimawh leh....

Puia said...

Ekhai Pu Chhangte, hei hotupa Avena blog atangin ka rawn back lut a, ka han bih nghal thuak thuak a, a thupui fun khawp mai ka ti. Ni e, kan inzirtir dan a zir hian kan rilru pawh hi a lo thunun chiang khawp mai. Muslim naupangten Raldo leh hmelma te laka phuba lak an zir chuan an lo len hnuah pawh an thlah tawh ngai lo ang bawkin thil hi a punlun zawng leh a er zawnga inzirtirna hi chu chin tam loh chi tak a ni. Thufing reng mai hian naupang zirtirna kawngah uluk tur hian min lo hrilh nasa em mai.

Unknown said...

@Puia i lo back lut fo dawn nia...Nia naupangte hi kan future an nia tha taka zirtir chu an ngai e...

amuana said...

update tawh roh thu ngai reng luh apiangin kan hmu mai tih te hi kan sawi ve ange

Unknown said...

Hei le @amuana ka rawn update ve tawke, hun hi a awmlo thin em ani..:)))

amuana said...

Naupang kan zirtirna hi keipawh ka vei thin. Tunlai ah phei chuan kan Pathian thusawi tam tak te hian Pogo channel, Transformer etc te hi an sawi Setana ringawt mai te hi ka vei. Hetia ti lo hian Transformer, Pokemon te hi thil ti thei hle mahse, a siam tute hi Pathian siam an ni a, Pathian thuhnuaiah vek an awm ani tih lampang hi kan zirtir na tur ni zawk awm takah ka ngai.

Tin, naupang kan hauh a, ti suh ti a kan zilh hian an tih zawk tur hi kawhhmuh tel nghal zel hi tihmakmawhah ka ngai bawk

Unknown said...

@amuana: Nia mawle engkim mai hi a mengtle nazawng hian a Setan an ti leh ngawt thina. A sawitute lahin ringlo mite chanchawp 'Kasauti Zindagi' leh 'Idol' an tuipui leh anglawi sia !!