A hmun hi IT Sector, New Town Rajarhat atanga rawn thangchho zel hian ala huap vek dawn avanga kan hotuten hmunruak leilawk annia. Kawng tluanin in, sang fe fe, sain anlo buai mup mup maia. India ram khawilai hmun pawha aiawhtu neithei Bihari kuthnathawk pawh anlo tam nangiang mai - Kawngsirah eng ilo zuar pawhin an kat nuk tho. Ka sawitak Bihari ho hi an tuarchhel ngang mai - Chaw kawpuar hmumang hleilo hian nilengin hna an thawk theizel mai a. Khualzin hnathawk tih takah an awmna-te lah chu Chhuran chakai kawmkawraw-a thlam zuk din atum ve ringawt kha ani ringawt (An awmna sawizawm lo in thilmak ka ti deuha khan pakai chho mai ila).
Hnathawkte Riahbuk (Ziaawm pawl tak)
Vaiho hrim hrim hi zun leh ek chungchangah chuan hmasawn theilo pawl tak anni tih hi tupawn kan hai loa - An hnam upat tawh tehreng nen hian mahni inbul anih loh phawt chuan kawngsirah mawnglang kunga thut vung pawh pawi anti lemlo khawp mai. Kan trainning laia village study nei tura Karnataka kan kal tuma khaw luhna kawng awmchhun liau liaua mihring ek ngei mai lo awm hnur kha ka mitthla-ah hian a reh theilo - A rim uih zet leh ten chung chunga, survey neih ngaitlat hek, a fai deuh lai zawn pahfawma chhuk en ngaitlat kha aw !!
Amaherawhchu ka han hmuhtak nena tehkhin chuan khangte kha chu nepte ala ni. Dil lianzet mai hi alo awma, heng ka sawitak Bihari ho hian Ekin atan lo hmanga mawle (A hnuaia thlalak te hi en mai la). Sangha an awm ani chek ang chu - a hnuaia an zuang ri pawm pawm thawm ka hre tlata - mahse ek lang nawlh nawlh chu hmuhtur a awm hauh thung lo (Sawizawm lo mai ila). Pumpui so bat bat chungin, "Vanneihthlak mange Andhra Pradesh chhuak Sangha chauh kan ei-a" ka ti rilru neuh neuha. Hmanlai deuh tawha fiamthu nana Mizo Contractor pakhat kum hnih tal daih tur thingtlanga ek-in han sa tura an tirh; ani a han kal vang vanga dap a khawr sauh sauha a hnuaia vawkte panga a thlunge antih kha rilrua a rawn lang vawng vawng thei mai alawm.
An Inthiarna 
Sang vehvawh tak ani
Zun leh ek inthiardan atang hian hnamzia hi zir a awlsam khawp mai - A changkanglo apiang hi an inthlahdah chawk. Hmanlai kan pipute pawh kha daia an kal mai thina, ka daikal/dai-kal dawn antih kha chuan a chiangtawk hle thin. Mahse tunah chuan hun a inher danglama, changkan-na ten min tlakbuak tak avangin daia kal ngai lo in inthiarna hmun kan nei tawha - Tawngkauchheh pawh lo danglamin ka inthiar dawn kan ti mai tawha. Mahse keini aia hnam upa zawkte hian an nunzia hi an thlak danglam chuanglo chu anih hi mawle. An 'History of Ancient Indian Civilization' - kum 5000 chuang tawh ani tia an ziah kur nguai hi - dawt muhlum emawni chu aw tihmai a awl duh dawn khawp mai. Bihar ngat phei hi chu Chandragupta Maurya a thuthmun, a khawpuiber pawh Pataliputra - Patna antih tak hi - ani miau sia. Heng avang te hian nge mawni le India hi a than chak loh em em ni - Zun leh Ek inthlahdah te hi an thanmawh bawk emawni chu aw !!
13 comments:
Hihihi. Mizoram chhungah pawh thingtlang lam a zinchhuah changa ka buaina ber thin pawh zun ram thiarna ah hian a ni fo mai. Thlamuang taka thut siai siai theih lohna ah hi chuan a tla tha duh lo khawp mai hahaha
Mak ngawt mai vai ho hi zun leh ek an thlahdah ngawt a ni.
@amuana & Alex: Nia mawle. He kan village study naah pawh hian Ekin sak chungchanga an buai hle tak asin. An khaw hnaih deuha sak an tum leh thlai chinna kan nei loang antia. A hlat deuha sa ila antih leh kan hmeichhiate tan a buaithlak anti leh bawksi. Hnamhnuaihnug deuhte kha khawpawn deuha an awma Brahmin ho kha khaw laili-a an awm vethunga - Ek rim kha an hrelo deuh. Eitur min hluive khanglanga ei a harsa mai mai teh ania aw!!
Pic nen kan post thra ange..
Khi dil chung a an ekin sak te chu rin ai tak in a thrat zawk khi...a kotlang a threh mai mai duh pawh an tam thrin teh reng nen.
Pune ah pawh khan, veng changkang ve deuh pawh ni se, khawi maw lai ah changkang lo ho an inzep ve zel sia, nam deuh huk lai hi a awm zel tho mai. MG Road an tih te pawh a hmun lun leh changkang lai a nia, han peng lut hret ila, LAWI leh KEL lo la vulh uih hum hum hi an la awm tho zel mai.. Russell Peters pawh in Mumbai Airport uih zia a sawi kha.. mumbai airport te khu, an hung na lehlam zawng khu slum area ang chi hi a ni nghal a, silpaulin a in zar pawl duai mai a..nam ve ham ham tak chu ani.
http://i36.tinypic.com/24vlnki.jpg
Hei hi lo chhiar teh u,, a ngaihnawm mai mai..
http://www.indiamike.com/india-articles/my-first-day-of-my-2nd-time-in-india-after-10-years-an-india-travel-article-by-a-long-lost-india-traveler/
Nia a dik, nimin ka dor kal ho hi, dvd/cd dor trang in vai pa 1 hi lo chhuak a, ka hma ah tak a chil han pik puat a mole. Ka van han ten mai2
@Alexx: Pune i han sawi takah chuan nuam ka ti thin viau asin. Mumbai tezawng Slum vek alawm, hmun thenkhat lai a changkang ve deuh tih mai ania. Juhu Beach antih phawh khu tiau hmuhtur a awm tawh miah lo lehnghala. Ka chhiara ngaihnawm ka ti khawp mai - Pahar Ganj hi chu engkim a kim ve alawm, kawng chep tak tak awmna -Back Packers ho thlenna :)
@T_S: Ha ha ha ha....Mizo tar deuh tawh ina Tuibur hmuam an chhak puat thin min hriatchhuah tir e :)
Total sanitation campaign scheme hnuai a IEC(information education communication) pawisa hmang a beih fe an la ngai ve anih khi !!! Money order phek ah te hian hetiang lamm in zirtirna te hi dah tel ta ula maw le :)
@avena: West Bengal a i batchmate te hian englem an thawk lo chu anih phawt mai hi. He hmun hi North 24 Paraganas District ania, Kan awmna DM nen chuan an inthawh tam hlei ngawt anih hi. MO phek pawh kan hmang meuh tawh loe -eMO leh iMO (5000 and above) hi kan hmang tam mah zawk tawh e. Mahse ramdang atang rawn kal annia Bengali tawng pawh zuk chhiar thiam hlawm suh a :(
a remchang letling khop alom...kongsir ngot ai chuan :D
@Alexx, mumbai airport ah chuan Jamal-a ten kir-ket an khel thrin :P
Post a Comment