Tuesday, March 03, 2009

Hrânghlui Nen Kan Inkawm

Vawiin chu hepa hi a lo lenglut hlawl mai a, Bengali ho hi thil sawisel leh thil dil lamah Hnam taima tak annih avangin , "Engtak chu duh ang maw" ka ti rilru nghâl ngawt pek a. Bengali lungnilo tih lungawi harsat zia hrelo tân chuan, "Thlarawka" pawh min ti maithei mahse min tlawhtu zawng zawngte hi nuisânga chhuahtir leh hi ka nitin hna pakhat ve ania.

Tihdân thin angin thutna kawhhmuh pahin, "Enge ka tihsak theih ang che" tiin ka zawt a. "Hei 6th Pay hnuah hian ka Pension hlawh hi an tipung loa" tiin min chhâng a. Kum sawmruk pel fel erh awrh anih dawn - Anni ho kha chu kan tihfelna a rei tawha - hi ti rilru nauh nauh chungin a kum zah ka han zawt leh a. "Kum 81 ka ni" ti a min han chhang zet chu min barakhaih chiang hle, a thothang a la tha fu si a - A rawn len ni lah ni a sat mai bakah a uap churh lehnghala.

Tichuan endân danglam tawh tak chungin kan ti ti chho zel a. 1st May, 1928 ni a lo piangin kum 1949 khân P&T ah hna tluang taka a thawh hnuin 4th June, 1986 ni a chawlhsan hi a lo ni renga. Hrânghlui diktak kawm ka ni bawk a, a hna kan zawh tawh hnu pawhin, dilchhut leh chipchiar takin thil ka zawt chho zel a. Kan ram puipa Mahatma Gandhi an Kulkhut tlawh tuma a kut chelh chunga a car chuanna a um ngar ngar thute, Netaji Subhas Chandra Bose a leh a unaute chanchin te, Hmanlai a Kulkhut a faizia thute, CPM ten West Bengal State hnufual an nih tir dân te, leh thil dang dangah te kan pakai chho zel a.

Kan thusawi zawng zawnga ka bengverh ber erawhchu khawvlel a thlirdan leh a invawnfel dan kha a ni. "Engkim hi hlim leh lawm taka dawnthiam zel leh nitin insawizawina neih hi tun thlenga ka hriselna chhan a ni" a tih khân ka rilru a khawih hle. Mizo chu ni se tar awmin a awm daih tawh awm si a, mahse kan Pu a kha chu a la harhin a thothang pawh a la zang veh vawh khawp mai. A tawi zawngin a lu a zawh mai bâkah mihring mihrinna ah pawh pa vântlâng chunglam a ni. A fanu hi Doctor niin tunah CMO hna a chelh mek a, a Fapa pawh IIT, Kharagpur chhuak niin US a a hna bânsanin a Pa a enkawl turin tunah Tata Company zawm a ni a. A kum ang zât hi Pathian khawngaihna zârah dam mah ila amah ang hi ka ni phâk ve angem aw !!

Pu Sisir Kumar De (Kum 81)
Thomas Wall Clock

N.B. Min tlawh nachhan chu 6th Pay hnuah kum 80 chunglam tân 20% of Pension hisâpa tihpun sak an nih vâng a ni. Hmanlai Kulkhut thlalak pek min tiama ka lawm angreng hle. A chunga Wall Clock ka târlan hi early 1800's ah British ho siam a ni a, mahse a la tha khawp mai. Kan Pu a nen hian thilhlui mah ni se an neulo dun khawp mai.

28 comments:

avena said...

Ekhai..kha entawn tur i nei tha khawp mai. exercise chu regular tak in han la tlauh tlauh mai teh!!

LBSNAA a joint director thin Binod kumar khan "mizo chu kum 60 thleng chuan an lang naupang reng a , kum 60 an pelh hnu in an tar chak lutuk" tiin a sawi thin a , enge i ngaihdan PU SPEAKER!!
Mizoram a awm loh chuan han haw chang hian veng chhung a mi kum 60 pel tawh te hi chu ka ngaihbel vang nge maw ni an lo tar sawt viau hian ka hre thin!

Unknown said...

@avena: Ka inleng neihtawha kuah chungah ka thlah vawikhatna ani hial awme. Ka ngaisang rem rem khawp mai.

Kan Binod Kumar a kha a, Robert a nena kan leii hawng min chhaihbuai a ching tlat..Ha ha ha....

Mizote hi 'Ka' ina tui a tih chiah ei ching tak kan ni, taksa ngeih tur leh thatna tur lampang ei a inhnawhpuar hi ka theilo. Insawizawi kan peihloh em em bawk - Body fat a han tlem chiaha kan zur nghal zel. Tin, sawrkar hnathawk tamtak hian an kum an zep thin bawk avangin kum 60 inti nazawngte hi anni ngailo.

Puia said...

Kum 80 thleng hi chu kan rilru a zirin kan la thalai thei viauin ka hria a. Taksa hrisel lo mi leh rilru lam chau hma bik te kan nih ngawt loh chuan. Mizo tawngkama thil tha lo tak pakhat chu TAR CHHIA tih tawngkam hi a ni a. Tar chhia an awm lo va, tar an ni ve mai. Tam tak chuan kan pension hnu kum 20 thleng hi chu zalen taka kan duh zawng thawh theihna hun tur a ni, an ti a. An rilruah an la in ngaih upat duh tlat loh avangin an in fit phah ve em em bawkin ka hria. Rilru hian kan taksa hi a lo hruai danglam thei em mai.

Mizohican said...

Tiang ang ho mi hi a lawm ngaihsan awm duh tiah tiah chu! Tar tawh lutuk, but young forever at heart. An fate pawh hi tiang ang an ni deuh fur mai. Hlawhtlingloh ngaihna chu a awmlo, an ni tan te chuan. Ropui em!

Naupang^Fel said...

Ka lo lut ve nawlh. I nei ve tih ka hre lo a tiang hi, ilo nei ve ker a nih hi.

Unknown said...

@Puia: Nia, i sawi ang hian thingtlanga, a bikin, kum 50 an pelh ei eih chuan Tar awmnin an han awm nghala. Tar anga rilrua inngaih tlat chuan incheinate an duh uluk loh avang te hian an lang tar hma bik. Mak tak mai chu Vai Putar chhawih tak leh â tak hi ka la tawng miahlo. Hnam upat a zir hian hetiang hian a awm theih emawni ka ti hial. Hepa phei hi chu kawm a nuamin a la vânglai veh vawh khawp mai. Ke hlirin la kal a mawle !!

@illusionaire: Nia, "18 till I die" tih spirit hi neih reng mai tur. Pa invawng fel takte hian fate an enkawl puitling thei khawp asin - Sipai tang ho hi a bik takin an fit theih mai bakah an 'Gentleman' riua ze.

@Naupang^Fel: Ka in register lo a tin lawm, thlalak an dil tel kher a. Nangni anga hmeltha lo tan chuan han in register ngaihna awm nghal lo chu :))

burgerstud2005 said...

Hranglui nge Hranghlui ?...Sana chu min lo pe la..nang te chuan i nei leh thei mai dawn a.Gifts an pe reng dawn che a....loz

Duhzuala Nu a thi a.Hei keipohin ka va ral a.A zia lo khawp mai.Kum 88 lai a ni tawh.

burgerstud2005 said...

I room chu a va nawm hmel ve aaa

Unknown said...

@burgerstud2005: Hrânghlui an tizawkin ka hria. Sana khi kan Inspection Quarter Dining Hall a tar a nia, ka pe theilo ang che. Mahse a chhe tawh siam mai theih erawhchu ka pe thei maithei che :) Gifts ka dawng ngailo reng reng, Vigilance lampang a uifingte hi rim an hre rang lutuk..Lolzzz..

A va zialo tak ve, kum 88 chu a upa ve tawh hle mai maw.

Ka room hi duh aiin a te tlat - Min sawn hnua ka chei that ania. Hei vawili lai min post tawha, min thlâktute an vannei zel anih hi mawle. Ka luhna apiang ka siamtha zel a mahse Vai ho hi chu an dangdai khawp mai.

Varte said...

Sana hlui leh Hranghlui.. i tehkhin mak hle na-a inanna tak chu an nei a nih khi... A ngaihsanawm hle mai.

Mizote chuan ti hian kan sawi thin kha..

Kum sawmRUK-ah chuan kan tla RUK a
Kum SawmsaRIH-ah kan SA RIH nulh a
Kum sawmRIAT-ah kan RIAT nuai tawh an ti... dik tak maw le...????

Unknown said...

@Varte: Ka tehkhin mak vak emawni le...thil hlui ve ve anni mai alawm.

Kum sawmRiat ah kan RIAT nuaih tawh an ti..Lolzzz

awitei said...

varte comment khi fuh tops..
i pu chu 80 ah chuan la tho thang hle mai...
I bengali ve ruih toh lo mo..i ti2 ah hian begali tih tel lo a vang riau..hihi

Unknown said...

@T_S: Ka Pu pawh kum 88 thleng a dama, ka Pi (Maternal) hi tunah kum 99 niin a la dam.

Ka Bengali sawt khawp mai ..Lolzzz

avena said...

I raja i lo hmuam pui em.i pu chu :)) hranglui tih ai khian hranghlui ti ta zawk la a dik zawk lo maw...i pu nen in inkawm rei tawh em mai thil thar han post leh tawh teh

Unknown said...

@avena: Ka siamtha e. Ka zin zawh hunah ka post ange. Kan Pu a khian ka lung a ti lengh tlat.

alexxfender said...
This comment has been removed by the author.
alexxfender said...

Kan pu Proudfoot-a pawh in sunday tlai khan a tiller khawl keng in ka huan siam na tur lei min rawn leh sak trek trek mai.. kum 78 chuang chu a ni ve tawh in ka hria,, a la chak thra khawp mai.. nakin ah ka la rawn post ve leh ange

samuelapa said...

Upa Chalhnuna (RIP) kha Mizo pa zingah chuan tar har pawl tak chu a nih ka ring. Kum 90 chuang a nih hnuah pawh a la kawm tlak khawp mai. Inkhawm, bial fan, khawhar lenpui, etc. a la ti thei ve vek. Hman lai thil te hi han zawt ila, a diary keu let lovin a ni, thla leh kum a la sawi chat2 thei bawk.

Unknown said...

Ih hranghlui kawmpa atang zirtur tha tak Mizoten kan nei a ni hi mole. hriselna & upahmel/tar ang chi hi rilru hian koro a suh khawp a sin.

Tuna kan chenna city a mi ho te hi nu kum-60 chuang pawh inthlansiaknah pa-1na te an la la zak zak nia mawle. Tin, penson tawh hote hi mi tangpui tur ringawt zawngin an awm tanpui ngai antanpui, thiltha an tih vangin an nun a hlim a, a hrisel pawh an hresel tha, an hmelpawh hi an lang naupang ngei ngei. Mahni tlanghmasial lutyuk, duham lutukna ten hian kan rilru a ti hah thuai a, rilru a hah chuan tar pawh an tar hma ngei ngeiin ka hria.

Tin, comment a i sawi ang hian Mizote hi kan "ka" duh zawng choh ei kan ching a, kan taksa tan tha tur ngaituah hi kan tlem khawpin ka hria. Hei pawh hi min ti tar hma leh min ti chaklo hmatu chu a ni chiang.

Unknown said...

@ALEXXfender: Sangha pe peih deuh che kha a ni maw. A la fit hle anih dawn chu.

@Samuelapa: A thluak a va that hmel ve. Mahse hei a naupang apiang an boral hma chu anih hi mawle.

@Che: Te khiat che chuan Chepa. Zirtur chu kan ngah khawpin ka hria. Ei leh In, rilru, leh insawizawi peih apiang hi an thalai rei mai anih hi. Kâ a tui hi chu a tui em ani, mahse Spinach/Letuce etc etc te hi ei an har viau. Sâ ah pawh sangha leh arsa chiah hi an hriselin ka hria.

burgerstud2005 said...

Hello Sir...I lo dam thin maw.Aizawl ka haw rei lutuk a..in ngaihawm hman alawm le.

I pu hrang hlui in thil a pek che chu thamna i la a ni mai m..lolzzz

Unknown said...

@burgerstud2005: Sirji, Ka dam e. I hnathawhna a kaltluang zel maw? Kan Pu a thil min pek hi thamna chu nilo e a - Movable/Immovable Assets ah a tel hleinem..Ha ha ha ha...

alexxfender said...

Hranghlui-a hmuihmul ang hi ngaihtuah ve tran tawh mai la..

Almostunreal said...

vai ho hi chu vai nih hi an tlin khawp a..hetiang lam te hi an ti thei phian a nia..hehe..tak2 ina..a la lang upa lo hle mai

chuan Mahatma Gandhi hi a sual reuh lutuk an ti :P

alexxfender said...

Mahatma Gandhi i sawi tak ah chuan.. kei chu B. R. Ambedkar hi ka ngaisang zawk tlat nih chu!

Unknown said...

@Almost Unreal: Nia, an tlin khawp mai. Mahatma Gandhi pawh mihring ve tho ania tlin lohna chin pawh a nei ang.

@ALEXXfender: A hmuihmul ang khi chu i inhmeh zawkin ka ring. B.R.Ambedkar a chu keipawn ka ngaiâng, mahse Mahatma Gandhi hi a chhuanawm zawk daih alawm - Ambedkar a nen a 'Tihdan' a inang lo mai ani e.

EPISTEMOLOGY said...

Thil hlui chungchang hi sawi ta lawk ila..S.Vanlaiphai ah khian mi pakhat Darkhuang, tuibur etc ang chi siam thin a awm..Darkhuang chu rangva atang hian engtin emaw ni a siam a. tarmawi mai theih tur a ni...! Han en thuak chuan a tak a ang ve khawp mai. Tha ve viauin ka hria. Thil hlui hrim hrim hi keipawh ka khawnkhawm tan ve tan mek a ni.

Ka pu Rev Dr HS Luaia hi kum 100 a tling tawh a, ala invawng fel fu mai. Zing tawngtai inkhawm pawh ala kal fo thin. Mahse, tunah chuan Dr ten chhuah vak an phal tawh lova...Chanchinbu-ah thu ala ziak reng tho mai. Pathian malsawmna bakah Routine fel taka nung thin a nihna khi a damreina thuruk a nih ka ring.

Unknown said...

@Epis: Nia, thil hlui te hi an hlu khawp mai. I Pu chu a va la hrisel hmel ve, kal hun chuan va tlawh ve ngei tur anih chu - Hmanlai chanchin zawh a chakawm khawp mai.