Thursday, January 01, 2009

Kan Kum Sawmna

Hun leh Ni te hi a inher chak ngei e - Hriatloh kar ah kum sawm alo tla der tawh mai!! Chung Pathian venhimna zarah hetiang hun lawmawm tak, dam leh hrisela, chuangkai thei dinhmuna kan awm avangin a hmasa in lawmthu ka sawi phawt e. Tin, heta lo lenglut zawng zawngte hnenah Kumthar Chibai ka buk bakah Duhsakna Sangber ka hlan bawk a che u.

Hmanlai, han ti ngawt ila kum sawm chauh a la ni a, deuh tawh a thil thleng kha vawiin chu kan tarlang mai mai teh ang. Delhi khawpuia, khawvel ka ta emaw tih lai leh engkim titheia kan inhriat lai, zirlai ni anga ka awm hunlai a mi daih tawh kha a ni. Ka hluihmel tawh viau lo maw - Hlui lah lo e a. Rilru hi, kum sawmpariat bawr vel nih lai ang khan, a la tharlam reng mai. Ka thil ziah tum ang deuh hian a hlui tawh emaw hmanlai an chang zo ta tih theih kha a ni tlat lo a.

Awle, kum sawm kal ta khan Vanlalruati sak ngei 'Mimang kan piang hmun ta si lo' tih hla kha a takin ka tawng ve ta anih kha - A hla thuah pawh helai hi ka duhzual bik, "Ka lam hawia i seih hianin, Ka tan khawvel a par leh thin". Khuanu in a zawng leh a dil tute pe hauh silo a, Kei bengkhawn em em lo leh biahthu hlan dan pawh thiam em em lo a kha, min thurchhuak ta nalh alawm. A pawimawh ber chu rilru inhmuhtawn leh inkawmngeih hi a ni berin ka hria. Roxette hla ah pawh, "It's the small small talks, That makes it all happen" antih ngei kha, tawngkam nemduai leh thlumtak hi lehlamin an chuti teh lua lo aniang ka ti hnuhnawh ta e.

Mahse hetiang zawng zawng aia pawimawh zawk - Eizawna kawng dap hunlai - khan min tlakbuak tlat peka. Duhtak te nena Bahra Khur Laih tihzawng phairama awm ta sa sa a Thangtlawm thlak deuh bawk alawm le. Pathian malsawmna avangin a kum leh a kan han hmurual ta ngeia - Keiin tuna ka thawlai hmu in Mussoorie ah Trainning turin ka chho a; anin Jet Airways ah Cabin Crew/Stewardess hmu in Mumbai ah Trainning tur bawkin a liamthla ve ta nghal a. "Kar hla di zun a uai chu, Tawrh thiam a har ngei ka tan, Dar ang tawn leh ni nghakin, Zan mut reng ka chhing theilo" leh "Mahriak awm khawhar zual changin, An awmlo thinlai hnemtu.." tih hlate kha, a taka han tawn ve meuh chuan, a lo va dik ngai em!!

Kum hnih tal tap hmunkhatah kan cheng dun leh ta miah lo a!! kum thum na ah Delhi lamah a rawn insawn leh theih hlauha, kei pawh Ghaziabad-a ka awmlai alo ni kher bawk nen. Mahse kan chawlhni reng reng kha a insulpel leh ta tlata, "Khua hmunah leng mah hian bawihte, Intawn ni an nghakhlel thina" tih Daduh-in a sak ngei ang khan!! Chumi chhapah Kolkata a awmturin min han dah lehta nghala - Hmunpui zawnga ka awm hrehna ber mai ah khan. Hmelhriat vang nen lunglen ana duh ngei mai - 'Sawiin a siak lo' tih hranghlui tena anlo tih thin kha a tak ngialnganin ka tem tawh ani ti ila, ka daw lo ang. Layover an neih ni te kha ka hrechiang thin hle - The Oberoi, New Market a thleng thin anni bawka saw hmun ngat saw chu ka hrechiang na ngang mai; Lunglen zual ni deuha ka teihawina thin ani bawka. Khaw hmunlo induhtawn te awm dantur hi tu hrilh lem ka ngai lo e - Ka lo tawn ve tawh ngei ani.

Khun fe a kan in ngaihtuah hnuah, ngialnghet leh huhang nghah zawk, sawrkar hnathawk zawk chu min fin a remti in a hna chu a bansan ta nghe nghe a - Kut kan insuihve theita nge nge a. A inpekna avangin ka lawm hle - Khang hunlaia sing fe hlawhve tawh khan ka hlawh tlemte ringa kan Quarter chhete min luah lumpui a duh avangin. Duhlo se zawng chhingkhual lanu, Bazaar arpui thau zawn ang ngawta, nupui atan zawnga feh chhuah kha ka hmabak a ni miau si a. A la naupangin a rilru pawh ana ve thin ngei alawm - A luh rualpui ten New York, Singapore, London tih angreng an tlawh tan laia englem ti loa nilenga ka office ban nghaka lo thut ngawt pawh chu!!

Heng avang te hian tun hnu, kum liam tawh ta te leh fanau neih hnua, ka han thlir let leh hian Hmangaihna an tihfo hi min hriatthiam tir phahin ka hria. Jerry McGuire a Film a, "You...You complete me" a tih khan a hrilfiah hleiin ka hria. A ni keini pawh, chhiah leh tha ah pawh, inti mawitawn tura insuih kan ni a - A bik takin kan nu hian min ti 'Famkim' ani. Hei ngei hi hmangaihna an tih, kum sawm chhunga ka lo dawn leh pêk ve a chu - A hlui theilo a, a hmanlai theilo a, a thi theilo bawk. Love songs a kan nupa duhber 'Love me tender' - Elvis a phhuah ngei - ah khan a hrilfiah berin ka hria: -

Love me tender
Love me sweet
Never let me go
You have made my life complete
And I love you so.

Love me tender
Love me true
All my dreams fulfilled
For my darling I love you
And I always will.

Love me tender
Love me long
Take me to your heart
For it's there that I belong
And we'll never part.

Love me tender
Love me dear
Tell me you are mine
I'll be yours through all the years
Till the end of time.

(When at last my dreams come true
Darling this I know
Happiness will follow you
Everywhere you go).

32 comments:

samuelapa said...

A ngaihnawm e. Thu aiin hla a tam zawk emaw chu aw, ka ti deuh. In inchhar dan leh pumkhat in lo nih tak dan hi Film-ah siam ni ta se, vai film ang deuhin hla/zai a tam ngawtin ka ring.

In chhungin Kum Thar Chibai ule. Pathianin malsawm che u sela, midang tan malsawmna ni zel rawh u.

alexxfender said...

I va ziak kur thiam teh duah ve, kei pawh hian ziak ve thiam ila chuan ziah tur ka ngah nek ta ve ang. kum 5 lai kei ni chu kan inhmu lo a, kan inneih hnu ah pawh kum khat leh achanve chu kan la awm duh lo leh hram pek a.. mi ten min nuih thrin, 'hetiang teh hrep a nupui neih,, i peih mai mai e' min ti tawk lah bo lo.. STOP.. hehe

Unknown said...

Kumthar Chibai...i fapa kha min lo piai sak don nia

Ka lam hoia i seih hianin...tih hi chu tun lai kan hla pui a ni e...lol

Unknown said...

@samuelapa: Thu leh hla thiamzawk ten anlo phhuah sa hi hawh mai a awlsam em atin ni. Film chu siam ila a 'Background' a bak kan zaitir nang le - Hun lo deuha Vai Film-a thingkung hel paha zai chunga an suk kual hi ka ning teh ania.

Unknown said...

@ALEXXfender: Tawngkam hi ka 'Varak Tui Thiam' em atin ni, Ka hmuite lah Utawk ang maia 'Ziahkur' ang ..Lolzz. In innghak rei ve khawp mai mahse kha hlim takin in chengdun tawh alawm. Pathianin a hunte ah thil reng reng a riruat fel thlap zel.

Unknown said...

@Almost Unreal: Nia i hmingin ka lo piai sak ange, a haw ngawt ang - Bianga khawih hi a duh lemlo a..Lolzzz.

'Ka lam hawia i seih hianin' tih bakah in theln theih ngei nan 'Duhsakna' ka hlan a che u :)

avena said...

Ekhai!!
"Lunglen te chu riltram vang mai mai alawm,
chaw ei puar liah ila lunglen chu a reh hmak mai ani" ti thin tu pawh in a ziah lam ah chuan i ziah thui theih viau hi maw le!!

Irene-i chennai ah a awm a , nang mussoorie a i awm lai a i hla phuah:
"nang chennai ah tomato ang in i tai a
kei mussoorie ah ar ang ka vai" tih hla te pawh kha ziak tel ta law law la maw le :)

virgochhas said...

Congratulations and Happy Anniversary...Christian chhungkaw hlim tak ni turin kan chhung in duhsakna sang ber kan hlan a che u

ziak ngaihnawm hle mai...

keini pawh kum 7 vel hnu ah kan innei :D ...

A_es said...

Khabe themthiam tak chu i ni ang mawle! Thui si ninawm si loh hian i ziak kur duah thiam roh a! The Curious Case of Benjamin Button kha min hriat chhuah tir zok mai hmehbelna em2 tur awm miah lo mahse, putara lo pianga nautea thih kha dangdai hle mahse, nun hluite han pawh kir leh te hi ka chak rum2 thin a ni. Kumthar Chibai in chhungin.

awitei said...

Ziak ngaih nawm hle mai..
I story te, Alex-a story te chu in ngaihsan om hle mai, Lunglen hi chu tuar a awl loh teh reng nen hian.
Nia, a Nu zawk nih hi chuan a Pa lakah in poh hniam hun hi a trul hun a awm thrin lom, awl ai lo tak a ni. In nu chu fakawm hle mai.

Chuan Happy anniversary and Kumthar chibai u, In chhung2 in :)

Unknown said...

@avena: Lolzzz...mi tan ka sawi alawm khangte chu. Robert a inti lungleng sawi peih lutuk ka nin vang mawle :) Nia Chennai kha chu Season pathum nei - Hot, Hotter, leh Hottest - kha ania awm chak lemlo mahse awmchak si avanga rawn awm kha ka nia.

Unknown said...

@VC: Keini pawn duhsakna kan hlan a che u. In naute a dam that zel ka beisei - Kan puitling sawt asin fa neih hnu hian (Mahni hmasial kan sim tihna) :)

Unknown said...

@A_es: Khabe sep thiam chu ka ni hauhlo mai, mahse ngaihnawm ti taka min lo chhiarsak avang erawh chuan ka lawm khawp mai.

Unknown said...

@T_S: Lunglen chu tawrh a har alawm, mahse lunglen avangin thil reng reng a in thlakthleng theih chuan loh avang hian awmzia vak a awm lem lo. Nu zawk han tih ah chuan tunlaia thil a danglam ve tawha Pasal-Fanau chawmthei hi an awm ve tawh chawk.

Varte said...

Mi vannei tak i ni e tih hi ka'n sawi ve mai mai teh ang. Keini nula Si' hi chuan chauhthubarawhah Leng tar law law ang ka ti ve hnu hnu a...

Chuan... i ziak ngaihnawm bawk a, chuan Fapa i nei hmeltha bawka, chuan.. Happy anniversary.

alskdfjaskldfjalsk;dfj said...

Kan lunglen chhan hi a awm em awww? :))

amuana said...

Eu eu hei zet chu(h) save hmiah teh ang, khawi emaw lai lai hi chu khawi emaw lai lai atan. Hahaha. I kherh thlu ropui awm tual tual hle mai a :) Avena te ang confi satliah, a tak ram hmuh tur awm mang silo te hi thurawn pe chungin an zawm ngei turte han tarlang leh law law maw le. :) Kumthar chibai ule

Unknown said...

@Varte: Ekhai...@miteii of LK i ni hial lo maw. I duhtui vang mai mai anih chu. I hmu lutuk alawm :)

Unknown said...

@Jimmy L.S: A chhan leh vang chu i hreber zawkin ka ring tlat..LOlzzz...

Unknown said...

@amuana: Lolzz...Avena tezawng tlangval luck tak kha a nia, hrilh pawh a ngaih ka ringlo :) Mahse a duhthusama fel leh tha zawn dawn chuan Pawl 6 zirlai kan zawnpui angai ang..Lolzzz..

Clayton Dolién said...

congrats! chutih rual chuan i lo ziak mi leh sa kher mai ti zel teh hetiang hi ka thiam loh thil a nia, ka lo entawn ang :)

Unknown said...

@dolien: Ka lawm e...I blog ah hian comment ka tum thina mahse a lang thei tlat thinlo, ngatinge ngea ?

burgerstud2005 said...

E heee..rin aiin thu i thiam daih.in nu hi ka hriat ka ring...Chennai ah a awm tawh thin em ijn nu?.

burgerstud2005 said...

Okies..in nu chu Irene...comment dang khi en a,ka hmu.Chennaiah MA zir laiin a hming hria.Directory ah poh hmu thin.A hmel ka hmu lo nang a,hmeltha tak turah ka ngai.

Unknown said...

@burgerstud2005: Awm tawh thin e. Thirruvammiyur ah a awm thin, a rawn awmtan tirhin Adiyar a reilote Zamtea te nen an chengho thin. Zamtea, Dreamhunter Vocalist reilote ni kha, i hriatchuan lo zawt mai rawh. Hmeltha tak..Lolzz..Ka tan chuan khawvelah a hmeltha ber :) Kulkhut a zirchhuak emaw i nih ka lo ti asin.

burgerstud2005 said...

Ka pu han tih dawn chuan ni em si lo va...aw Zamtea te nen a awm thin i tih takah chuan ka hre chiang tho.Mahse a mah ka la hmu lo a,ka in khawm ve chhunin a in khawm lo a ni mai thei.:).Irene tih chauh ka hria.

In nu chu i post hmasa ho ah hian hmu e...a hmeltha a lawm...naute pawh in nei hmeltha e...nu in zir bawk a..lolz..Calcutta ah zir thin e.St.Xaviers College ah khan kal thin a.PG hi Madras ah ka zir thin.

Calcutta Mizo ah i in hmang em?.Mizoram House LO kha a fel em?.Mussoorie ah training etc i sawi sia,engemaw ber chu i nih ka ring ngawt a-Calcutta kha officer lian chin ang kha in tam ta lo riau in ka hria.Calcutta kha a lo thing hi ka ti asin aw...mahse nuam ti taka kan lo tual chai ve na kha a ni tho.Calcutta ah chuan Pu Dova hi a lar berin ka hria.Hriat ka la ngah khawp mai.Pu Kaisang te kha an la awm em?.Pi Rinsangi Mitra (Bank) te kha an la awm em.

Unknown said...

@burgerstud2005: Zamtea thiltih kha a hlawhtling em. Kulkhut Bakri Market a 'Ball-Cock' kan zawng dun tak tak anih kha, KM 8 vel chu keiin kan kal ang. Khami ni tluka chauh leh chhawlhhal ka la nei lo reng reng. Nia Inkhawm ni hian an thlawkchhuak tlang pui, vawikha chu dula/Avena nen kan rawn inkhawm ve tak e.

Ka lo inla confi ve viaua..Nia hmeltha i tih chuan ka lawm mai.

CMC ah chuan inhmang lemlo, ka peih em em lo. Naupang nei tan chhuah fo hi a theih lemlo atin ni - Kan pathumte hian kan ni mai. Kulkhut chu keipawh min posting dawn khan ka hreh ngang mai, Delhi kha ka ngain thin hle, mahse nuam ka ti chawp ta vel mai mai. Pu Dova chu biak a nuam em alawm (Ka hmelhriat hmasak ber a ni nghe nghe). Pu Kaisanga chu Delhia a awm tawh. Pi Rinsangi hi kan chhungte tur annia mahse kan in hufuh theilo anih hi. I lo rin ang he hu chu ka ni loang..Lolzzz...

P.S. I nick hi a va han sei em em ve - Enge a awmzia le?

Lal Jo-a said...

E khai, ka pu chhangte. I blog hi zanin chu engti tiin emaw ka lo petek lut ve a, chhiar a manhla ngei mai. A hmasa lam ka chhiar hmasa a, a dang ka chhiar chak zel a, ka chhiar ta nual mai. Thu i thiam in, i ziak ngaihnawm thiam lutuk. Tuna i thuziah phei hi chu a ngaihnawm lehzualiin, nupui fel tak neih ve te min ti chak rum rum mai alawm mawle.

Unknown said...

@Joseph L: Ilo petek lut hlauha a lawmawm hle mai. Min fak luama ka lawm angreng bawk.

Puia said...

Ekhai, kumthar chibai.. December 30 khan Kol. airport ah in nu leh i fapa ka hmu nawlh mai a. Kan thutkhawmna lamah an hmelhriat thenkhatten an ko phei a.. ka lo be lumlam ve bawk a. Min hre hauh lo na a, a thlalak atangin ka hre tawh a, in nu pawh. I pa a hawng ve dawn lo em ni? ka ti a, in nu'n..aw hawng dawn ta lo.. a rawn ti a.. ka insawi ta lem chuang lo va. Nupuite an hmelthat a, an ngo vuh chuan fate pawh an tha tlangpui thin, an tih te pawh a lo dik hlel lo ve..

Thil dang chu hman hunah ka rawn belh leh mai zawk ang e.

Naupang^Fel said...

Ngaihnawm ve a. I hniak hnung ka zui dawn a ang hle mai hei.. :)

Unknown said...

@Naupang^Fel: Min zui duhlo mai rawh, thilsual tamtak i zir phah ange :)