Friday, November 21, 2008

Ngaih Ang Ngawt Hi Ani Ngailo

Kan inhmuh tirh kha chuan engang mi nge tih leh engang rilru pu nge tih kha kan inzir tawn dun nasa ngawtin ka hria. A mak hranpa lemloe, a chhanchu ka hmaa lo thawk tawh ten hepa suahsual thiamzia leh lulhlul zia hlir kha an sawi chamchi sia. Chulo renga pawh Bengali ho ka nin tawngkhawng lai kha ani tlata, hnathawh peih loh vanga kawhmawh bawl nuam han tih em em hi tun thlengin a hrilhfiah dan leh hrilhfiah ngaihna hi ka la hre thei thlawtlo ani.

Rabindra Sarobar Lake-ah
Kan awmna hmunah

Mahse a mihringa hriat chian hmaa ngaihdan lo siamfel sa ngawt hi alo diklo leh thin. Tu ka sawi lo - Ka Driver ka sawi ve mai ani e. Ho angreng tak mahse ka nitin nunphung hrechiang ber tu leh min sawichhe theitu ani ve tlat. Helamah phei chuan pawimawh tak anni - Mahni lama tantir thei turin Union ho nen hian kan inchuh ani ber e. Keia tan lek phei chuan a pawimawh lehzual - Staff zinga senior ber annih tlangpui avangin mi tha leh misual, Posting Order siam dawna pawimawh em em - min hrilh theitu anni tlat. Ka Driver hmasa kha chu belchhung a sa hminsa, Pu Lalhluna lo khawizal tawh, kha ani tlata.

Rin anglo takin Pa tawngtlem leh fel em em, nau ang tak taka kan Nupa min enkawltu ani ta daih thunga. Ka Fapa a pianlai pawh khan sawi ngai miah loiin a tulna hmun apianga a tlan bakah zantin mamawhna thut a awm taka tiin khum pawh awmlohna a rawn riak phei ziaha. Tuna min sawn hnu pawh hian ka Fapa leh ka Nupui chuan anla ngai hle, engkim mai hi ka office hlan pawn alo tihfel sak dim diam thin. Helaia Mizo tamtak aiin ka ngaina, hnamdang leh hna hnuaihnung zawk thawk pawh nise.

Ka sawitum tak zawk chu hnamdangte pawh hi mi tha tak tak leh hriatreng tlak anlo tam khawp mai. Bakah mi hi tawngpawng namnul ngawt tur annilo. Mihring mihrinna angin tupawh biangbiak thiama an chungah kan that tel bawk hi chuan tumah hi kan lakah anlo sual ngai em em lo - Heihi kan Sakhuana leh kan Hnam nunphung nen a inmil ngawtin ka hria. Taka a hming chu Raj Kumar Dey ani e mahse Raj Da tiin kan chhungkua chuan kan ko thin. Kum thum leh a chanve ngawt kan inhrawn hman. Khawvelah hian zirtur hi alo va han tam tak em!!

13 comments:

awitei said...

Kan lo comment hmasa ber nge..hihi

NIa, hman deuh khan ka la hre reng, kan sr pa 1 hi kan sr nu te hian amah ka thrian 1 in a la hmuh hma khan an rel a, thriani chuan, "in sawi pa hi ka hmu chhe nghal vek, ka hmuh hma hoh in " a tih phah male..
Famkim hi kan lo om lo a, in hriat chian hi chuan thrat na hi kan lo nei ve fur zel..In hmuh thiam sam2 hi thra..

amuana said...

Lucas-a pa chu i ziak ngaihnawm dap dap hle mai. Ni e, i thuziak hi a pawimawh khawp mai. Famkimlohna khawvel ah kan chen chhung hi
chuan mihring hi tumah kan famkim tak tak thei lo a (Tunhma pawhin WWF (wwe ni ta) star Mr. Perfect te pawh buantualah a beh sek ve tun thin tho kha) kan thatna lai hi inhmuhsak thiam hi a pawimawh khawp mai. Min ringlotu leh min ngainalo tu bulah hi chuan that chhuah a har ang bawkin kan nginatlohzia kan tih lan bawrh bawrhte hi chu kan chungah an tha thei bik lo ang.

Cheng ho tur leh inmamawhtawn tur a khawsa tur kn nih miau avang hian kan tlinlohna lai kan inthup sak tlan thiam hian kan lo hlim tlang mai thin niin a lang.(Mi sualna thup pui tih lam sawi ka tum a ni lo ania)

Keiniin misual ber a kan ngaihte pawh hi thenkhatte tan chuan mi zaidam ngilnei an lo ni daih thei a ni.

I han sawi RK Dey pawh hi a thawhpuite tan ngeiawm lo ni mahse, nangmahin i zir miau avangin in chhungkaw tan chuan mi tha tak a lo ni si ah ka ngai hmiah mai :)

Puia said...

A dik hle mai. Mi hnehna hmanraw tha ber chu thatna hi a ni chawk reng a ni. Kan Pathian thu pawhin hmangaihna chauh lo chu tuma engmah ba lo turin min ti a. A chang chuan har thin hle mah se, tih hram hram a tul thin a ni.

Keini pawh hnam hrang hrang hmun hran hran atanga kalkhawm kan ni a. Mahse, Sap kan tih mai ho hi chapo ru viau mah se, an tilang ngai lem lo va. Amaherawhchu, ka thawhpui British nu pakhat chu mi khirh tak mai a ni a. MI tamtakin thawhpui hreawm an ti a, an ning thin hle. Ka hupurh ve viau a, mahse chutiang ringawta thawhdun chu ka duh si lo va, a mizia chu ka zir hmasa ta ber a, a khirhna leh an huatna chhan te chu thil ho tak mai a lo ni a, hun vawn dik leh felfai taka amah biak kalh kalh kha a lo duhdan a ni mahna,, zah vang pawh ni lem lovin ka han en kalh thin a, zawi zawiin kan in man chho a, tunah chuan ka thian tha ber a lo ni ta der mai. Fiam dawn lo taka an sawi kha ka lakah chuan a lo dawl ta khawp mai.

Sweden kan awm lai khan kan hotupa kha German a ni a, kan ning thei hle bawk. A hnuaia thawkte hi California a mi te, Holland a mi te leh England a mi te an ni hlawm a. Kei tih loh chu an Sappui vek an ni. A bik takin heng ho hian German pachal reng reng chu an khirh a, engkim hi an uluk a, an taima a, chuvangin a hnuaia thawh chu an lo hreh em em mai hi a lo ni a. Kan thianpa California lama mi phei chuan USA-ah chuan German Chief hnuaiah chuan a inthlahdah theih loh, engkim hi perfect a ngai tihn a, a ti a. Kan han thawk rei deuh a, a sual reng reng lo va, engkim chu felfai tak leh dik taka thawh a duh vang a lo ni a, inthlahdah reng reng a theih loh a ni. Mizo zingah khaikhin tur zawng ila, Brig.T Sailo ang deuh hi an mizia tur niin ka hria.

A_es said...

Ka thil vei em2 i rawn sawi chhuak tlat pek, mihring (thildang tam tak poh) hriat chian hmaa ngaihdan lo siamfel sa ngawt loh tur tih hi vawi tam ka thiante leh midang poh ka hrilh ve thrin ani. I sawi ang hian hetiangmi hi lam tranga siam thiam hi a pawimawh m2 a, kan siam anih vaih chuan kan tan malsawmna an ni thei.
Kan hriat ngailoh biak chhiat ngot phei chu pi pute poh khan an duh ngai loh anih kha.... Lampui changkhatah mi an be chhe ngailo an tih thrin kha maw!

amuana said...

Asanga hian mizotawng a hman/ziah dik ber tum ani thei angem? :P

A_es said...

Hets dul!! Shual suh.

Unknown said...

@toy soldier: Ilo leng luta a lawmawm hle mai. Nia ti ti thuleng hi ngaihdan siamna hmanrua chakber pawla ngaih chu ani e. Tha famkim leh fel nihte hi har deuh mai ani.

Unknown said...

@amuana: Mr. Perfect aka Kurt Henig i rawn sawi takah chuan tunlai WWE Vintage ka en thin tak asin. Inchai hi hmuhnawm ka ti hranpa ve reng renga :)

Mi thatna aia an chhiatna lai hmuh tlat hi mihring pianphung ve reng reng ani. Mahse i sawitak ang deuh hian mi thatna lai hmuhtum ranin chengza dial dial ila a hahdamthlak berin ka ring. Misual deuh deuh a kan ngaihte hi kan belhchian loh vangte pawh ani thei tho bawk. Raj Da a hi a thawhpuite chuan an haw ngang mai - Ka hriatloh tura an rin hi ka hreru leh khauh thin :)

Unknown said...

@Puia: Bible in a sawi anga hmangaihna nena biang lehlam dawh chu harsa ve tak ani. A reng renga Ramdang ilo fang zauh tawh bik hle mai a. British, a bik takin English, leh German ho chu induh tak anni. German ho lek phei chu Hnam taima leh engkim thil nitur anga duh thlip thlep anni tlat. Tun thlenga hnathawpuiche nuam anti anih chuan i fel ve reng reng anih chu. Brig. T. Sailo hi ka mi ngaihsan pawl tak ani reng asin mahse a CM reilo em ani - La CM zuizel se chuan mei eng Mizoram khian a thawn chhuahna a rei tawh ang mawle.

Unknown said...

@Asanga: Ekhai i blogspot a hian ka lenglut ve fo asin. Lo leng fo rawh khai. Hmanlai pi pute kha an fel ngawt tak asin - Mikhual chungah te khan an fel em em a. Amuana chuan a chhaihlkual deuh che ani maw :)

alexxfender said...

Secretariat ah rei lo te ka thawk ve a.. secretariat peon ho hi nuih an ti za thei a nia, an senior tawh hlom si a, transfer te hi an han hlau lo mai mai hlawm khawp a, kan peon pa pawh in, "khawi ah nge min transfer chuang ang, bang lehlam atrang bang lehlam ah min transfer vel mai mai a lom, a hla ber ah Secretariat block-D a ni mai" a tia lom.

alexxfender said...

I driver pa khian, 'chhangte nui lum ai' ngat in em ni Ni lum an ai vel tawh...

Unknown said...

Secretariat a hnathawkte chu 'Transfer Liability' an nei reng hleinem. Kulkhut a chuan Congress leh Communist Unions te tan innghhirnghhona chhuahna bulpui ber mawle. Sum hmuhtam na deuh te, Hna tlemna deuhte etc etc a awm alawm. Tin, Union pakhatina a lo luah tawh chair chu a union pui vek hnena pek lehte a ngai.India rama hnathawhna hharsa ber ania, pawn lam mi reng reng thla 6 (Minimum Tenure) bak an awm peih lo - Vawiin pawh hei ka Boss pa Lucknow kal chak tawh lutuk Lunch eipui a ngai anih hi.

Kan Driver hlui hi Tlangval ngat ala nia tak asin - 'Ralte Vahui Note' lakdan ka lo zirtir zawk ange :))